2024 წლის 15 ივნისს, ოზურგეთის მუნიციპალიტეტის სოფელ მთისპირისა (38 მოსწავლე) და ჩოხატაურის მუნიციპალიტეტის სოფელ ჩხაკაურას (13 მოსწავლე) საჯარო სკოლების (8, 9, 10, 11, 12 კლასი) მოსწავლეები ბათუმის ბოტანიკურ ბაღს ეწვივნენ. ექსკურსია, ბახვი ჰესის საგანმანათლებლო პროექტის ფარგლებში ჩატარდა. ტრენერებმა, ხათუნა იოსავამ და გიორგი ბერეჩიკიძემ, მთელი წლის მანძილზე სკოლის სივრცეში განახლებადი ენერგიებისა და გარემოს დაცვის მიმართულებით ჩატარებული შეხვედრები, ბათუმის ბოტანიკურ პარკში შეაჯამეს. მოსწავლეებმა დაათვალიერეს ბოტანიკურ ბაღში დაცული ბიომრავალფეროვნების ნიმუშები – ციტრუსოვანთა, ხეხილ-კენკროვანთა, კამელიების, ვარდების, ყვავილოვან-ბალახოვან მცენარეთა კოლექციები, გაეცნენ ჰერბარიუმის ფონდსა და პარკის არსებობის საუკუნოვან ისტორიას. ბოტანიკური ბაღის დათვალიერების შემდეგ, ახალგაზრდებისთვის ექკურსია სპეციალურად მათთვის,  შემუშავებული გასართობ-შემეცნებითი პროგრამით გაგრძელდა და პიკნიკით დასრულდა.

მეგი კაპანაძე – მთისპირის საჯარო სკოლის მე-9 კლასის მოსწავლე:

„ბახვი ჰესის მიერ ორგანიზებული ტრენინგები მთისპირის საჯარო სკოლაში გვაძლევდა საშუალებას მეტი ინფორმაცია მიგვეღო განახლებადი ენერგიის შესახებ, რამაც ჩვენზე დიდი შთაბეჭდილება მოახდინა. დიდი მადლობა მინდა გადავუხადო ჩვენს ტრენერებს ამ ყველაფრისთვის. წლის მანძილზე ვატარებდით სხვადასხვა აქტივობებს, თუნდაც დღევანდელი დღე ავიღოთ, ძალიან ნაყოფიერი იყო. დავათვალიერეთ ბათუმის ბოტანიკური ბაღი და გავეცანით აქ არსებულ ბიომრავალფეროვნებას“.

საბა ბერიძე – ჩხაკაურას საჯარო სკოლის მე-10 კლასის მოსწავლე:

„ჩხაკაურას საჯარო სკოლაში ჩატარებული ტრენინგების შემდეგ გავიღრმავეთ ცოდნა, ვისწავლეთ ტყესთან ურთიერთობა, ზოგადად გარემოს მნიშვნელობა შევიმეცნეთ. განვახორციელეთ ბევრი საინტერესო პროექტი, მაგალითად გამწვანების აქცია, რომლის ფარგლებში ჩვენი სკოლის წინ დავრგეთ ნერგები და ახლა ვუვლით. უკვე მეორე წელია დავდივარ ტრენერების მიერ ორგანიზებულ ექსკურსიებზე. შარშან ვნახეთ ვანის ნაქალაქარი, წელს ბათუმის ბოტანიკური ბაღი. იმედი მაქვს კიდევ გაგრძელდება ეს ყველაფერი. ჩვენ კი, ჩენის მხრივ მცდელობებს არ დავაკლებთ, რომ ვისწავლოთ და გადავცეთ ჩვენი ცოდნა ჩვენს მეგობრებს თუ ნატესავებს“.

„თითოეული აქტივობა, რომელიც ტარდება ჩვენი საგანმანათლებლო პროექტის ფარგლებში ჩვენთვის მნიშვნელოვანია. პროგრამა ჩვენს ტრენერებთან ერთად ძალიან დეტალურადაა გაწერილი. გვინდა, რომ პროცესი საინტერესოც იყოს და სახალისოც ახალგაზრდა თაობისთვის. საკლასო აქტივობების პარალელურად, სადაც ვსაუბრობთ გარემოს დაცვასა და განახლებად ენერგიებზე, ასევე, გარკვეულწილად პროფესიულ ორიენტაციასაც ვუკეთებთ მოსწავლეებს, გვაქვს გასვლითი ღონისძიებები და ერთჯერადი აქციები. ექსკურსია ყოველწლიურ ხასიათს ატარებს და გარკვეულწილად შეჯამებაა წლის მანძილზე გავლილი მასალის. ასევე, წელს გვქონდა ორი გარემოსდაცვითი აქტივობა, ხეების დარგვის აქცია დედამიწის დღეს და ნარჩენების სეპარირების ურნების განთავსება სკოლებში. ბავშვები ძალიან აქტიურობენ როგორც მთისპირში, ასევე ჩხაკაურაში. წელს ეკო კლუბიც შევქმენით და ეკო ელჩებიც ავირჩიეთ, რომელთა მოვალეობაა გარემოსდაცვის და განახლებადი ენერგიების მიმართულებით საზოგადოების განათლება.  აქვე, დიდი მადლობა მინდა გადავუხადო სკოლის პედაგოგებს, რადგან მათი აქტოვობის და მონდომების გარეშე, გაგვიჭირდებოდა ამ პროექტის განხორციელება. ბედნიერ არდადეგებს ვუსურვებ ბავშვებს, აბიტურიენტებს კი წარმატებებს მისაღები გამოცდების ჩაბარებისას“, განაცხადა დავით კობერიძემ, ბახვი ჰესის გარემოსდაცვის და სოციალური პროექტების მენეჯერმა.

ტრენინგ კურსი ბახვი ჰესის სოციალური პროგრამის საგანმანათლებლო მიმართულების პროექტია, რომელიც 2021 წლის გაზაფხულიდან წარმატებით ხორციელდება.  შეხვედრები, მთელი წლის მანძილზე, მთისპირისა და ჩხაკაურას საჯარო სკოლებში თვეში ერთხელ ტარდება. პროექტი უფროსკლასელთათვის, კერძოდ, 9, 10, 11, 12 კლასების მოსწავლეებისთვისაა განკუთვნილი და მიზნად ისახავს ახალგაზრდებში ცნობიერების ამაღლებას გარემოს დაცვით საკითხებში, ასევე, ცოდნის გაზიარებას განახლებადი ენერგიის წყაროების შესახებ და ინფორმაციის მიწოდებას პროფესიული ორიენტაციის საკითხების ირგვლივ.

მსგავსი სტატიები

  • 72
    სამხრეთ საქართველოში ექვთიმე თაყაიშვილთან ერთადავტორი ლადო გუდიაშვილი უაღრეს ბედნიერებად ვთვლი, რომ მე წილად მხვდა წევრობა იმ ფრიად მნიშვნელოვანი ისტორიული ძეგლების შემსწავლელი მხატვრული და არქიტექტურული ექსპედიციისა, რომელსაც საკუთარი ინიციატივით სათავეში ჩაუდგა დიდად ცნობილი, ჩვენი ღვაწლმოსილი, აწ განსვენებული მეცნიერი ექვთიმე თაყაიშვილი. სრული დარწმუნებით შემიძლია აღვნიშნო, რომ თუ არა დიდებული მეცნიერის ასეთი თავგამოდება და მეცნიერული უდრეკობა, დღეს ჩვენ…
  • 71
    ლადო ხავთასი-93ლადო ხავთასი  93 წლისაა. მისი განვლილი, თითქმის საუკუნოვანი გზა, იმდენად   ბევრის მომცველია, რომ მისი აღწერა ერთ საგაზეთო წერილში  პრაქტიკულად შეუძლებელია.  ამიტომ შევეცდებით,  მისი პიროვნების და ცხოვრების ძირითად შტრიხებზე გავამახვილოთ ყურადღება. იგი დაიბადა  1931 წლის 15 ივნისს ქ.  მახარაძეში, ზვანში, კოლმეურნეების ოჯახში. 8 კლასის დამთავრების შემდეგ, 1946 წელს სწავლა განაგრძო მახარაძის…
  • 67
    მეფუტკრეობა და გარემო„სოფლის ცხოვრება“ – რუბრიკის სპონსორია „ბახვი ჰესი“ ბახვი ჰესი - ჩვენ ერთად ვაშენებთ კეთილდღეობას ჯანვერდი ცეცხლაძე, 73 წლის, პროფესიით ეკოლოგი, სწავლული მეფუტკრე. 14 წელი მუშაობდა გურიის გარემოს დაცვის სამმართველოში მთავარ სპეციალისტად. 1985-1992 წლებში იყო ოზურგეთის მეფუტკრეობის გაერთიანების მეფუტკრე-სელექციონერი. სოფელ გოგიეთში (მაკვანეთის თემი) ეკოპარკში ფუტკრის 100-ზე მეტი ოჯახი ჰყავდა და ეკოლოგიურად…
  • 66
    კაცი მდიდარი ისტორიითოზურგეთს ჰყავს მდიდარი ბიოგრაფიის მქონე ადამიანები, რომლებიც, თავიანთი ცხოვრების წესით, საქმიანობით, ქველმოქმედებით  სამაგალითო მოქალაქეები არიან. ერთ-ერთი ასეთი გახლავთ მრავალმხრივი მოღვაწე ოლეგ გობრონიძე. მას დღეს დაბადებიდან 75 წელი შეუსრულდა. ოლეგი ქ. ოზურგეთში დაიბადა, გოგებაშვილის ქუჩაზე. დედა _ სონია შეწირული დაწყებითი განათლების სპეციალისტი იყო, ხოლო მამა აკაკი _ვაჭრობის მუშაკი. იხსენებს ოლეგი ეპიზოდებს …
  • 66
    ფილმის „გურია“ რეჟისორი ლევან კოღუაშვილი მთისპირის და ჩხაკაურას მოსწავლეებს შეხვდა2024 წლის 6 და 7 ივნისს, ბახვი ჰესის მოწვევით, მთისპირისა და ჩხაკაურას სკოლებს რეჟისორი ლევან კოღუაშვილი სტუმრობდა. სტუმარმა მოსწავლეებს საკუთარი გამოცდილება გაუზიარა და ისაუბრა ისეთ თემებზე, როგორიცაა განათლების მნიშვნელობა და პროფესიები კინო ინდუსტრიაში, პასუხისმგებლიანი მოქალაქეობა, წარმატების მიღწევის გზები და ფილმის „გურია“ მიმდინარეობა. შეხვედრაზე ერთ-ერთი მთავარი განსახილველი თემა ქვეყანაში სხვადასხვა მიმართულებით…