დრამატული მატჩი „არწივების“ გამარჯვებით დასრულდა

დღეს, ქ. ოზურგეთში, ცენტრალურ სტადიონზე მეტად მნიშვნელოვანი მატჩი გაიმართა ოზურგეთის „არწივებსა“ და სამხრეთ-ჯავახეთის „ტაოს“ შორის. იმ შემთხვევაში თუკი „არწივები“ 3 ლელოს სხვაობით მოიგებდნენ და ბონუს ქულას მიიღებდნენ, გათამაშების ცხრილში კვლავ მეორე საფეხურზე იქნებოდნენ, ბოლო ტურში „ბორჯომთან“ სავარაუდოდ მოიგებდნენ , ნახევარფინალურ მატჩს თბილისის „ხვამლთან“ ოზურგეთში გამართავდნენ, რაც მეტად მნიშვნელოვანი იყო.
ოზურგეთის ცენტრალურ სტადიონზე მაყურებელთა სიმრავლე იყო. ისინი აქტიურად გულშემატკივრობდნენ „არწივებს.“
ოზურგეთელებმა შეხვედრის მე-17 წუთზე ბახვა კობახიძის საჯარიმო დარტყმით გახსნეს ანგარიში, რასაც 3 წუთის შემდეგ გიორგი ბეჟანიძის ლელო და ბახვა კომახიძის ზუსტი გარდასახვა მოჰყვა _10:0.
რამდენიმე წუთის შემდეგ ოზურგეთელმა ალექსი ტუჩაშვილმა დადო ლელო _15:0 (გარდასახვის რეალიზება ვერ შეძლეს).
35-ე წუთზე „ტაომ“ კარგი იერიში განახორციელა და ლევან ბუცხრკიძემ დადო ლელო 15:5 (გარდასახვა აქაც უზუსტოდ დაარტყეს).

37-ე წუთზე ოზურგეთელმა გივი ცინცაძემ მე-4 ლელო დადო (22:5).
მეორე ტაიმის დასაწყისში ჯასპინ ნაუდუმ კიდევ ერთი ლელო დადო (27:5).
„არწივები“ მეტოქეს სჯაბნიდნენ შერკინებაში, მაგრამ შეცდომებს უშვებდნენ აუტიდან ბურთის შეყვანაში, იყო ჯარიმები…
როგორც ჩანს „ტაოს“ მწვრთნელებმა შესვენებისას მოთამაშეებს ზუსტად გააცნეს „არწივების“ დაცვის სუსტი წერტილები და სიწრაფის და დაცვის შეცდომების წყალობით ზედიზედ 4 ლელო დადეს. (55-ე მე-60 წუთებზე გიგი გიგინეიშვილი 2, 66-ე წუთზე ზურაბ რიჟამაძე, 70-ე გიორგი შპიდინი). გარდასახვები შეასრულეს ოთარ ტალახაძემ, გიგი გიგინეიშვილი_ 3) მატჩის ბოლო წუთებზე „ტაო“ 27:33 უგებდა მასპინძლებს.
შეხვედრის ბოლო წუთზე კახა გაზაშვილის ლელოთი და ბახვა კობახიძის ზუსტი გარდასახვით „არწივები“ წაგებას გადაურჩნენ 34:33 დაამარცხეს მეტოქე.

რა მდგომარეობა ამჯამად პირველ ოთხეულში?
„არმია“ 71 ქულით ლიდერობს გათამაშებას. (მათ ამ ტურში 35:5 დაამარცხეს „ბაგრატი“). თბილის „ხვამლის“ მეტოქე უიმედო აუტსაიდერი თელავის „ჭადარი“ იყო და ხვავრიელი ანგარიშით 99:0 დაამარცხეს მეტოქე, ბონუს ქულის წყალობით ოზურგეთის „არწივებს“ 66 ქულით გაუთანაბრდნენ, თუმცა გარკვეული უპირატესობით გათამაშების ცხრილში მე-2 პოზიციაზე გადავიდნენ.
პატარძეულის „ვეფხვებმა“ გორში „ჯიქს“29:38 სძლიეს და მე-5 პოზიციაზე არიან.
ბოლო ტურში „არმია“ კვლავ გაიძლიერებს პოზიციებს _იგი აუტსაიდერ „ჭადარს“ ხვდება, ხოლო „ტაო“ „ხვამლს“_„ტაოს“ 57 ქულა აქვს და მოგების შემთხვევაშიც კი მე-4 ადგილზე რჩებიან. სავარაუდოდ ისინი ამ მატჩში ძალებს დაზოგავენ და თვის ბოლოს „არმიასთან“ ნახევარფინალური შეხვედრისათვის მოემზადებიან.
7/8 მაისს კი პლეი ოფის ფინალი გაიმართება, რომელიც გამოავლენს ვის ექნება შანსი უმაღლეს ლიგაში დასამკვიდრებლად.

მსგავსი სტატიები