ზურაბ ნასარაიას საჯარო მმართველობის დოქტორის ხარისხი მიენიჭა

გურიის ექსგუბერნატორს ზურაბ ნასარაიას ნაშრომისათვის „რეგიონის მდგრადი განვითარების მართვის ევროპული გამოცდილება და მისი საქართველოში იმპლემენტაცია“, საჯარო მმართველობის დოქტორის ხარისხი მიენიჭა.

„მოხარული ვარ, რომ სადისერტაციო ნაშრომის დაცვა წარმატებით დასრულდა და საჯარო მმართველობის დოქტორის ხარისხი მომენიჭა.

სამეცნიერო საბჭოს გადაწყვეტილებით, ჩემმა ნაშრომმა „რეგიონის მდგრადი განვითარების მართვის ევროპული გამოცდილება და მისი საქართველოში იმპლემენტაცია“, უმაღლესი შეფასება მოიპოვა.

სადოქტორო ნაშრომი გურიაში ჩემი სამწლიანი მოღვაწეობის ერთგვარი შეჯამება და გამოცდილების განზოგადებაა. სწორედ ამიტომ ნაშრომში ძირითადი ნაწილი გურიის, როგორც „მწვანე რეგიონის“ სტრატეგიის შემუშავებას და მის პერსპექტივებს დაეთმო.

სამეცნიერო კვლევებითა და ემპირიული დასკვნებით დადგინდა, რომ რეგიონის მდგრადი განვითარების მართვის მნიშვნელოვან მექანიზმების შესაბამისობა გლობალურ მიზნებთან – ეს არის ადამიანური პოტენციალის ფორმირების, რაციონალური გამოყენების, შენარჩუნებისა და განვითარების პირობების უზრუნველყოფა, მათი ერთმანეთთან ურთიერთკავშირი, რომელიც უზრუნველყოფს რეგიონული განვითარების მდგრადობას. ეს და სხვა მნიშვნელოვანი ასპექტები ვრცლადაა განხილული ნაშრომში.

დიდი მადლობა მინდა გადავუხადო ჩემს ხელმძღვანელს პროფესორ ჯემალ გახოკიძეს, სამეცნიერო საბჭოს თავმჯდომარეს, საბჭოს წევრებს, ყველა იმ ადამიანს, ვინც მცირედი წვლილი შეიტანა კვლევების მომზადებაში, ასევე ჩემს ქომაგებსა და გულშემატკივრებს.

დარწმუნებული ვარ, ერთიანი ძალისხმევით ბევრი, მნიშვნელოვანი და საერთო სარგებელის მქონე საქმის გაკეთებაა შესაძლებელი. ასე, რომ მორიგ წარმატებამდე, მეგობრებო!“ _წერს ზურაბ ნასარია საკუთარ ფეისბუქგვერდზე.

მსგავსი სტატიები