ვულოცავთ _ რეზო თედორაძე-91

ბატონო რეზო,

გულითადად გილოცავთ ღირსშესანიშნავ თარიღს _დაბადების 91 წლის იუბილეს. ეს მთელი საუკუნეა ხანგრძლივი ,ნაყოფიერი შრომისა და მოღვაწეობისა .თქვენი ცხოვრება მაგალითია ხალხისა და ქვეყნის უანგარო და თავდადებული მსახურებისა. თქვენ უდიდესი წვლილი მიგიძღვით რეგიონის კულტურული ცხოვრების აღმავლობაში. წლების განმავლობაში სათავეში ედექით ისტორიული ძეგლების, კულტურული მემკვიდრეობის, ეკლესია-მონასტრების დაცვა-აღდგენის საქმეს. ასევე განუზომელია თქვენი წვლილი ხალხური სიმღერების, მათ შორის, ფენომენალური გურული სიმღერების პოპულარიზაციაში. ამ მიმართულებით თქვენი ხელმძღვანელობით არაერთი კულტურული ღონისძიება ჩატარებულა, რითაც დიდი ასპარეზი ეძლეოდა ახალ თაობას.მნიშვნელოვანი კვალი დატოვეთ რეგიონის კულტურულ ცხოვრებაში, რამაც მოგიტანათ დამსახურებული ავტორიტეტი, უამრავი ჯილდო და აღიარება. თქვენ ბრძანდებით ღირსების ორდენოსანი, საქართველოს კულტურის დამსახურებული მუშაკი.როგორცფაზისის საერო-სამეცნიერო აკადემიის ვიცე-პრეზიდენტმა, ბევრი რამ გააკეთეთ კოლხეთის, საქართველოს ისტორიის შესწავლის, მწერალთა და მეცნიერთა ღვაწლის წარმოჩენისათვის. გურიისა და სამეგრელოს მხარეთა ურთიერთობის განმტკიცებისათვის, ერთობლივი სამეცნიერო კონფერენციებისა და სხვა ღონისძიებების ჩატარებისათვის.

9 1წელი_ეს მართლაც დიდი გადასახედია. უკან რჩება მშფოთვარე, მხიარული, ტკივილიანი დღეები. იყო წინააღმდეგობები, მაგრამ ყოველთვის გამოგარჩევდათ მოყვასის სიყვარული, ერთგულება, უღალატობა ,პასუხისმგებლობა ,შემოქმედობითობა და აღმაფრენა. ამიტომაც ხვდებით დიდი უბილეს, დიდებული ოჯახის_მეუღლის, შვილების, შვილიშვილების და მთელი საზოგადოების სიყვარულით გარემოსილი. დიდხანს სიცოცხლეს, სიხარულს და ბედნიერებას გისურვებთ.

დაე, ყოველთვის გეთქვათ_ ,,ვლოცავ დღეს ჩემი გაჩენის, ბედნიერი ვარ მე“!

ფოთის საზოგადოებისა და ფაზისის საერო-სამეცნიერო

აკადემიის, საპატიო ფოთელთა (მოქალაქეთა) ასოციაციის სახელით:

დოდო ხუხია,

ირაიდა ფაცია,

ჯემალგურგენაძე,

გიადარჯანია,

 ვაგნერი მხეიძე,

ზურაბ აბრალავა,

რეზო ჩაგანავა,

დათო პაჭკორია,

 გოგი გუდავაძე.

მსგავსი სტატიები