ქალთა საერთაშორისო დღესთან დაკავშირებით ოზურგეთში, ფოლკლორის სახელმწიფო ცენტრში, „ქალთა ოთახთან“ არსებული „გამარჯვებული ქალთა კლუბის“ წევრების ნამუშევრების გამოფენა გაიმართა.

„გამარჯვებულ ქალთა კლუბი“ აერთიანებს იმ ქალბატონებს, რომელთაც დაამარცხეს სიმსივნე. კლუბი ადგილობრივ თვითმმართველობებთან თანამშრომლობით სხვადასხვა საინტერესო პროექტებს ახორციელებს, ეს არის მიზნობრივი სამედიცინო კვლევების დაფინანსება, სპეციალური ფიზიკური ვარჯიშების ორგანიზება, ფსიქოლოგიური მომსახურების სერვისი და ა.შ.

ამ თემაზე სიტყვებით გამოვიდნენ ექიმი ნინო ქევანიშვილი, ოზურგეთის მუნიციპალიტეტის მერიის განათლების, კულტურის, სპორტის, ახალგაზრდობის, ჯანდაცვისა და სოციალური მომსახურების სამსახურის უფროსი მარინა ჯაფარიძე, გამარჯვებულ ქალთა კლუბის ხელმძღვანელი მანანა ღლონტი, ფოლკლორის ცენტრის დირექტორი ავთანდილ სურგულაძე.

ღონისძიებას ოზურგეთის მერი კონსტანტინე შარაშენიძე, ოზურგეთის მუნიციპალიტეტის საკრებულოს თამჯდომარე დავით დარჩია დაესწრნენ და სიტყვებით მიმართეს საზოგადოებას.

_„მინდა ყველა ქალბატონს მივულოცო ქალთა დღე, ვუსურვო ჯანმრთელობა, დღეგრძელობა და ბედნიერება. მუნიციპალიტეტი ყოველთვის დააფინანსებს იმ სასიკეთო წამოწყებებს, რომლებიც ქალებს და მათ ჯანმრთელობას ეხება,“ – აღნიშნა კონსტანტინე შარაშენიძემ.

ღონისძიება მხატვრულად ოზურგეთში მოქმედმა ფოლკლორულმა ანსამბლებმა („შვიდკაცა“, „რეხეული,“ თემურ ანდღულაძე)და სახელმწიფო, დრამატული თეატრის მსახიობმა ბელა კიკვაძემ გააფორმეს.

მოიწონეთ და გააზიარეთ სტატია:

მსგავსი სტატიები