ოზურგეთის თოჯინების თეატრი, რომელსაც წლეულს დაარსებიდან 45 წელი უსრულდება, თავის ახალ შემოქმედებით საცხოვრისში – ოზურგეთის კულტურისა დასვენებისპარკში პირველ პრემიერას 12 და 13 აპრილს გამართავს. იაროსლავ ვოდროჟეკის მოთხრობების მიხედვით შექმნილ პიესაზე „პატარა წერო და საფრთხობელა“ თეატრის დამფუძნებელი, რეჟისორი ოთარ კუტალაძე მუშაობს.
მოხდა ისე, რომ დღეს, 12 საათისთვის თოჯინების თეატრში ვყოფილიყავი და ბატონი ოთარის ნებართვით რეპეტიციას დავსწრებოდი. ხელიდან არ გავუშვი ეს მშვენიერი შანსი და დამდგმელ რეჟისორთან, დასის ხელმძღვანელ გიორგი გაფრინდაშვილთან, მსახიობებთან – მარი ქილიფთართან და ნინო გაგუასთან სახელდახელო საუბარი გავმართე.
ოთარ კუტალაძე, დამდგმელი რეჟისორი: „იაროსლავ ვოდროჟეკის მოთხრობის მიხედვით შექმნილ პიესას „პატარა წერო და საფრთხობელა“ ორი წლის წინათ გავეცანი. მაშინვე გამიჩნდა სურვილი, დამედგა ეს პიესა, მაგრამ ქალაქის მერიის ძველ შენობაში ჩვენთვის გამოყოფილი ფართი არ იძლეოდა ასეთი მასშტაბური სპექტაკლის დადგმის საშუალებას. როგორც კი, აქ, ამ ოფისში გადმოვედით(კიდევ ერთხელ დიდი მადლობა მადლობა ოზურგეთის მუნიციპალიტეტის ხელმძღვანელობას ამ ისტორიული გადაწყვეტილების მიღებისთვის!), იმ დღიდანვე შევუდექი ჩემი ჩანაფიქრის განხორციელებას.
მოკლედ, ჩვენი მონატრებული პატარა მაყურებელი 12 აპრილს 13 საათზე და და 13აპრილს, 19 საათზე იხილავს პრემიერას ჩვენი მსახიობების (თოჯინებთან ერთად) პროფესიონალური შესრულებით. სპექტაკლი შექმნილია ოცნების ასრულებაზე, ერთგულებაზე, სიყვარულზე, მეგობრის დახმარებაზე და სხვა მრავალ ჰუმანურ თემაზე. პრემიერის შემდეგ მოვაწყობთ სპექტაკლის განხილვას“.
გიორგი გაფრინდაშვილი, დასის ხელმძღვანელი: „ახალი პრემიერის გარდა, რომელზეც ბატონმა ოთარმა მოგახსენათ, დაგეგმილი გვაქვს ნ. ანთიძის პიესის „მუჭანახევარას“პრემიერა 27 აპრილს გავმართოთ თურქეთის რესპუბლიკაში, ქ. ტრაბზონში, სადაც მიწვეული ვართ თოჯინების თეატრების საერთაშორისო ფესტივალზე 26 აპრილიდან 30 აპრილამდე. სპექტაკლზე მუშაობს მოწვეული რეჟისორი რევაზ ბაინაზიშვილი.
სამომავლოდ ვგეგმავთ ორი ახალი პრემიერით გავახაროთ ჩვენი პატარა მაყურებელი. ასევე გასვლით სპექტაკლებს ჩავატარებთ ჩვენი რეგიონის საბავშვო ბაღებში, სადაც სოციალურად დაუცველ პატარებს ვეპატიჟებით უფასოდ. ტრადიციას არ დავარღვევთ და ასოციაცია „გურიაში“ ჩვენი სპექტაკლებით წლეულსაც ხშირად ვეწვევით ამ ორგანიზაციის ბენეფიციარებს. როგორც წესი, მონაწილეობას მივიღებთ მუნიციპალიტეტის მიერ ორგანიზებულ ღონისძიებებში.
ამჟამად აქტიურად ვემზადებით კულტურისა და დასვენების პარკში გასამართ სპექტაკლებზე პატარა მაყურებლებთან შესახვედრად, რომელიც დარწმუნებული ვარ უემოციოდ და უშთაბეჭდილებოდ არ ჩაივლის.პარკში შევათეთრეთ ხეები, დავრგეთ ბუჩქოვანი და ხე-მცენარეები, საპრემიეროდ მოვამზადეთ ამფითეატრი და ოფისი.
მარი ქილიფთარი, მსახიობი: ბედნიერი ვარ, მერგო პატივი, ამ სპექტაკლში მეთამაშა ერთ-ერთი მთავარი როლი (ბეღურა).
ჩემი პერსონჟის ხასიათი ორ ნაწილად იყოფა, თავიდან ის თითქოს მასხრად იგდებს საფრთხობელას, მაგრამ ბოლოს მაინც მხსნელად ევლინება მელაკუდას.ჩემი „ბეღურას“ ხასიათი, ვფიქრობ, ძალიან საინტერესო იქნება პატარებისთვის. რადგან ეს პერსონაჟი ავლენს სიკეთეს, მხიარულებას, თანადგომას.
არ შემიძლია, არ აღვნიშნო ჩვენი დასის თითოეული მსახიობის ჩართულობა, სპექტაკლისთვის საჭირო მცირე დეტალების შექმნაში, სხვადასხვა ტექნიკური ნიუანსის გადაწყვეტაში. ჩვენ ერთი დიდი და ძლიერი ოჯახი ვართ. ყველაფერს ვაკეთებთ იმისთვის, რომ შემოქმედებითად მაღალმხატვრული სპექტაკლები განვახორციელოთ და ჩვენი პატარა მაყურებელი გავახაროთ“.
ნინო გაგუა, მსახიობი: „დარწმუნებული ვარ, „პატარა წერო და საფრთხობელა“ ბავშვებს ძალიან მოეწონებათ. წინა სპექტაკლებში არსებული თოჯინებისაგან განსხვავებით, ამ პრემიერაში ისინი იხილავენ განსხვავეულ, თანამედროვე მექანიზმებით შექმნილ თოჯინებს, დანარჩენს სიურპრიზად ვტოვებთ. იმედია, არ გაგვთქვამთ.
„სპექტაკლის პრემიერა დაგეგმილი იყო 5 აპრილს, მაგრამ ერთი კვირით გადაიწია. მოგეხსენებათ, დიდთოვლობამ ჩვენს რეგიონში მრავალიპრობლემა შექმნა, შესაბამისად, ჩვენც შემოქმედებითი საქმიანობა შეგვიფერხდა.
ზარალს მაინც ვერ გადავურჩით მთელი ღამის განმავლობაშიინტენსიური თოვის შედეგად,დილით, სამსახურში მოსულებს ჩამოშლილი დაგვხვდა პატარების საყვარელი ატრაქციონი, რამაც ჩვენი დიდ გულისტკივილი გამოიწვია. თეატრის ხელმძღვანელმა, ბატონმა ლაშა კუტალაძემ ყველა დაგეგმილი ღონისძიება გადადო და ერთობლივი ძალებით, ტექნიკურ პერსონალთან ერთად, ჩავერთეთ პარკში გადაუდებლად საჭირო სამუშაოებში, რამდენჯერმე გადავთოლეთ შენობა, მძიმე თოვლისაგან გავათავისუფლეთ ნარგაობა, გავწმმინდეთ საფეხმავლო ბილიკები. პარალელ;ურად ჩართული ვიყავით სტიქიით დაზარალებული მოსახლეობის დახმარების შტაბის მუშაობაში.
ამ ეტაპზე განსაკუთრებული გულისგანქალით ვემზადებით პატარებთან შესახვედრად.“
წარმატებული პრემიერა ოზურგეთის თოჯინების თეატრს!
თემურ მარშანიშვილი
03.04.25
მსგავსი სტატიები
- 87
ავტორი ნინო ნიკოლაიშვილი ოზურგეთის სახელმწიფო დრამატული თეატრის სცენა, ამჯერად უკვე რუსთაველის ეროვნული თეატრის შემოქმედებითმა ჯგუფმა აახმოვანა. სტუმრებმა გიორგი ერისთავის ერთმოქმედებიანი კომედია „ძუნწი“ ხუთ ივლისს წარმოადგინეს. სცენური ვერსიის ავტორი და რეჟისორი - გოჩა კაპანაძე გახლავთ; მხატვარი - ლომგულ მურუსიძე; კოსტიუმების მხატვარი - ანა ნინუა; კომპოზიტორი - ნათია ზეინკლიშვილი; ქორეოგრაფი - კოტე… - 85
რატომ და ვინ ესროლა ილია ჭავჭავაძეს, როგორ გაიარა მისთვის ნასროლმა ტყვიამ საქართველოს გულთან და საფიქრალი - „მეცა ვტანჯულვარ, ჰე, ბედკრულო, შენის ტანჯვითა“, ან კიდევ „რასაც ვმსახურებთ, მას ერთგულად კვლავ ვემსახუროთ“... საუკუნეზე მეტია, ეს კითხვები ტკივილიან განცდებად ტრიალებს ჩვენი ერის გულსა და გონებაში. მეტიც, მუდმივად ანთია ერის სულიერების ცაზე და მკვეთრი… - 83
ოზურგეთის სახელმწიფო დრამატული თეატრის სცენაზე მესტიის ხელოვნებისა და კულტურის ცენტრმა ანშლაგით წარადგინა შთამბეჭდავი სპექტაკლი „ლუშნუ“. „ლუშნუ“ – ეს არის შემეცნებითი, სათავგადასავლო, მუსიკალურ-ქორეოგრაფიული და ეთნოგრაფიული ჟანრის ნამუშევარი. სპექტაკლი ეფუძნება წერილობით წყაროებს, კვლევებსა და გადმოცემებს, რაც მას ისტორიული სიზუსტისა და სიღრმის შეგრძნებას ანიჭებს. პიესაში გამოყენებულია სვანური ფოლკლორის მდიდარი მემკვიდრეობა, ავტორთა ციტირებები და… - 82
ავტორი ნინო ნიკოლაიშვილი განახლებული სპექტაკლი, სახელწოდებით „ფატი“, რომლის ჩვენება, ოზურგეთის სახელმწიფო დრამატული თეატრის მცირე დარბაზში გაიმართა, ერთ-ერთი სევდიანი ამონარიდია,ჩვენი ამჟამინდელი (და არა მარტო) რეალური ცხოვრების წიგნიდან. სპექტაკლი აღადგინა თეატრის სამხატვრო ხელმძღვანელმა ვასო ჩიგოგიძემ. რეჟისორი და მუსიკალური გამფორმებელი თაზო იმნაძე; პიესის ავტორი, სცენოგრაფი - ნიკოლოზ საბაშვილი; მონაწილეობენ: ფატი_მარიკა ასათიანი, მიშა_ვახტანგ ჩხარტიშვილი,… - 82
ავტორი ნინო ნიკოლაიშვილი ბერძენ ტრაგიგოსთა უდიდესი წარმომადგენლების, ესქილესა და სოფოკლეს შემდგომი ტრაგიკოსის, ევრიპიდეს ბოლო ტრაგედია „იფიგენია ავლისში“, საქართველოში, პირველად ოზურგეთის სახელმწიფო დრამატული თეატრის სცენაზე დაიდგმება. კოპროდუქციის რეჟისორია ზუგდიდის სახელმწიფო თეატრის სამხატვრო ხელმძღვანელი გიორგი კაშია. სპექტაკლში ოზურგეთის თეატრის მსახიობებთან ერთად, მონაწილეობენ თეატრალური უნივერსიტეტის სტუდენტები და ზუგდიდის თეატრის მსახიობები. სამუშაო რეპეტიციას ოზურგეთის…