ვინ არიან სასურსათო პროდუქციის ფასებთან დაკავშირებით საკორდინაციო კომისიის შემადგენლობა

საკოორდინაციო კომისიის თავმჯდომარე „ქართული ოცნების“ მთავრობის პრემიერ-მინისტრი ირაკლი კობახიძე იქნება.

კომისიის შემადგენლობაში არიან:

მარიამ ქვრივიშვილი,

ეკონომიკისა და მდგრადი განვითარების მინისტრი;

დავით სონღულაშვილი,

გარემოს დაცვისა და სოფლის მეურნეობის მინისტრი;

ლაშა ხუციშვილი,

ფინანსთა მინისტრი ;

მიხეილ სარჯველაძე,

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი;

მამუკა მდინარაძე,

სახელმწიფო უსაფრთხოების სამსახურის უფროსი;

ლევან ჟორჟოლიანი,

მთავრობის ადმინისტრაციის უფროსი ;

ირაკლი ლექვინაძე,

კონკურენციისა და მომხმარებლის დაცვის სააგენტოს თავმჯდომარე.

„ქართული ოცნების“ მთავრობის მეთაურის, ირაკლი კობახიძის 24 დეკემბრის მოწოდების შემდეგ, სახელმწიფო უსაფრთხოების სამსახურმა განაცხადა, რომ სამომხმარებლო ფასების შესწავლას იწყებს.

„შესაბამისი მკაცრი სამართლებრივი რეაგირება მოჰყვება ნებისმიერ ისეთ მართლსაწინააღმდეგო ქმედებას, რომელიც ზიანს აყენებს საქართველოს მოქალაქეთა ინტერესებს და ჩვენი ქვეყნის ეკონომიკურ უსაფრთხოებას“, – განაცხადა სუსის უფროსის პირველმა მოადგილემ ლაშა მაღრაძემ.

მანამდე „ქართული ოცნების“ მთავრობის მეთაურმა ირაკლი კობახიძემ განაცხადა, რომ ქვეყანაში სასურსათო ფასების სიძვირეს, – ევროპულთან შედარებით, – განაპირობებს მაღალი ფასნამატი და მოგების მაღალი მარჟები.