ვაჟთა შორის ოზურგეთის მუნიციპალიტეტის 2025 წლის ჩემპიონატი ჭადრაკში დასრულდა

29 სეტემბერს დამთავრდა ვაჟთა შორის ოზურგეთის მუნიციპალიტეტის 2025 წლის ჩემპიონატი ჭადრაკში , რომელიც ადგილობრივ საჭადრაკო კლუბში ოთხ დღეს მიმდინარეობდა. იგი შვეიცარული, სისტემით 7 ტურად გაიმართა და მასში 14 მოჭადრაკე იყო ჩართული. უფროსი თაობის მოჭადრაკეებთან ერთად ჩემპიონატში ის ახალგაზრდებიც მონაწილეობდნენ რომლებმაც წელს წარმატებებს მიაღწიეს,  როგორც ადგილობრივ, ისე რესპუბლიკურ,თუ საერთაშორისო დონის ასაკობრივ შეჯიბრებებში. სასიხარულოა , რომ სასკოლო ასაკის მოჭადრაკეებმა კარგად ითამაშეს და მათგან ორი, საპრიზო ადგილზეც გავიდა,

ჩემპიონობისათვის ბრძოლაში გიორგი გოგოლაური და აკაკი გოგუა თავიდანვე დაწინაურდა, რომლებიც ფინიშთანაც თანაბარი(6-6 ქულა) ქულებით მივიდა. მათ, დებულებით გათვალისწინებული დამატებითი კრიტერიუმებიც თანაბარი აღმოაჩდათ. საბოლაოდ შეჯერდნენ პირველი ადგილის და შესაბამისი პრიზის თანაბრად განაწილებაზე.

ჩემპიონატში, მესამე ადგილიც თანაბარ ქულიანებს შორის გასანაწილებელი აღმოჩნდა, რომელიც 5-5 ქულით ნიკოლოზ ბარამიძემ და დაჩი კიღურაძემ გაიყო. V საპრიზო ადგილი კი ელგუჯა ურუშაძემ დაიკავა. ქალთა შორის საუკეთესო შედეგი 4-ქულიან ლიზი ვასაძეს ჰქოდა, მთავარი და მისასალმებელი, რაც ჩემპიონატში გათამაშებულ პარტიებში და შედეგებში აისახა ის არის, რომ ახალგაზრდებმა უფროსი თაობის ტიტულოვან მოჭადრაკეებთან პაექრობაში კარგი სათამაშო დონე აჩვენეს, რაც იმედს გვაძლევს ღირსეულად დაიცვან მუნიციპალიტეტის სახელი რესპუბლიკურ ღონისძიებებში. რა თქმა უნდა მათ შორის გამორჩევაც შეიძლება და პირველ რიგში, ეს 12 წლის დაჩი კიღურაძეა, რომელმაც ერთწლიანი აქტიური მეცადინეობით (მწვრთ.ელგუჯა ურუშაძე) ჯერ ფოთის საერთაშორისო საჭადრაკო ფესტივალში გაიმარჯვა, შემდეგ 16 წლამდე ჭაბუკებში და ახლა კი მესამე პრიზიორიც გახდა. იგივე შეიძლება ითქვას ნიკოლოზ ბარამიძეზე, რომელიც ჩემპიონატის ერთერთ ფავორიტად სახელდებოდა უკეთესი შედეგი შეეძლო ჰქონოდა ლიზი ვასაძეს, ლიხაურელ გიორგი სალუქვაძეს. რომლებმაც რამდენიმე პარტიაში მიღებული უპირატესობა ხელიდან გაუშვეს. შედეგებში ვერ აისახა , მაგრამ მოსაწონი პარტიები ჰქონდათ ლიკა ღლონტს, აკაკი სალუქვაძეს, ჩემპიონატის საპატიო მონაწილეს, ფრანგ ანჟელი დონდტს, ბაქარ მახარაძეს და ჩემპიონატის ყველაზე პატარა მონაწილეებს გაბრიელ სალუქვაძეს და ანდრია ადეიშვილს,.

ძირითადი ჩემპიონატის დასრულების შემდეგ, მეორე დღეს გაიმართა ტრადიციული პირველობა ბლიცში, რომელშიც 12 მოჭადრაკემ მიიღო მონაწილეობა. აქ პირველი ადგილი ნიკოლოზ ბარამიძემ დაიკავა, მეორეზე გივი სიამაშვილი გავიდა , ხოლო ბრინჯაოს მედალოსანი აკაკი გოგუა გახდა.

ჩემპიონატის დახურვა საზეიმო ვითარებაში წარიმართა. ორივე ღონისძიების წარმატებული მოჭადრაკეები (სულ 12 ნომინაცია) დაჯილდოვდნენ თასებით, მედლებით და დიპლომებით, მათვე გადაეცათ ასევე ფულადი პრიზები და ფასიანი საჩუქრები (“ბიბლიუსის” ვაუჩერები).. შეჯიბრების მსაჯმა ზაურ დოლიძემ, გერმანიაში მცხოვრები შვილიშვილების სახელით, ორიგინალური პრიზები გადასცა წარმატებულ ლიზი ვასაძეს და ლიკა ღლონტს.

დაჯილდოვდა ასევე და შესაბამისი სერთიფიკატი გადაეცა შეჯიბრების ფრანგ მონაწილეს 15 წლის ანჯელი დორდტს, იგი 3-4 თვეა საჭადრაკო კლუბში დადის და საკმაოდ კარგათაც თამაშობს.

ჩემპიონატის დახურვაზე აღინიშნა იმ ღონისძიებების შესახებ, რომლებიც წლის ბოლომდე უნდა გაიმართოს. მათ შორის განსაკუთრებით ყურადღება გამახივლდა გურიის 30-ე საიუბილეო ჩემპიონატზე, რომლის ჩატარების თარიღი დაზუსტების პროცესშია.

გურიის ჭადრაკის ფედერაციის თავმჯდომარე