ავტორი ნინო ნიკოლაიშვილი
გადმოსახედი ახლო ისტორიული ეპოქიდან… განვლილი წლები თანამედროვეობას ჩაესახლა და…გასულ წელს, ოზურგეთის სახელმწიფო თეატრის სცენაზე შემოაბიჯა ექვთიმე ღვთისკაცმა. მას შემდეგ, არაერთი მაყურებელი გახადა თანამონაწილე იმ პერიოდისა, როცა საქართველოს კვლავ დაატყდა თავს ქარტეხილი და ქართული საგანძურისთვისაც დადგა ყოფნა-არ ყოფნის ჟამი. შეჰბედა ამ უდიდეს თემას ოზურგეთის სახელმწიფო თეატრის შემოქმედებითმა კოლექტივმა (იდეის ავტორი და დადგმის ხელმძღვანელი, ხელოვნების დამსახურებული მოღვაწე ვასილ ჩიგოგიძე, სცენური ვერსიის ავტორი გოჩა კაპანაძე).
და შედეგი?… რამდენიმე თვეში განხორციელებული 24 ჩვენება ანშლაგით. მათ შორის 21 ოზურგეთში, სამი თბილისში, თელავდსა და გორში. მადლიერი მაყურებელი, საინტერესო შეფასებები, არაერთი საქებარი სიტყვა და სპექტაკლის ნახვის ინტერესი კვლავ.
„აჭარის ავტონომიური რესპუბლიკის განათლების, კულტურის და სპორტის სამინისტროს მიწვევითა და მხარდაჭერით, მხატვრულ-დოკუმენტური ფანტასმაგორია -„ექვთიმე“ 24 მარტს, ილია ჭავჭავაძის სახელობის ბათუმის პროფესიული, სახელმწიფო დრამატული თეატრის სცენაზე იქნება წარმოგენილი. 25 მარტს კი ტურნე თოჯინებისა და მოზარდ მაყურებელთა სახელმწიფო თეატრში დასრულდება, ნოდარ დუმბაძის ხსოვნისადმი მიძღვნილი სპექტაკლით „ცის კარი“.
თეატრის სამხატვრო ხელმძღვანელმა, ვასილ ჩიგოგიძემ, ჟურნალისტებთან გამართულ შეხვედრაზე, ოზურგეთის თეატრში განხორციელებულ და განსახორციელებელ პროექტებზე ისაუბრა.
„ მადლობას ვუხდი საქართველოს და აჭარის განათლების, კულტურის და სპორტის მინისტრებს, ფინანსური მხარდაჭერისა და თანადგომისთვის. შარშან 130 სპექტაკლი ვითამაშეთ, წელს ვფიქრობთ 150 ვითამაშოთ. არ არის ადვილი ამ ყოველივეს განხორციელება, როცა ჩვენ არ ვართ დიდი კოლექტივი, 17 მსახიობი გვყავს. კონკურსის გამოცხადებას ვაპირებთ მსახიობთა ასაყვანად. გვშველის ის, რომ თეატრის მმართველი ზაზა ჯინჭარაძე ჩვენი მსახიობიცაა.
ბათუმში 26 მარტს, შოშიას საიუბილეო, ერთობლივი ჩვენება გაიმართება( შოშია- ალექსანდრე ჩხაიძე, დრამატურგი, მწერალი, ჟურნალისტი). ღონისძიების შინაარსსა და ფორმაზე ჯერ არ ვისაუბრებ. წამყვანი იქნება ნიკა წულუკიძე.
სამი პრემიერა გაიმართება მიმდინარე წელს, მათ შორის დამაგვირგვინებელი იქნება ილიას „თანმდევი სული“.
აქვე აღვნიშნავ, რომ ბათუმიდან დაიწყება ექვთიმეს მოგზაურობა დანარჩენ საქართველოში. შევეცდებით საქართველოს სხვადასხვა რეგიონში წარვადგინოთ სპექტაკლი. 4 მაისამდე, გაწერილია ყველა ჩვენება. მემორანდუმი გვაქვს ბათუმის თეატრალურ უნივერსიტეტთან, და ივნისში წარმოგიდგენთ კო პროდუქტს ორი თეატრის მონაწილეობით. კვლავ ძალაშია ლევილში „ცის კარი“-ს ჩვენება, ხოლო პარიზში „ექვთიმესი“. 2025 წლისთვის აზერბაიჯანში, განჯაში უნდა დავდგათ ნოდარ დუმბაძის კუკარაჩა.“
ვასილ ჩიგოგიძემ თეატრის წინაშე არსებულ სიძნელეებზეც ისაუბრა. აღნიშნა, რომ ძალიან ძვირი უჯდებათ შენობის შენახვა. „მხოლოდ იანვარ – თებერვალში, კომუნალური გადასახადების საერთო თანხამ 39700 ლარი შეადგინა, ქონების წლიური გადასახადი – 15000 ლარს წარმოადგენს. „ამიტომ გვიჭირს თეატრის სცენა გადასახადის გარეშე, ან თუნაც დაბალ ფასად დავუთმოთ ნებისმიერ მომსვლელს, რომელიც ჩვენთან გეგმავს ღონისძიების გამართვას.“
ვწერდით გასულ წლებში პრესკონფრენციებზე გაჟღრებული დაგეგმილი ღონისძიებების შესახებ და, არა მკითხველისთვის, ჩვენთვის, მაინც ვიტოვებდით კითხვის ნიშანს – რამდენად იყო შესაძლებელი ყოველივე ამის ასრულება. შედეგი თქო, ვახსენეთ. ეს დანაპირების რეალობაში ასახვაა. სწორედ რეალობამ დაგვარწმუნა _ თამამად ვუწოდოთ ამ კოლექტივს წარმატებული და ჩვენი თეატრი. კიდევ მეტ წარმატებებს ვუსურვებთ ჩვენს თეატრს, მაყურებელთა, გულშემატკივართა და მხარდამჭერთა მრავლობასთან ერთად.
მსგავსი სტატიები
- 97
ავტორი ანასტასია ჩერნეცოვა ნოდარ დუმბაძის საერთაშორისო თეატრალური ფესტივალის VI დღე კვლავ დუმბაძისა და დავით კლდიაშვილის ნაწარმოებების სცენური ინტერპრეტაციებით გამოირჩეოდა. დღის პირველი დადგმა ჩოხატაურის კულტურის სასახლეში ვიხილეთ — უზბეკურად გაცოცხლებული „მე, ბებია, ილიკო და ილარიონი“ (რეჟისორი: მუხთარ რეიმოვი), რომელიც ბარდახის სახელობის ყარაყალპაყეთის სახელმწიფო აკადემიურმა თეატრმა წარმოადგინა. ოზურგეთის თეატრის დიდ სცენაზე კი… - 97
რატომ და ვინ ესროლა ილია ჭავჭავაძეს, როგორ გაიარა მისთვის ნასროლმა ტყვიამ საქართველოს გულთან და საფიქრალი - „მეცა ვტანჯულვარ, ჰე, ბედკრულო, შენის ტანჯვითა“, ან კიდევ „რასაც ვმსახურებთ, მას ერთგულად კვლავ ვემსახუროთ“... საუკუნეზე მეტია, ეს კითხვები ტკივილიან განცდებად ტრიალებს ჩვენი ერის გულსა და გონებაში. მეტიც, მუდმივად ანთია ერის სულიერების ცაზე და მკვეთრი… - 97
ცნობილი მწერალი, პოეტი, პუბლიცისტი და ჟურნალისტი, გაზეთ „ალიონის“ ყოფილი თანამშრომელი _გენრიეტა ქუთათელაძე 82 წლისაა. ვულოცავთ! * * * დარდმა და მწუხარებამ დააჭკნო ეს ქალი, ეს ქალი, წარსულში რომ ჰგავდა ყაყაჩოს, სასტიკმა ცხოვრებამ დასეტყვა, დამეხა, დაცეცხლა დააზრო და დააბერა, ლამის დაახრჩო (ეჰ, რა ძნელია დევნილის ხვედრი). შიში შეეყარა სახადივით და ფიქრებს… - 96
ოზურგეთის სახელმწიფო დრამატული თეატრის სცენაზე მესტიის ხელოვნებისა და კულტურის ცენტრმა ანშლაგით წარადგინა შთამბეჭდავი სპექტაკლი „ლუშნუ“. „ლუშნუ“ – ეს არის შემეცნებითი, სათავგადასავლო, მუსიკალურ-ქორეოგრაფიული და ეთნოგრაფიული ჟანრის ნამუშევარი. სპექტაკლი ეფუძნება წერილობით წყაროებს, კვლევებსა და გადმოცემებს, რაც მას ისტორიული სიზუსტისა და სიღრმის შეგრძნებას ანიჭებს. პიესაში გამოყენებულია სვანური ფოლკლორის მდიდარი მემკვიდრეობა, ავტორთა ციტირებები და… - 95
ავტორი ანასტასია ჩერნეცოვა ნოდარ დუმბაძის V საერთაშორისო თეატრალური ფესტივალის IX დღეს, ოზურგეთის დრამატულ თეატრში ორი წარმოდგენა ვიხილეთ: ამბროლაურის კულტურის ცენტრის სპექტაკლი „ბამბაზიის სამოთხე“ (რეჟისორი – მამუკა ცერცვაძე) და ნოდარ დუმბაძის მოზარდ მაყურებელთა თეატრის დადგმა „ლამბალო და ყაშა“ (რეჟისორი – დიმიტრი ხვთისიაშვილი). ოზურგეთის დრამატული თეატრის ექსპერიმენტულ სცენაზე გაცოცხლდა ნინია სადღობელაშვილის პირველი…