გოდერძი მახარაძის ახალი მსოფლიო რეკორდი შუხუთში

შარშან, აღდგომას, ლანჩხუთის მუნიციპალიტეტის სოფელ შუხუთში ოზურგეთელმა გოდერძი მახარაძემ მორიგი  ორი მსოფლიო რეკორდი დაამყარა.

მან  მნიშვნელოვნად გააუმჯობესა პოლ ხანის (შვეიცარია)  მიერ დამყარებული რეკორდი და 111-ის ნაცვლად სახანძრო კიბის 358 საფეხური დაძლია. ამისთვის მას 17 წუთი და 35 წამი დასჭირდა. 

მეორე რეკორდი „ექსკლუზიური“ იყო გოდერძისათვის. მას არამატერიალური კულტურული მემკვიდრეობის ძეგლად გამოცხადებული სოფელ შუხუთის ტრადიციული ლელობურთის სათამაშო უმძიმესი ბურთი თავზე უნდა დაედო და თავდადებული ბურთით 50 მეტრი 2 წუთზე ნაკლებ დროში უნდა გაერბინა.

შარშან  ლელობურთის წონა კი 16,4 კილოგრამს შეადგენდა. გოდერძიმ მართლაც სარეკორდო დროში (32,30 წამი) შეძლო 50 მეტრი მანძილის დაფარვა.

დღეს, აღდგომას, სოფელ შუხუთში, გოდერძი მახარაძემ ცუდ მეტეოროლოგიურ პირობებში, ახალი, 61-ე მსოფლიო რეკორდი დაამყარა. მან 1 საათსა 35 წუთში, კალათბურთის ბურთით დათქმული 5 500-ის ნაცვლად 12 007-ჯერ აკენწლა.

ამ რეკორს ახლდა დამსწრე საზოგადოების დიდი ემოციები და უცხოელი ტურისტების დიდი მოწონება. ისინი გაკვირვებას გამოთქვამდნენ ასეთ ბუნებრივ პირობებში საოცარი რეკორდის დამყარების გამო.

რეკორის დამყარების შემდეგ გოდერძი მახარაძემ გაზეთ „ალიონს“  (რომელიც აჭარის ტელევიზიასთან ერთად სარეკორდო ასპარეზობას ესწრებოდა) განუცხადა, რომ სარეკორდო ასპარეზობის ორგანიზატორები ქალაქ ლანჩხუთის მუნიციპალიტეტი და სპორტის განვითარების ცენტრი იყვნენ; სპონსორი _სპორტული და საგანმანათლებლო მაღაზიათა ქსელი „ლეგასი.“

გოდერძი მახარაძემ განსაკუთრებულად აღნიშნა, რომ მან სარეკორდო ასპარეზობა საქართველოს ნაკრების ფეხბურთელებს მიუძღვნა.

მიუხედავად არასასურველი ამინდისა, სოფელ შუხუთში გაიმართა სხვადასხვა სახის კულტურულ-სპორტული ღონისძიებები, რომელიც შემდეგ ტრადიციული ლელოთი დაგვირგვინდა, სადაც ზემოურებმა გაიმარჯვეს.

გოდერძი მახარაძემ აღდგომას, სოფელ შუხუთში ორი მსოფლიო რეკორდი დაამყარა

მსგავსი სტატიები