„არწივები“ მაღლა მიფრინავენ

გუშინ, ქ. ქუთაისში, საქართველოს პირველობაზე რაგბიში, პირველი ლიგის გუნდები, ადგილობრივი „ბაგრატი“ და ოზურგეთის „არწივები“ შეხვდნენ ერთმანეთს.

ეს იყო მეტად დრამატული მატჩი, სადაც  „არწივები“21:6 იგებდნენ შეხვედრას.   ქუთაისელებმა შეძლეს საჯარიმო ქულებით სხვაობის შემცირება და მეორე ტაიმში 21:19 იყო ანგარიში. ამის შემდეგ მსაჯებმა „არწივების“ ორი რაგბისტი გააძევეს მინდვრიდან და დაიწყო დრამატული წუთები. ქუთაისელები საჯარიმო დარტყმით ერთი ქულით გავიდნენ წინ_21:22.

ოზურგეთელმა რაგბისტებმა არასრული შემადგენლობით შეძლეს ძალების მობილიზება და დავით კვაჭანტირაძის  მიერ დადებულმა ლელომ და ბახვა კობახიძის ზუსტად შესრულებულმა გარდასახვამ  8 ქულა მოუტანა ოზურგეთს და „ბაგრატი“ 29:22 დაამარცხეს.

ოზურგეთელებიდან ლელო გაიტანეს კონსტანტინე გაზაშვილმა, თენგიზ გოგოლაშვილმა, ქრისტინე მოწყობილმა, ხოლო 3 გარდასახვა და ერთი საჯარიმო დარტყმა ზუსტად შეასრულა ბახვა კობახიძემ.

ამ მოგებით (5 ქულა) „არწივები“ გათამაშების ცხრილს ჩაუდგნენ სათავეში. მათ 25 ქულა აქვთ (5 მოგება, ერთი წაგება; გატანილი/გეშვებული 205:92; +113).

მომდევნო ადგილზე თბილისის „არმიაა“ 22 ქული, რომელიც დღეს მცხეთაში „არმაზს“ შეხვდება. ხოლო მესამე ადგილზე 16 ქულით სამცხე-ჯავახეთის „ტაო“ იმყოფება.

მომდევნო შეხვედრა „არწივები“ ნოემბერის დასაწყისში  ჩაატარებენ.

მსგავსი სტატიები