„ბახმარო“ მე-3 ლიგიდან გავარდნას გადაურჩა, მე-4 ლიგაში ჩამოქვეითებულმა „გურიამ“სტუმრად „მაჭახელა“ 1: 8 დაამარცხა

საქართველოს პირველობაზე ფეხბურთში მე-3 ლიგის გუნდებს შორის დღეს ბოლო, 30-ე ტურის მატჩები გაიმართა.

ძალიან მნიშვნელოვანი იყო „ბახმაროსათვის“ ბათუმში შეხვედრა „ორბთან,“ და ტყიბულში მატჩს ადგილობრივ „მეშახტესა“ და „ზესტაფონს“ შორის. საქმე ის არის, რომ თუკი „ბახმარო“ წააგებდა ან ფრედ დაასრულებდა შეხვედრას, ხოლო „ზესტაფონი“ მოიგებდა, მე-3 ლიგას არა „ზესტაფონი“, არამედ „ბახმარო“ დატოვებდა. ჩოხატაურელებმა მართალია დათმეს მატჩი „ორბთან“ 0:2, მაგრამ „მეშახტემ“, რომელსაც მე-2 ლიგის საგზური  პლეი ოფის გარეშე უნდა მოეპოვებინა 3 უპასუხო გოლი გაუტანა „ზესტაფონს“, 60 ქულით მე-2 ადგილი და მე-2 ლიგის საგზური მოიპოვა.

აქ 64 ქულით პირველ ადგილზე „გონიო“ გავიდა, რომელმაც ბოლო ტურში სტუმრად  ანგარიშით 2:6  დაამარცხა „ვარკეთილი“.

პლეი ოფის საგზურები მოიპოვეს; „მერანი მრ“ 58 ქულა(ამ ტურში ქედის „ბეთლემს“9:4 (?!) სძლია; „იბერია 1992-2“ 55 ქულა(დაამარცხა „ბორჯომი“ 3:1).

პლეი ოფის საგზურისათვის „ორბს“  ქულა დააკლდა და მე-5 პოზიცია დაიკავა.

ბოლო ტურში სტუმრად პრესტიჟის მატჩი დიდი ანგარიშით მოიგო ლანჩხუთის „გურიამ“, რომელმაც „მაჭახელა“ 1:8 დაამარცხა.

მე-3 ლიგას „ზესტაფონი“, „მაჭახელა“ და გურია დამემშვიდობნენ.

სხვა მატჩები ასე დასრულდა: „გორი“- „ლოკომოტივი 2“; „მერანი მრ“_„გარდაბანი“ 4:1.

მსგავსი სტატიები