ნორჩმა გიტარისტებმა საოცარი შთაბეჭდილება დატოვეს

გუშინ, ქალაქ ოზურგეთში, არაფორმალურ გარემოში  კლასიკური მუსიკის კონცერტი გაიმართა.

ცნობილი მუსიკოსის ალექსანდრე (ალიკა) აბაშმაძის აღზრდილებმა საანგარიშო კონცერტი წარმოადგინეს და  გიტარაზე კლასიკური ნაწარმოებები შეასრულეს. დარბაზში მყოფ კულტურის სფეროს მუშაკებს, მუსიკის პედაგოგებს, ჟურნალისტებს და სხვა სტუმრებს საშუალება ჰქონდათ მოესმინათ კლასიკური ნაწარმოებები: _ეტიუდები, პიესები და როგორც ალიკა აბაშმაძემ განაცხადა რამდენიმე კლასიკური ნაწარმოების მისეული ქოვერ ვერსიაც.

კონცერტი სიმბოლურად უკრაინული ხალხური სიმღერით დაიწყო.იგი ჩვენს ქალაქში მცხოვრებმა ლატვიელმა აუშრა ფალჩიუკათმა და მარი მახარაძემ შეასრულეს.

ამას მოჰყვა უფრო ჩქარ ტემპში შესრულებული „ანდანტინო,“( დათო ხელაძე, ელენე მუჯირი) და  „ეტიუდი“ სოფი ვალსი (ანა მუჯირი, ანა ნაცვალაძე, ნუცა კალანდაძე)…

შემდეგ კოსტი „რონდოლეტო,“; კულიანი „ეტიუდი“; კარკასი „ეტიუდი“ ტრებოლო;  აგუადო,„ეტიუდი“(ნინი წულაძე, ანა ნაცვალაძე; დები ანა და ელენე მუჯირები; ნინი სირაძე, ლევან დარჩია).

კარულის „პიესა ორი გიტარისათვის“ 6 მოსწავლემ შეასრულა (მარი მახარაძე, ელენე, ანა მუჯირები, ანა ნაცვალაძე, ნინი წულაძე, ლევან დარჩია).

გია ყანჩელის „ყვითელი ფოთლები თან მიაქვს ქარსდა აყრის ფიფქებად შენს სახლის კარს…“ერთ-ერთი პოპულარული ნაწარმოებია მის შემოქმედებაში და სოლისტებმა მარი მუჯირმა, ნინი სირაძემ და ნუცა კალანდაძემ საოცარი სიყვარულით შეასრულეს იგი.

კონცერტის კულმინაცია იყო ჯგუფურად შესრულებული სოფი „ეტიუდი ვარიაცია ლა მინორი“:

მე-20 საუკუნის ტანგოს უმნიშვნელოვანესი არგენტინელი კომპოზიტორის ასტორ პიაცოლას „ლიბერტანგოსაც“ სძლიეს და ფინალური ნომერი ესპანელი კომპოზიტორის და საუკეთესო გიტარისტის ფლამენკოს სტილში „რიო ანჩოთ“ დაასრულეს.

აღფრთოვენებული დამსწრე საზოგადოება  კონცერტის გარძელებას ითხოვდა. ოზურგეთის სახელმწიფო დრამატული თეატრის დირექტორმა ზაზა ჯინჭარაძემ ალიკა აბაშმაძის გიტარისტები წინასაახალწლოს თეატრის მცირე სცენაზე  კონცერტის ჩასატარებლად მიიწვია.

თავიანთი ემოციები და აღფრთოვანება გამოხატეს: მუსიკოსმა და სცენარისტმა, ოზურგეთის კულტურის ცენტრის დირექტორის მოადგილე ავთანდილ სირბილაშვილმა, საქართველოს ქორეოგრაფთა კავშირის გურიის რეგიონული ორგანიზაციის თავმჯდომარე მელის ნადირიძემ, ოზურგეთის სამუსიკო სკოლის პედაგოგმა ნანა მგელაძემ, ოზურგეთის სამხატვრო სკოლის დირექტორმა კახა ვასაძემ და სხვებმა.

ოზურგეთში კლასიკური მუსიკის საღამო შედგა.

მსგავსი სტატიები