„მიუხედავად იმისა, რომ საარჩევნო ადმინისტრაციის თანამშრომელთა მიმართ პატივისცემით ვარ განწყობილი, უნდა აღვნიშნო, რომ მოცემულ ვითარებაში ადმინისტრაცია უკვე გახდა „ქართული ოცნების“ დაგრძელებული ხელი და ინსტრუმენტი არჩევნებზე სხვადასხვა მანიპულაციისთვის“. ამის შესახებ დღეს, სპეციალურ ბრიფინგზე განაცხადა „ლელოს“ მაჟორიტარობის კანდიდატმა გურიაში გიორგი სიორიძემ.
მისი თქმით, დღევანდელი მონაცემებით 12 ათას ადამიანამდეა კოვიდინფიცირებული. ასევე ათასობით განისაზღვრება ინფიცირებულთან კონტაქტების მქონე და იზოლაციაში მყოფთა რაოდენობა. „ამ ფონზე, საარჩევნო ადმინისტრაცია იღებს დადგენილებას, რომლის თანახმადაც დროის არაგონივრულად მცირე მონაკვეთში, მხოლოდ 24-იდან 26 ოქტომბრის ჩათვლითარის შესაძლებელი ამ ადამიანთა გადასატანი ყუთებით მოსარგებლეთა სპეციალურ სიაში რეგისტრაცია არჩევნებში მონაწილეობისთვის.
ვინაიდან ამ კონტინგენტისთვის ახალი რეგულაცია ცვლის ცალკეულ პროცედურებს (მაგალითად, მარკირების გაუქმება), ასეთი რეალობა, ქართულ სინამდვილეში, ხდება ხმებით მანიპულირების მაღალი რისკის შემცველი პროცესი. ეს მხოლოდ „ქართული ოცნების“ ხელისუფლებას აძლევს ხელს. რისკის ქვეშაა საარჩევნო პროცესის ისეთი ორგანული მდგენელები, როგორიცაა ფარულობა, თავისუფალი ნების გამოვლენა, საყოველთაობა“, -აღნიშნა სიორიძემ.
მან ასევე ხაზი გაუსვა, რომ ხელისუფლების კისერზეა ის, რომ არჩევნების კარამდე შეგნებულად მოიტანა აღნიშნული პრობლემა. „ხელისუფლება ვალდებული იყო ამ ვითარების პროგნოზირება მოეხდინა გაზაფხულზევე, როცა ინფექციის გავრცელების შეჩერება და პროცესის დროში გადავადება პრაქტიკულად სრული ჩაკეტვით მოხერხდა. მაშინვე ცხადია იყო, რომ შემოდგომა ინფექციის გავრცელების მხრივ იქნებოდა მძიმე (ამაზე საუბრობდა თავად მთავრობა) და 31 ოქტომბერი, როგორც საარჩევნო დღე, იქნებოდა განსაკუთრებული პასუხისმგებლობით დასაორგანიზებელი. ამას სჭირდებოდა უმაღლეს საკანონმდებლო თვალსაზრისით გააზრება და შესაბამისი გადაწყვეტილებების მიღება, რაც „ოცნებამ“ არ გააკეთა და დღეს საზოგადოებას, საარჩევნო ადმინისტრაციით ხელით სთავაზობს კონტექსტიდან ამოგლეჯილ, სათავისო და ამომრჩევლის უფლებების შემლახავ გადაწყვეტილებებს.
დღეს გვაქვს მდგომარეობა, როცა ინფექციის ლამის გეომეტრიული პროგრესიით ზრდის ფონზე, მხოლოდ 19 ოქტომბერს, არჩევნებამდე რამდენიმე დღით ადრე, საარჩევნო ადმინისტრაცია გამოსცემს დადგენილებას და აძლევს სპეციალური რეგისტრაციის საშუალებას ინფექციის გამო მობილობაშეზღუდულ პირებს.
ფაქტია ისიც, რომ სადღეისოდ ინფიცირებულთა და იზოლირებულთა მხოლოდ 10 %-ს აქვს რეგისტრაცია გავლილი. ამას ხელს უწყობს ისიც, რომ ხელისუფლებას და საარჩევნო ადმინისტრაციას არ უწარმოებია შესაბამისი და სათანადო აგრესიულობით საჭირო საინფორმაციო კამპანია. მეორეს მხრივ, სამწუხარო ფაქტია, რომ 27-იდან 31 ოქტომბრამდე პერიოდში ჩვენ კიდევ დაგვემატება რამდენიმე ათასი კოვიდინფიცირებული და მათთან კონტაქტის გამო იზოლირებულები და ეს ამომრჩევლები, საპარლამენტო არჩევნების მიღმა დარჩებიან“, – განაცხადა გიორგი სიორიძემ.
მან სოლიდარობა და თანადგომა გამოუცხადა „სამოქალაქო პლატფორმა 2020“ -ს, რომელმაც დღეს საკონსტიტუციო სარჩელით მიმართა საკონსტიტუციო სასამართლოს და მოითხოვა ამ რეგულაციის შეჩერება. „ჩვენ თანადგომას ვუცხადებთ ამ არასამთავრობო ორგანიზაციას და ყველა იმ პირსა და ორგანიზაციას, ვინც იბრძვის იმისთვის, რომ ამ საპარლამენტო არჩევნებზე რამდენიმე ათეული ათასი ამომრჩეველი, რომლებიც მობილობის შეზღუდული უფლების გამო ისედაც მოკლებულნი იქნებიან მაჟორიტარულ ნაწილში ხმის მიცემის შესაძლებლობას, საერთოდ არ დარჩნენ საარჩევნო პროცესის მიღმა.
კიდევ ერთხელ მოვუწოდებ მოქალაქეებს, რომ რეგულაციების ზედმიწევნით დაცვით და მაქსიმალური სიფრთხილით, აუცილებლად მიიღონ მონაწილეობა არჩევნებში. „ლელო“ ყველაფერს გააკეთებს საიმისოდ, რომ ამომრჩეველს მიეცეს თავისი მოქალაქეობრივი მოვალეობის სრულფასოვნად შესრულების საშუალება“, – აღნიშნა ბრიფინგზე „ლელოს“ მაჟორიტარობის კანდიდატმა გურიაში გიორგი სიორიძემ.
გაზეთი „ალიონი“ ამ თემაზე ოზურგეთის #60/24 საარჩევნო კომისიის თავმჯდომარე ბერდია ლომიძეს ესაუბრა: _22 ოქტომბრიდან 26 ოქტომბრის ჩათვლით მიმდინარეობს თვითიზოლიცაიში მყოფი პირების რეგისტრაცია, რათა მათ, ვისაც სურვილი აქვს, მიიღონ მონაწილეობა ხმის მიცემის პროცედურაში გადასატანი ყუთის მეშვეობით. ამისათვის მათ უნდა მიმართონ ცენტრალურ საარჩევნო კომისისიას (ცესკო) ცხელ ხაზზე: 0322 51 0051 (შიდა ნომერი 0)
ცეესკოს სატელეფონო-საინფორმაციო ცენტრი გამართულად მუშაობს და 25 ოპერატორი დღეს 22 საათამდე დააფიქსირებს მოქალაქეთა მოთხოვნებს, რომლის შემდეგ მათი მონაცემები ოფიციალურად დაფიქსირდება შესაბამისი უწყების მონაცემთა ბაზაში.
ხვალიდან იწყება ერთიანი საარჩევნო სიების ბეჭდვა და დღეს, 22 საათის ჩათვლით თვითიზოლიაციში მყოფი პირებიდან, ვინც ვერ მოხვდება გადასატანი ყუთების სიაში ვერ მიიღებენ არჩევნებში მონაწილეობას. ხოლო ის პირები, ვინც გადასატან ყუთზე იქნებიან რეგისტრირებული, ერთიან საარჩევნო სიაში მათი გრაფის გასწვრივ იქნება წარწერა „გადაყვანილია საარჩევნო ყუთში.“
26 ოქტომბრის შემდეგ თვითიზოლიაციაში მოხვედრილი პირები, ზემოთ თქმული მიზეზების გამო კენჭისყრაში მონაწილეობას ვერ მიიღებენ_ გვითხრა ბერდია ლომაძემ.

 

მოიწონეთ და გააზიარეთ სტატია:

მსგავსი სტატიები

  • 72
    ქართული მოვალეობის შემსრულებელი"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…
  • 71
    ცესკომ პარტიებთან და სადამკვირვებლო ორგანიზაციებთან ერთად კენჭისყრის დღის ეპიდემიოლოგიური პროტოკოლი შეიმუშავაცენტრალურმა საარჩევნო კომისიამ (ცესკო) არჩევნებში ჩართულ მხარეებთან კონსულტაციების საფუძველზე შეიმუშავა და დღეს დადგენილებით მიიღო კენჭისყრის დღის ეპიდემიოლოგიური პროტოკოლი. დოკუმენტი იმ სანიტარულ-ჰიგიენურ წესებს განსაზღვრავს, რომლის დაცვითაც უნდა მიიღონ ამომრჩევლებმა არჩევნებში მონაწილეობა და რომლის მიხედვითაც უნდა იმოქმედონ საუბნო საარჩევნო კომისიების წევრებმა და ჩართულმა მხარეებმა. ცენტრალური საარჩევნო კომისიისთვის ამომრჩევლების და საარჩევნო პროცესის სხვა…
  • 68
    ,,შალომ კლუბი“ 17 წლის გადასახედიდან„ალიონის“ სტუმარი „შალომ კლუბ გურიას“  შესახებ „შალომ კლუბ გურიას“ ჩვენი მკითხველისთვის განსაკუთრებული წარდგენა არ სჭირდება. ამ კლუბის შესახებ დღეს გურიაში კარგად იციან  როგორც უფროსი თაობის წარმომადგენლებმა, ისე ახალგაზრდებმა და ბავშვებმაც, ანუ სამივე თაობამ. რასაკვირველია, „შალომ კლუბი“ სახელდებული და უკვე პოპულარულია ისრაელში. ნომრის სტუმარია „შალომ კლუბ გურიას“ პრეზიდენტი, ბატონი ზაურ ოსეფაიშვილი…
  • 68
    ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამაცენტრალურმა საარჩევნო კომისიამ (ცესკო) დღეს გამართულ სხდომაზე საქართველოს პარლამენტის 2020 წლის 31 ოქტომბრის არჩევნების საბოლოო შედეგები შეაჯამა. შემაჯამებელი ოქმის თანახმად,   ამომრჩეველთა საერთო რაოდენობამ შეადგინა 3 511 853. პროპორციული საარჩევნო სისტემით ჩატარებულ არჩევნებში მონაწილეობა 1 992 891-მა ამომრჩეველმა მიიღო. შემაჯამებელ ოქმში დეტალურად არის ასახული ინფორმაცია საარჩევნო სუბიექტების მიერ მიღებული ხმების პროცენტების და…
  • 65
    მაჟორიტარი დეპუტატობის კანდიდატების აზრი საარჩევნო გარემოს შესახებშოთა გოგიბერიძე, საქართველოს პატრიოტთა ალიანსი: _  სამწუხაროა რომ პლაკატების ომი გრძელდება.  არ ვიცი ამას ვინ აკეთებს. სხვა პოლიტიკური ორგანიზაციების პლაკატებიც ხშირად მინახავს ჩამოხეული. ამაში ხომ თანხებია გადახდილი. გულდასაწყვეტია,  ამით ზიანდება საარჩევნო პროცესი. აქტივისტების, კოორდინატორების, აგიტატორებისგან ჩემამდე არ მოსულა ინფორმაცია ზეწოლებისა და ხელის შეშლის შესახებ. იმ შემთხვევაში, თუ საოლქო და საუბნო…