გურიის საჭადრაკო ჩემპიონატი, რეგიონში ერთერთი მნიშვნელოვანი და პრესტიჟული სპორტული ღონისძიებაა, რომლის მიმართ ჭადრაკის მოყვარულთა და ზოგადად ფართო საზოგადოების ინტერესი განსაკუთრებით მაღალია. იგი, 1995 წლიდან მოყოლებულიყოველწლიურად ტარდება და მასში რეგიონის მუნიციპალიტეტების ყველაზე წარმატებული და ძლიერი მოჭადრაკეები ღებულობს მონაწილეობას. დღემდე ჩატარებული 25 ჩემპიონატიდან, 18-ს ოზურგეთმა უმანსპიძლა, 6-ს ლანჩხუთმა და ერთს ჩოხატაურმა. ჩემპიონის ტიტული სულ მოპოვებული აქვს 10 მოჭადრაკეს. კერძოდ ოზურგეთიდან – თორნიკე ხვედელიძეს(1-ჯერ), მინდია ჩხიკვიშვილს (2-ჯერ), გიორგი გოგოლაურს(2) და დავით ცეცხლაძეს(2); ლანჩხუთიდან -ნუგზარ გვარჯალაძეს(3), რუსუდან ჭკუასელს(3), ქრისტინე მჟავიას(4) და ტარიელ ხუხუნაიშვილს(3); ჩოხატაურიდან- ამირან ბერძენიშვილს(1) და გივი ქორიძეს (4); შეამჩნევდით, რომ ჩემპიონებს შორის ლანჩხუთელთა სახელით მოასპარეზე ორიქალბატონია- რუსუდან ჭკუასელი და ქრისტინე მჟავია, რომლებმაც ჯამში 7-ჯერ აჯობეს მამაკაცებს(!).( რუსუდანი ამჟამად მცხეთის საჭადრაკო კლუბს ხელმძღვანელობს, ხოლო ქრისტინე, რომელსაც ახალციხეში აქვს ოჯახი, აქტიურ ჭადრაკს ჩამოშორდა და სპეციალობით მსახურობს.). სწორედ, აღნიშნულმა განაპირობა ის,რომ გურიის ქალთა შორის ჩემპიონატის ცალკე ჩატარება ნაკლებ საინტერესო გამოდგა . იგი მხოლოდ ერთჯერ, 1995 წელს გაიმართა და მასში 8 მოჭადრაკე მონაწილეობდა. მაშინ ოზურგეთელმა ნინო წიტაიშვილმა და ლანჩხუთელმა რუსუდან ჭკუასელმათანაბარი ქულები დააგროვა და ჩემპიონის გამოსავლენად, მათ შორის დამატებითი მატჩი დაინიშნა, რომელშიც ნინო წიტაიშვილმა გაიმარჯვა, მესამე საპრიზო ადგილზე კი ჩოხატაურელიჯანა გიორგაძე გავიდა.ნინო წიტაიშვილი შემდგომადგილობრივ შეჯირებებში არ მონაწილეობდა , თუმცა შეძლო ევროპის ვიცე – ჩემპიონი გამხდარიყო 14 წლამდე ასაკში. ამჟამად იგი რეგიონში ერთერთი წარმატებული მწვრთნელია. 90-ინი წლების ბოლოს მამაკაცებს ტოლს არ უდებდა ოზურგეთელი ოსტ/კანდიდატი ლანა ლომაძე, რომელიც მამაკაცებს შორის ორჯერ გახდა მუნიციპალიტეტის ჩემპიონი და ორჯერ გურიის და ოზურგეთის ვიცე-ჩემპიონი. მნიშვნელოვანი წარმატებები აქვს მიღწეული ჩოხატაურის მუნიციპალიტეტის, სოფელ კოხნარელ ექიმს, ოსტატობის კიანდიდატსზეინაბ ხვედელიძეს.მას მოგებული აქვს გურიის აბსოლუტური პირველობა აქტიურ ჭადრაკში(რაპიდი), რომელიც 2012 წელს ლანჩხუთში ჩატარდა
გურიის ჩემპიონატი,ტრადიციულად გვიან შემოდგომზე ტარდება და მას წინ უძღვის ლანჩხუთის, ოზურგეთისა და ჩოხატაურისმუნიციპალური ჩემპიონატები.სასიხარულომ რომ
ოზურგეთელი 12 წლის თენგიზ თოიძე და 14 წლის ლანჩხუთელი მიხეილ აფხაზავა გურიის 26-ე ჩემპიონატში მთავარ ფავორიტებებად გვევლინება. როგორც ჭადრაკის მოყვარულებმა იციან, თენგიზ თოიძე ოზურგეთში, ხოლო მიხეილ აფხაზავა ლანჩხუთში,მუნიციპალური პირველობების ჩემპიონები გახდა. ორივემ ბრწყინვალედ ითამაშა ძლიერი კონკურენციის პირობებში და უკან ჩამოიტოვეს გურიის მოქმედი და ყოფილი ჩემპიონები. სიურპრიზებს ველით ჩოხატაურელ 15 წლის ლუკა ქორიძესაგანაც, რომელმაც ბოლო დროს საკმაოდ აიმაღლა დონე, თუმცა ჯერ მამას, გურიის ოთხგზის ჩემპიონს -გივი ქორიძეს უნდა აჯობოს.
გურიის ჭადრაკის ფედერაციის პრეზიდენტის, ზურაბ ანდღულაძის თქმით გურიის, 26-ე ჩემპიონატი ყველაზე ძლიერი შემადგენლობით იქნება წარმოდგენილი. მათ შორის ხუთი ყოფილი ჩემპიონია, ხოლო სამი მუნიციპალიტების წლევანდელი ჩემპიონები, ასე, რომ 12 მონაწილიდან 7-8 მოჭადრაკეს რეალური ამბიცია აქვს ჩემპიონობისთვის იბრძოლოს.
ჩემპიონატი, გურიის ჭადრაკის ფედერაციისა და ოზურგეთის სპორტულ-გამაჯანსაღებელ დაწესებულებათა გაერთიანების ორგანიზებით, 19-27 დეკემბერს ოზურგეთის საჭადრაკო კლუბშიგაიმართება.
მსგავსი სტატიები
- 100
გურიის საჭადრაკო ჩემპიონატი, რეგიონში ერთერთი მნიშვნელოვანი და პრესტიჟული სპორტული ღონისძიებაა, რომლის მიმართ ჭადრაკის მოყვარულთა და ზოგადად ფართო საზოგადოების ინტერესი განსაკუთრებით მაღალია. იგი, 1995 წლიდან მოყოლებული ყოველწლიურად ტარდება და მასში რეგიონის მუნიციპალიტეტების ყველაზე წარმატებული და ძლიერი მოჭადრაკეები ღებულობს მონაწილეობას. დღემდე ჩატარებული 25 ჩემპიონატიდან, 18-ს ოზურგეთმა უმანსპიძლა, 6-ს ლანჩხუთმა და ერთს ჩოხატაურმა.…
- 100
დღეს, 17 მაისს ოზურგეთის სპორტის სასახლემ ფრენბურთში ( 2005 - 06 წწ) გურიის ჩემპიონატს უმასპინძლა. შეჯიბრში : ვაკიჯვრის,ბოხვარის, მაკვანეთის, ნარუჯის ლიხაურისა და ჯუმათის სკოლებმა მიიღეს მონაწილეობა.ჯამში ექვსმა სკოლამ იასპარეზა. თამაშები დაძაბულად და საინტერესოდ წარიმართა. საბოლოოდ გამარჯვება და ჩემპიონის ტიტული ნარუჯის სკოლამ მოიპოვა. მეორე ადგილი და ვერცხლის მედალი ჯუმათის სკოლას ერგო.…
- 100
გურიის 27-ე ჩემპიონატი ჭადრაკში, რომელიც ოზურგეთის საჭადრაკო კლუბში ხუთ დღეს მიმდინარეობდა, გიორგი გოგოლაურის გამარჯვებით დამთავრდა.. ვინც თვალს ადევნებდა ამ მნიშვნელოვან და პრესტიჟულ ღონისძიებას, ერთხმად აღნიშნავენ,რომ იგი რეგიონის ძლიერ მოჭადრაკეთა წარმომადგენლობითი თვალსაზრისით ერთერთი საუკეთესო იყო. მართლაც მასში მონაწილე 16 მოჭადრაკედან ათს , ისე შეეძლო გამხდარიყო ჩემპიონი, რომ ფაქტს შემთხვევითობას, ან იღბალს…
- 92
დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის…
- 88
სამწუხარო ცნობა გავიგეთ. გარდაიცვალა დიდი მეცნიერი, ბიოლოგიურ მეცნიერებათა დოქტორი, მსოფლიოს 5 კონტინენტის 8 უნივერსიტეტის პროფესორი, ათეულობით წიგნისა და 600-მდე ნაშრომის ვატორი არნოლდ გეგეჭკორი. გთავაზობთ ჟურნალ „თბილისელებში„ დაბეჭდილ მის ერთ-ერთ ინტერვიუს. არნოლდ გეგეჭკორი – ბიოლოგიის მეცნიერებათა დოქტორი, თბილისის სახელმწიფო უნივერსიტეტის პროფესორი, რამდენიმე დარგობრივი აკადემიის აკადემიკოსი, 600-მდე ნაშრომის ავტორი. 1963…