28 თებერვალს, ქ. ოზურგეთში, ტექნოპარკში, გურიის ეროვნული პარკის დაარსების პროექტის ფარგლებში, ბუნების დაცვის მსოფლიო ფონდმა (WWF)და გარემოს დაცვისა და სოფლის მეურნეობის სამინისტროს დაცული ტერიტორიების სააგენტომ ადგილობრივი მედიის წარმომადგენლებისთვის, არასამთავრობო ორგანიზაციებისა და სხვა დაინტერესებული პირებისათვის საინფორმაციო შეხვედრა გამართა.

პროექტის პრეზენტაცია _ჩატარებული სამუშაოების, კვლევების და კანონპროექტის მომზადების შესახებ ისაუბრა ბუნების დაცვის მსოფლიო ფონდის (WWF) პროექტის კოორდინატორმა გიორგი ცინცაძემ;

ადგილობრივ თემებთან შეხვედრებისა და განხორციელებული საგრანტო პროექტები მიმოიხილეს ინოვაციებისა და სამოქალაქო განვითარების ცენტრი _პროგრესის სახლის დირექტორმა ლევან მჟავანაძემ და „სტუდენტურ-ახალგაზრდული საბჭოს“ გამგეობის თავმჯდომარე ნათია გეგიაძემ, ხოლო კანონპროექტის მიმდინარე სტატუსზე _ დაცული ტერიტორიების წარმომადგენელმა ნატო სულთანაშვილმა.

შეხვედრის ბოლოს პროექტის ფარგლებში მომზადებული ვიდეოფილმის ჩვენება გაიმართა.

პროექტი „გურიის ეროვნული პარკის“ დაარსება მიზნად ისახავს გურიის უნიკალური ეკოსისტემის დეგრადაციისა და ფრანგმეტაციის შეჩერებას ბიომრავალფეროვნების დაცვისა და ბუნებრივი რესურსების არამდგრადი გამოყენების აღმოფხვრის გზით.

ეროვნული პარკის დაარსება პირდაპირ გავლენას მოახდენს ოზურგეთისა და ჩოხატაურის მუნიციპალიტეტებზე. ერთის მხრივ, შენარჩუნდება გურიის უნიკალური ბიომრავალფეროვნება, ხოლო მეორეს მხრივ, ეროვნული პარკი დაეხმარება ადგილობრივ მოსახლეობას, განავითაროს შემოსავლის ალტერნატიული და მდგრადი წყაროები ტურისტული პოტენციალის ზრდის მეშვეობით, რაც დადებითად აისახება ადგილობრივი მოსახლეობის სოციალურ და ეკონომიკურ მდგომარეობაზე.

მოიწონეთ და გააზიარეთ სტატია:

მსგავსი სტატიები