ხვალ, ოზურგეთში ბენია ჩხიკვიშვილის ბიუსტი გაიხსნება

ხვალ, ოზურგეთში, „ჭადრების ბაღში“ბენია ჩხიკვიშვილის ბიუსტი გაიხსნება.

დღეს კი, ოზურგეთის მუნიციპალიტეტის ისტორიულ მუზეუმში პროექტის ფარგლებში _ იცოდე შენ, გააცანი სხვას“ საჯარო ლექცია გამართა კინორეჟისორმა, მწერალმა, მკვლევარმა, არაერთი ფილმისა და წიგნის ავტორმა  ირაკლი მახარაძემ  – თემაზე _ვინ იყო ბენია ჩხიკვიშვილი (გმირის აღმოჩენა).

ირაკლი მახარაძე მუზეუმის დარბაზში მყოფთ წარუდგინეს მუზეუმის დირექტორმა ლანა ქავთარაძემ და  მუზეუნის ფონდების მცველმა მანანა ლომაძემ.

ირაკლი მახარაძემ დარბაზში მყოფ საზოგადოებას გააცნო არაერთი უცნობი ფურცელი ბენია ჩხიკვიშვილის ცხოვრებიდან, რომელიც უკავშირდება „გურიის რესპუბლიკას“, ნასაკირალის შეიარაღებულ აჯანყებას,რეფორმებს,  მის გასამართლებას, საქართველოს დამოუკიდებელი რესპუბლიკის პერიოდში მის ბათუმისა და თბილისის გენერალ-გუბერნატორობას, 1924 წელს და ა.შ.მანვე ისაუბრა გურული მხედრების შესახებაც.

დარბაზში დაისვა კითხვა,სხვადასხვა მოვლენების გამო  ქ. ოზურგეთში მცირედ არის შემორჩენილი ისტორიული შენობები. თუმცა არის რამდენიმე კონსტრუქციზმის პერიოდის შენობა (კინოთეატრი „ოზურგეთი,“ ოზურგეთის ქალაქის მერიის ისტორიული შენობა, ლიბერთი ბანკი), ასევე მე-18  საუკუნეში ყოფილი გურიელების სასახლე, რომლებსაც კულტურული მემკვიდრეობის სტატუსი უნდა მიენიჭოთ.

ირაკლი მახარაძის აზრით, სასურველია ამისათვის შედგეს პეტიცია და გამოთქვა მზადყოფნა, რომ მის მომზადებაში თავადაც მიიღებს მონაწილეონას.

ირაკლი მახარაძე ავტორია ფილმებისა: „ბენია,“„მხატვარი და მაწანწალა,“„შალვა ქიქოძე,“„ველური დასავლეთის მხედრები,“„სახლი ლხინისა,“„ვინც მოვიდა გაუმარჯოს!“, „დიმიტრი შევარდნაძე,“„გურული ფირალები,“„არმოსავლეთის ექსპრესი,“„ვაჟკაცს კრგ უნდა ჰყვანდის ცხენიო,“, ლელოს შემობრუნება“(ლერი სიხარულიძესთან და პაატა ტაბაღუასთან ერთად.“

გამოცემული აქვს წიგნები: „ველური დასავლეთის მხედრები,“„ერთი მუჭა ვესთერნი,“„გურული ფირალები,“„ტერორისტები,“ (ლაშა ხეცურიანთან ერთად); „ერთხელ ამერიკაში _უცნობი გურული მხედრის ჩანაწერები,“„ქართველები ამერიკაში,“დიადი მუნჯი (ლიტერატურული პრემია საბა“-ს 2015 წლის ლაურეტაი); „გურიის რესპუბლიკა,“ „კანვოი რუსეთის იმპერატორთა ქართველი მცველები,“„ბენია ჩხიკვიშვილის მემორიალური ალბომი,“ „ბახუსის მოყვარულები,“გურული გენერლები (მამუკა გოგიტიძესთან ერთად); „ერთხელ გურიაში.“

ასევე ამერიკაში გამოვიდა მისი „ქართველ მხედართა ტრიუკები ამერიკის ველური დასავლეთის შოუებში 1890-1920 წ.წ.).

მსგავსი სტატიები