გაბრიელ სალუქვაძემ და ბაქარ მახარაძემ 2024 წლის მუნიციპალურ საჭადრაკო პირველობაზე უდანაკარგო შედეგით გაიმარჯვეს.

ოზურგეთის საჭადრაკო კლუბში დამთავრდა მუნიციპალური ჩემპიონატი 8 და 10 წლამდე ასაკის გოგონათა და ჭაბუკთა შორის, რომელიც წრიული სისტემით ცალ-ცალ

კე გაიმართა.მასში ძირითადად მაღალ შედეგზე ორიენტირებულმა და საკმაოდ გამოცდილმა ნორჩმა მოჭადრაკეებმა მიიღეს მონაწილეობა.

8 წლამდე ასაკში ბრწყინვალე თამაშით და უდანაკარგო შედეგით (7 დან 7 ქულა,!) ჩემპიონის ტიტული გაბრიელ სალუქვაძემ მოიპოვა. 5-5 ქულა დააგროვეს და II-III ადგილები დაიკავეს ანდრია ადეიშვილმა და გიორგი ჯანელიძემ, დამატებითი კრიტერიუმებით მეორე ადგილისათვის განკუთვნილი ვერცხლი ანდრიას ერგო, ხოლო

გიორგის, რომელმაც ბოლო პერიოდში საკმაოდ აიმაღლა სათამაშო კლასი, ბრინჯაოს დასჯერდა. მართალია ამ ჩემპიონატში მონაწილეობა არ მიუღია საქართველოს გასული წლის ვიცე-ჩემპიონს, ლაზარე ჩხარტიშვილს,თუმცა მისმა 6 წლის ძმამ სოლომონ ჩხარტიშვილმა პირველი საჩემპიონატო ნათლობა მიიღო და თანაც წარმატებულად. მან დაგროვილი 4 ქულით მეოთხე საპრიზო ადგილი დაიკავა და როგორც ჩემპიონატის ყველაზე პატარა მონაწილე, შესაბამისადაც დაჯილდოვდა.

ამავე ასაკის გოგონათა შორის ჩემპიონის ტიტული იოანა დოლიძემ მოიპოვა, მეორე საპრიზო ადგილზე ანასტასია ბაქანიძე გავიდა, ხოლო მესამე ადგილი მარიამ მხეიძეს ერგო.

10 წლამდე ასაკში კარგი მომზადების დონე აჩვენა ბაქარ მახარაძემ. გასულ წელს მას ანალოგიურ შეჯიბრებაში ვიცე-ჩემპიონობა ჰქონდა მოპოვებული, ამჯერად კი ტურნირი ჩემპიონის რანგში დაამთავრა, თან უდანაკარგო შედეგით(!). ვიცე-ჩემპიონის ტიტულს 5 ქულით გაბრიელ ბარამიძე დაეუფლა, რომელმაც რამდენიმე პარტიაში მაღალი სათამაშო კლასი გამოავლინა. თანაბარი ქულებით, III-IV ადგილი ზურა ჩხიკვიშვილმა და ანდრია მეგრელიშვილმა გაიყვეს. გოგონათა შორის ბრინჯაოს მედლით შეფასდა მართა მხეიძის შედეგი.

ღონისძიება საზეიმო ვითარებაში დაიხურა, ჩემპიონები და პრიზიორები დაჯილდოვდნენ თასებით, მედლებით და შესაბამისი დიპლომებით, ჩემპიონატის დახურვაზე აღინიშნა მწვრთნელების ნინო წიტაიშვილისა და ელგუჯა ურუშაძის ნაყოფიერი მუშაობის შესახებ, აღინიშნა ასევე საჭადრაკო ღონისძიებების ადგილობრივი და რესპუბლიკური კალენდრის შესახებ, რომელიც დატვირთულია მრავალი და მნივნელოვანი ღონისძიებით, სადაც ჩვენი მოჭადრაკეებმა მწვრთნელებთან ერთად, მაქსიმალურად უნდა იზრუნონ წარმატებული ასპარეზობისათვის,რათა ღირსეულად წარმოაჩინონ, როგორც საკუთარი თავი, ისე ოზურგეთის მუნიციპალიტეტისა და ზოგადად გურიის რეგიონის საჭადრაკო სკოლა.

ზურაბ ანდღულაძე,

გურიის ჭადრაკის ფედერაციის პრეზიდენტი

მსგავსი სტატიები