„იმ ქვეყნებიდან ტურისტების მიღება უნდა აიკრძალოს, სადაც აღნიშნული შტამი ფართოდ გავრცელებულია“_ რა აკრძალვას ითხოვს ბიძინა კულუმბეგოვი

ალერგოლოგ-იმუნოლოგი ბიძინა კულუმბეგოვი სოციალურ ქსელში კორონავირუსის სხვადასხვა შტამების მიხედვით სიკვდილიანობის მაჩვენებელს აქვეყნებს. მისი თქმით, ინდური შტამის სწრაფი გავრცელების პრევენციის მიზნით, იმ ქვეყნებიდან ტურისტების მიღება უნდა აიკრძალოს, სადაც აღნიშნული შტამი ფართოდ გავრცელებულია.ამის შესახებ ინფორმაციას DIGEST.GE ავრცელებს.

„ბრიტანეთის ოფიციალური მონაცემების მიხედვით სიკვდილიანობის (CFR) მაჩვენებელი შტამების მიხედვით ასე გამოიყურება:

– ალფა (ბრიტანული) 2%

– ბეტა (სამხრეთ აფრიკული) 1.5%

– დელტა (ინდური) 0.3%

ერთი შეხედვით სასიხარულო ინფორმაციაა დელტა ვარიანტის სიკვდილიანობის დაბალი მაჩვენებელი, მაგრამ ეს განპირობებულია იმით, რომ ბრიტანეთში მოზრდილი მოსახლეობის უდიდესი ნაწილი აცრილია. ახლა ინფექცია ძირითადად ახალგაზრდებში ცირკულირებს. სამწუხაროდ არავაქცინირებულ ერებში მაგალითად რუსეთში, ინდოეთში ეს მონაცემი კარდინალურად განსხვავდება.

გერმანიამ დელტა ვარიანტის სწრაფი გავრცელების პრევენციის მიზნით აკრძალა რუსეთიდან ტურისტების მიღება. იმედია ჩვენც არ დავაგვიანებთ შესაბამისი გადაწყვეტილების მიღებას.“, – წერს ბიძინა კულუმბეგოვი.

მსგავსი სტატიები