მოვუწოდებთ სპეციალურ საგამოძიებო სამსახურის უფროსს, კოკა კაციტაძეს, დაუყოვნებლივ გააკეთოს განცხადება და სწორი სამართლებრივი შეფასება მისცეს საპოლიციო ძალების წარმომადგენელთა მხრიდან აქციის მიმდინარეობისას აქციის მონაწილეების და ჟურნალისტების მიმართ განხორციელებულ ძალადობრივ ქმედებებს, – აღნიშნულის შესახებ ნათქვამია არასამთავრობო ორგანიზაციების მიერ ერთობლივად გავრცელებულ განცხადებაში.
განცხადების თანახმად, საჯარო წყაროებზე დაყრდნობით იდენტიფიცირებულია სულ მცირე 10-ზე მეტი შემთხვევა, რომელიც სპეციალური საგამოძიებო სამსახურის მიერ არის გამოსაძიებელი.
„24 საათზე მეტი გავიდა, რაც 2024 წლის 16-17 აპრილს რუსული კანონის წინააღმდეგ მიმდინარე აქციის დაშლისას საპოლიციო ძალები ფიზიკურად გაუსწორდნენ მშვიდობიანი დემონსტრანტების ნაწილს. საჯარო წყაროებზე დაყრდნობით იდენტიფიცირებულია სულ მცირე 10-ზე მეტი შემთხვევა, რომელიც სპეციალური საგამოძიებო სამსახურის მიერ არის გამოსაძიებელი, მათ შორის, 3 ადამიანი ჰოსპიტალიზებულია მიღებული დაზიანებების გამო. გარდა ამისა, სახალხო დამცველის ცნობით, 17 აპრილს პოლიციის მხრიდან პარლამენტის წევრის ალექსანდრე ელისაშვილის მიმართ გახორციელდა სავარაუდო არასათანადო მოპყრობა.
ამ დრომდე უცნობია, თუ რა არის სპეციალური საგამოძიებო სამსახურის პოზიცია, დაიწყო თუ არა გამოძიება ან რა საგამოძიებო მოქმედებები ჩატარდა. საზოგადოებას შევახსენებთ, რომ სპეციალური საგამოძიებო სამსახური შექმნილია, როგორც დამოუკიდებელი სახელმწიფო ორგანო, რომელიც სამართალდამცავების მიერ ჩადენილ დანაშაულებს იძიებს. არსებითად მნიშვნელოვანია სპეციალურმა საგამოძიებო სამსახურმა მყისიერი ნაბიჯების გადადგმით აჩვენოს საზოგადოებას, რომ საპოლიციო ძალების მიერ ღირსების შემლახავი ქმედებები არ იქნება შეწყნარებული სახელმწიფო ინსტიტუტების მიერ.
საგანგაშოა, რომ, გარდა დემონსტრანტებისა, 16 აპრილის ღამის საათებში პარლამენტის მიმდებარე ტერიტორიაზე ფიზიკურად გაუსწორდნენ მედიის წარმომადგენლებსაც, რომლებიც ადგილზე სამსახურებრივ მოვალეობას ასრულებდნენ. მსგავსი ღონისძიებები, რომლებითაც ჟურნალისტებს ხელი ეშლებათ სამუშაო პროცესში, არღვევს საერთაშორისო სტანდარტებს, მათ შორის, ადამიანის უფლებათა ევროპული კონვენციის მე-10 მუხლით დაცულ გამოხატვის თავისუფლებას, ჟურნალისტისათვის პროფესიულ საქმიანობაში უკანონოდ ხელის შეშლა კი, ასევე, არის სისხლის სამართლის დანაშაული.
მოვუწოდებთ სპეციალურ საგამოძიებო სამსახურის უფროსს, კოკა კაციტაძეს, დაუყოვნებლივ გააკეთოს განცხადება, და სწორი სამართლებრივი შეფასება მისცეს საპოლიციო ძალების წარმომადგენელთა მხრიდან აქციის მიმდინარეობისას აქციის მონაწილეების და ჟურნალისტების მიმართ განხორციელებულ ძალადობრივ ქმედებებს; მაღალი საზოგადოებრივი ინტერესიდან გამომდინარე საზოგადოებას მიაწოდოს ინფორმაცია გამოძიების დაწყებისა და ჩატარებული საგამოძიებო მოქმედებების შესახებ“, _ ნათქვამია ერთობლივ განცხადებაში, რომელსაც ხელს აწერენ შემდეგი არასამთავრობო ორგანიზაციები:
„საქართველოს ახალგაზრდა იურისტთა ასოციაცია (GYLA)“. „საერთაშორისო გამჭვირვალობა – საქართველო (TI)“. „საქართველოს დემოკრატიული ინიციატივა (GDI)“. „უფლებები საქართველო (RG)“. „სამართლიანი არჩევნებისა და დემოკრატიის საერთაშორისო საზოგადოება (ISFED)“. „პარტნიორობა ადამიანის უფლებებისთვის (PHR)“.“სამოქალაქო საზოგადოების ფონდი (CSF)“. „ქალთა ინიციატივების მხარდამჭერი ჯგუფი (WISG)“. „ინფორმაციის თავისუფლების განვითარების ინსტიტუტი (IDFI)“.
IPN.GE
მსგავსი სტატიები
- 82
https://youtu.be/hNfnW9lNiEs დაფინანსებული ფართი - 80
დღეს, ქ. ოზურგეთში, ზვიად გამსახურდიას სახელობის მოედანზე სამოქალაქო საზოგადოების საპროტესტო აქცია გაიმართა. აქციის მონაწილეებმა მსვლელობა მოაწყვეს ქალაქის ქუჩებში. პროტესტის მთავარი მოთხოვნა ქვეყნისთვის ევროპულ ვექტორზე დაბრუნება და ხელახალი არჩევნებია იყო. „მოძრაობა თავისუფლებისთვის“ ფოტოები. - 78
29 ნოემბერს აქციის ძალადობრივად დაშლის დროს საპოლიციო ძალებმა არაერთ ჟურნალისტსა და ოპერატორს მიაყენეს ზიანი. მათ უმრავლესობას სამედიცინო დახმარება დასჭირდა. თვითმხილველთა თქმით, საპოლიციო ძალების წარმომადგენლები მათ, ვისაც კამერა ან მიკროფონი ეჭირა, დამიზნებით ასხამდნენ სახეში ქიმიურ გამაღიზიანებლებს, თავს ესხმოდნენ და ფიზიკურად უსწორდებოდნენ. დაზარალებული ჟურნალისტების შეფასებით, აქციაზე ამჯერად გამოყენებული ქიმიური გამაღიზიანებლები გაცილებით უფრო ძლიერმოქმედი იყო.… - 77
ოზურგეთში, ისევე როგორც საქართველოს სხვა ქალაქებში პოლიციის შენობის წინ ქალებმა აქცია გამართეს. ისინი შენობასთან აქციებზე დაშავებული ადამიანების ფოტოებით მოვიდნენ და ძალადობის ფაქტები დაგმეს. აქციაზე იმყოფებოდნენ რიგითი მოქალაქეები, არასამთავრობო სექტორის, და მედიის წარმომადგენლები. აქციაზე მოვიდა თბილისში აქციაზე დაკავებული ახალგაზრდა მტარგმნელის, ოზურგეთელი დათა ხარაიშვილის დედა ნანა მჟავანაძე. - 72
დღეს, ქ.ოზურგეთში, ილია ჭავჭავაძის ქ.#10-ში სამოქალაქო მოძრაობა „თავისუფლებისათვის“ოფისი გაიხსნა. გახსნის ცერემონილას სამოქალაქო მოძრაობის აქტივისტები და არასამათავრობო სექტორისა და მედიის წარმომადგენლები ესწრებოდნენ. _მოხარული ვართ, რომ ოზურგეთში სამოქალაქო მოძრაობა „თავისუფლებისთვის“ ოფისი გაიხსნა. ეს ჩვენი გუნდისთვის მნიშვნელოვანი წინსვლაა, რადგან დაფუძნებიდან ორი წლის თავზე, გვაქვს საშუალება, ფიზიკურ სივრცეშიც ვუმასპინძლოთ ჩვენს თანამოაზრეებს, შემოვიკრიბოთ მეტი ადამიანი,…