ჯუმათი ოზურგეთის მუნიციპალიტეტის ერთ-ერთი სოფელია. მაღალმთიანი, ულამაზესი, უძველესი კულტურის მქონე, აქ ადამიანთა დასახლების ისტორია ჩვენს წელთაღრიცხვამდე იწყება… ალბათ, ადრეული ცივილიზაციის გაგრძელებაა, რომ სოფელში სამოქალაქო აქტიურობით გამორჩეული ახალგაზრდობა ცხოვრობს და საქმიანობს კიდეც.
ქალბატონი მაკა ჩხარტიშვილი ჯუმათის სათემო ორგანიზაციის „ჯუმას“ ერთ-ერთი ხელმძღვანელია. „ჯუმა“ კი არასამთავრობო ორგანიზაციის „გურიის მედიატორთა ასოციაცია“ ქოლგის ქვეშ საქმიანობს. მაკა ასოციაციის ერთ-ერთი დამფუძნებელიცაა. „ – ჩვენ გვსურს, რომ რეგიონში ჩამოყალიბებული იყოს მაღალი პასუხისმგებლობის მქონე, ინფორმირებული და განათლებული სამოქალაქო საზოგადოება. სოფლად მცხოვრები მოსახლეობა არ გრძნობდეს სოციალურ უთანასწორობას, მათაც შეძლონ უკეთეს გარემოში ცხოვრება. ხელი მიუწვდებოდეს ყველა სახის სერვისზე და მომსახურებაზე, შეძლონ თავიანთი უფლებების დაცვა, ეკონომიკური და სოციალური მდგომარეობის გაუმჯობესება.“ – გვეუბნება მაკა.
მას და მის მეგობრებს სჯერათ, რომ მხოლოდ უკეთ ინფორმირებული და მაღალი სამოქალაქო პასუხისმგებლობის მქონე საზოგადოება შეიძლება გახდეს ქვეყნის განვითარების საწინდარი. კი, სურვილი მასშტაბურია და ძალიან დიდ, ერთობლივ შრომას მოითხოვს საზოგადოების ყველა ფენის ჩართულობით. წარმატების გარანტია ისიც, რომ მათ უკვე მოპოვებული აქვთ ევროკავშირის მხარდაჭერა.
ასოციაცია ევროკავშირის მხარდაჭერით შეიქმნა 2011 წელს პროექტის „დემოკრატიის სწავლების მოდელი“ ფარგლებში. ეს კი მნიშვნელოვანი ხელშეწყობა და თანადგომაა. ასოციაციის წევრი ახალგაზრდული სათემო ცენტრები შეიქმნა 2006 წელს ,,საქართველოს სტრატეგიული კვლევებისა და განვითარების ცენტრის” ხელშეწყობით ,,სოფლის განვითარების ქსელური პროგრამის” ფარგლებში. სათემო ახალგაზრდული ცენტრების, საინიციატივო ჯგუფებისა და სათემო ორგანიზაციების ძირითადი საქმიანობა თემში მუშაობაა. ეს ცენტრები გახლავთ – ,,ბაია” – ოზურგეთის მუნიციპალიტეტის ბაილეთის თემი, ,,ჯუმა” – ოზურგეთის მუნიციპალიტეტის ჯუმათის თემი, ,,კოხნარა“, კოხნარის თემი, ჩოხატაურის მუნიციპალიტეტი. ბოლო წლებში მათ დაემატა სოფლები – თხინვალი მერია, ნატანები. სხვადასხვა ფონდის დახმარებით – დონორები: ევროკავშირი, PIN, ღია საზოგადოება საქართველო, ინოვაციებისა და რეფორმების ქსელი და სხვა, – თემებში ხდება ახალგაზრდობის ინფორმირება, განათლება სხვადასხვა აქტუალურ თემასთან დაკავშირებით, მოსახლეობის იურიდიული კონსულტაცია, სამოქალაქო აქტივობის წახალისება. განსაკუთრებით აღსანიშნავია ემიგრანტების მიმართ გაწეული ფსიქო-სოციალურ-იურიდიული დახმარება, რის სანაცვლოდაც გურიის მედიატორთა ასოციაციის პარტნიორი გახდა იტალიაში შექმნილი ემიგრანტების ფონდი, რომელიც ფულადი გზავნილების და ამანათების საშუალებით ეხმარება გურიის სოფლებში მცხოვრებ შეჭირვებულ მოსახლეობას. მართალია, თანხა მცირეა, მაგრამ სასიცოცხლოდ მნიშვნელოვანია ბევრი ადამიანისთვის. ასოციაციის ინიციატივით სამიზნე სოფლებში შეიქმნა ეკოკლუბები, მათი საქმიანობა მოიცავს თემატიკას – ნარჩენების მართვა, გლობალური დათბობის საკითხებზე მოსახლეობის ინფორმირება, კონკრეტული პრაქტიკული აქტივობები ჯანსაღი ცხოვრების პროპაგანდისათვის, გადამდები და ვირუსული ინფექციების პრევენციის, გარემოს დაცვისათვის, სპეციალური საჭიროების მქონე ბავშვების ინტეგრაციის პროცესში ჩართვა და სხვა.
ასოციაციის მიერ განხორციელებული ყველა პროექტის და პროგრამის სამიზნე სოფლად მცხოვრები მოსახლეობაა – მათი ინტერესების ლობირება მუნიციპალიტეტის საკრებულოში, თემში ბევრი კონკრეტული პრობლემა მოგვარდა, ერთად, საერთო ძალისხმევით.
რა თქმა უნდა, წარმატებების ასასახად ციფრების გამოყენებაც შეიძლება, მაგრამ უფრო მნიშვნელოვანია ის, რომ მათი სჯერა ადამიანებს, ენდობიან, ხედავენ, შედეგებს, რომლებიც მათი საჭიროებების მოგვარებას ემსახურება.
მაკა ჩხარტიშვილი: „ – 2023 წლიდან ასოციაცია გეგმავს გაააქტიუროს საქმიანობები ქალთა უფლებების და ინფორმირების მიმართულებით. სოფლად მცხოვრებ ქალთა შესაძლებლობების განვითარებისთვის. არასამთავრობო სექტორს განვიხილავ ერთ-ერთ მნიშვნელოვან აქტორად ზოგადად ქვეყანაში და ასევე სოფლად მცხოვრები ადამიანების პრობლემების მოგვარების შესაძლებლობების გამო. სწორედ ამიტომ აღმოვჩნდი აქ. მას შემდეგ მეც ბევრი რამ გავიგე, შევიძინე მოკავშირეები, პარტნიორები, თანამოაზრეები, მეგობრები ყველა სექტორში, სწორედ მათი მხარდაჭერის და ნდობის დამსახურებაა, რომ უკვე 11 წელია ვაკეთებთ ჩვენს საქმეს. ყველა ადამიანმა რომ თავისი წილი პასუხისმგებლობა გაიაზროს და იტვირთოს, გაცილებით უკეთესი გახდებოდა სამყარო ჩვენს ირგვლივ. ჩვენ ვცდილობთ და უკვე მიღებული შედეგები იმედისმომცემია.“
„თუ გინდა სწრაფი შედეგი, გახდი მეწაღეო“ – ამბობდა აინშტაინი. კი, სწრაფად მცირე შედეგი მიიღება, მაგრამ ეს არ ნიშნავს, რომ ყველამ დღევანდელი კვერცხი აირჩიოს…
„მნიშვნელოვანი მიღწევები მხოლოდ მაშინ ჩნდება საზოგადოებაში, როდესაც ისინი ინდივიდის თავისუფალი განვითარების საშუალებას ქმნიან.“ – ესეც აინშტაინმა თქვა და… მე ვხედავ, მაკას გარშემო, ინდივიდის თავისუფალი განვითარების პრიორიტეტს.
ლია კილაძე
მოიწონეთ და გააზიარეთ სტატია:

მსგავსი სტატიები

  • 100
    „ამერიკის ელჩთან შეხვედრა 21 მარტს ნამდვილად შედგა“ - ბიძინა ივანიშვილი განცხადებას ავრცელებსსაქართველოს ყოფილი პრემიერ-მინისტრი ბიძინა ივანიშვილი განცხადებას ავრცელებს. როგორც ივანიშვილი განცხადებაში აღნიშნავს, მმართველმა გუნდმა სწორად იმუშავა, სწორი და პრინციპული პოზიცია დაიკავა და მთავარი სირთულე, ომის საფრთხის პირველი ეტაპი უკვე გადალახა. მისივე თქმით, ამ ძალისხმევის წყალობით, საქართველოს ომში ჩათრევის უშუალო საფრთხე დღეს მაქსიმალურად არის განეიტრალებული: „უპირველეს ყოვლისა, მინდა, ჩემი ღრმა პატივისცემა კიდევ…
  • 95
    ამირან გამყრელიძე მიმართვას ავრცელებსდაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის…
  • 91
    ჩოლოქის ბრძოლა1918 წლის 3 მარტს საბჭოთა რუსეთსა და გერმანიას, ავსტრია-უნგრეთს, ოსმალეთსა და ბულგარეთს შორის დაიდო ბრესტ-ლიტოვსკის საზავო შეთანხმება, რომლის მიხედვით, რუსეთი გამოეთიშა პირველ მსოფლიო ომს. ზავის მიხედვით რუსეთს ოსმალეთის იმპერიისთვის უნდა დაეთმო ბათუმისა და ყარსის ოლქები. ამ დროს ამიერკავკასია ფაქტობრივად დამოუკიდებელი იყო რსფსრ-სგან და იმართებოდა ამიერკავკასიის სეიმის და ამიერკავკასიის კომისარიატის მიერ, თუმცა დამოუკიდებლობა გამოცხადებული არ ჰქონდა. ოსმალეთის იმპერია ითხოვდა ბრესტ-ლიტოვსკის ზავით კუთვნილი ტერიტორიების დათმობას ამიერკავკასიის მთავრობისგანაც. სეიმი ცდილობდა ოსმალეთთან პრობლემის მოგვარებას დიპლომატიური გზებით.…
  • 91
    საქართველოს კათოლიკოს-პატრიარქის საშობაო ეპისტოლესრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ ილია II-ის საშობაო ეპისტოლე: „ყოვლადსამღვდელონო მღვდელმთავარნო, ღირსნო მოძღვარნო, დიაკონნო, ბერ-მონოზონნო, ხელისუფალნო, საქართველოს წმინდა მართლმადიდებელი ეკლესიის ყოველნო წევრნო, მკვიდრნო ივერიისა და ჩვენი ქვეყნის საზღვრებს გარეთ მცხოვრებნო თანამემამულენო, „ვჰმადლობდეთ მამას, რომელმაც გვიხსნა სიბნელის ხელმწიფებისაგან… და შეგვიყვანა თავისი საყვარელი ძის სასუფეველში“ (კოლ.1.13) დგება…
  • 91
    რატომ აიცილა თავიდან არნოლდ გეგეჭკორმა ბინდიბუს ბელადის ცოლთან დაწოლა და როგორ გადაურჩა ის სიკვდილს რამდენჯერმე  სამწუხარო ცნობა გავიგეთ. გარდაიცვალა დიდი მეცნიერი, ბიოლოგიურ მეცნიერებათა დოქტორი, მსოფლიოს  5 კონტინენტის 8 უნივერსიტეტის პროფესორი, ათეულობით წიგნისა და 600-მდე ნაშრომის ვატორი არნოლდ გეგეჭკორი. გთავაზობთ ჟურნალ „თბილისელებში„ დაბეჭდილ მის ერთ-ერთ ინტერვიუს.   არნოლდ გეგეჭკორი – ბიოლოგიის მეცნიერებათა დოქტორი, თბილისის სახელმწიფო უნივერსიტეტის პროფესორი, რამდენიმე დარგობრივი აკადემიის აკადემიკოსი, 600-მდე ნაშრომის ავტორი. 1963…