სოსო გაგუას სახელობის შავი ზღვის თასის ტურნირში „ბომბორას“ აკადემიამ გაიმარჯვა

დაბა ურეკში 3 დღის განმავლობაში მიმდინარეობდა სოსო გაგუას სახელობის შავი ზღვის თასის ტურნირი ფეხბურთში. გათამაშების ფინალში ქობულეთის „ბომბორა“ სამტრედიის „ლოკომოტივს“ შეხვდა. დაძაბულ ბრძოლაში 4:3 „ბომბორამ“ გაიმარჯვა და გამარჯვებულის თასიც აღმართა (მწვრთნელები უჩა მალაზონია, გიორგი ზოიძე). ვერცხლის თასის მფლობელი ბათუმის „პორტუსი“ გახდა.

ტურნირი კარგად იყო ორგანიზებული. არც მაყურებელთა სიმცირეს უჩიოდა. დაჯილდოების ცერემონიალში მონაწილეობდნენ ოზურგეთის მუნიციპალიტეტის საკრებულოს დეპუტატები: დავით ჭაკნელიძე, გოჩა მდინარაძე, ლანჩხუთის მუნიციპალიტეტის მერის თანაშემწე ბიძინა იმნაიშვილი, ვეტერანი ფეხბურთელები და სხვა ცნობილი ადამიანები.

სოსო გაგუას დიდი წვლილი მიუძღვის ოზურგეთში ფეხბურთის განვიტარების საქმეში. იგი გასული საუკუნის 60-იანი წლების ბოლოს ფოთის „კოლხეთის“ ფეხბურთელი იყო. დაამთავრა თბილისის სახელმწიფო ფიზკულტურის ინსტიტუტის მწვრთნელთა სკოლა და იყო ნორჩ ფეხბურთელთა გუნდ „მერცხალის“ მწვრთნელი. 1978-1979 წლებში იყო „მერცხალის“ მწვრთნელი, შემდგომ ლაითურის „გიგანტის“ უფროსი მწვრთნელი.

1986 წელს სოსო გაგუა „მარცხალს“ ჩაუდგა სათავეში და მომდევნო სეზონში პოლიტიკური მოსაზრებების გამო საკავშირო გათამაშებიდან დაქვეითებული „მერცხალი“ საქართველოს ჩემპიონი გახდა, ხოლო შემდეგ წარმატებით გამოდიოდა საკავშირო გათამაშებაში.

სოსო გაგუამ თანამოაზრებთან ერთად შექმნა ბავშვთა საფეხბურთო კლუბი „ბასა“ სადაც არაერთი ცნობილი ფეხბურთელი აღიზარდა.

(ვრცლად, გაზეთ „ალიონის“მომდევნო ნომერში წაიკითხავთ)

მსგავსი სტატიები