ოზურგეთის მუნიციპალიტეტის სოფელ მთისპირში თოვლის სიმაღლე 2 მეტრს აღწევს. არის უბნები, სადაც თოვლის სიმაღლე გაცილებით მეტია.
_მაქსიმალურად ვცდილობთ გზები გაწმენდილი იყოს. წუხელ გვიან ღამით დავასრულეთ გაწმენდითი სამუშაოები, მაგრამ კვლავ თოვს და ამჟამად კომპანია „ბახვი ჰესს“ ვთხოვეთ, რომ მძლავრი ტრაქტორით უკანავა- „პასიოლკას“ დასახლების გავლით, გაწმინდონ სოფელთან დამაკავშირებელი ცენტრალური გზა. ახლა მათი დახმარებით უკანავას უბნიდან „დიალეზის“ პროგრამაზე მყოფი ჯემალ შავაძე გადაგვყავს ოზურგეთის კლინიკაში. დაზიანებული ელექტროხაზები წუხელ აღვადგინეთ, მაგრამ ზოგან, მაღალი ხეებია წაქცეული და კვლავ ახალი პრობლემა იქნება. სამწუხაროდ, მოსახლეობა ელექტროხაზების გასწვრივ, თავიანთ საკარმიდამოზე არ ჭრის მაღალ ხეებს. რამდენიმე დღე „ასკანგელ ალიანსის“ ტრაქტორი მუშაობდა, გუშინ დაზიანდა. შემდეგ ბიზნესმენი თენგო შარაშიძეც დაგვეხმარა და წუხელ თავადაც წმენდდა ტრაქტორით სოფლის გზებს _გვითხრა ოზურგეთის მერის წარმომადგენელა სოფელ მთისპირში ვლადიმერ ჩავლეშვილმა.
ფოტოები რამდენიმე წუთის წინ ვლადიმერ ჩავლეშვილმა მოგვაწოდა. ქვედა ფოტოზე _ჯემალ შავაძე გადაჰყავს სპეცტექნიკას კლინიკაში.
მსგავსი სტატიები
- 59
ადგილობრივი ხელისუფლების წარმომადგენლებმა ყვავილებით შეამკეს საქართველოს დემოკრატიული რესპუბლიკის მთავრობის პირველი თავმჯდომარის, ნოე რამიშვილის, ბიუსტი. შესრულდა სახელმწიფო ჰიმნი; ხელოვნების სასახლის მიმდებარე ტერიტორიაზე ადგილობრივი შემსრულებლების კონცერტი და სხვადასხვა სახის გასართობი ღონისძიება გაიმართა; ცენტრალური სტადიონზე ჩატარდა სპორტული აქტივობები: დოღი, მკლავჭიდი, მხატვრული ტანვარჯიში, ბაგირის გადაძალვა და რაგბის საჩვენებელი თამაში. გამარჯვებულებს სპეციალური პრიზები და სიგელები… - 59
_ ათეული წლებია ვოცნებობდით ჩვენი უბნის მცხოვრებლები, რომ ასფალტირებული გზა გვქონოდა. შარშან გავიგეთ, რომ ტენდერი გამოცხადდა. შემდეგ გზის მშენებლობა დაიწყო. ძალიან გვიხაროდა. როგორც შეგვეძლო, ისე ვაქცევდით ყურადღებას მშენებლებს. გვეგონა ზამთრის დადგომამდე დასრულდებოდა სამშენებლო სამუშაოები, მაგრამ ვერ მოასწრეს. დეკემბრის ბოლოს, ძალიან ცუდ ამინდების დროს მოიტანეს უხარისხო ასფალტი და დააგეს ერთი ფენა.(გვითხრეს,… - 58
მოსახლეობა კურორტ ბახმაროს ცენტრში, მოედანზე „მაგთის“ ანძის მშენებლობას აპროტესტებს. გუშინ გაზეთ „ალიონს“ კურორტ ბახმაროდან საგარაკო სახლის ერთ-ერთი მფლობელი დაუკავშირდა და მისიი გულისწყრომა გადმოგვცა: _ჩვენი ბავშვობა ამ კურორტზე გავატარეთ. შესანიშნავი კურორტი გვქონდა და ყველა შეძლების ადამიანი ისვენებდა აქ. ახლა აქ განუკითხაობაა. ვინ რას აშენებს, განსაკუთრებით საკურორტო სეზონის შემდეგ, ვერ გაიგებ. შიგ… - 57
ბიუჯეტი 43 მილიონ 400 ათას ლარით განისაზღვრა, რომელიც პრიორიტეტებში გადანაწილდა. საკრებულოს სხდომას არ ესწრებოდა ფრაქცია ,,ოზურგეთი საქართველოსთვის“ , ხოლო ფრაქცია ,,ერთიანმა ნაციონალურმა მოძრაობის“ წევრებმა მომავალი წლის მთავარი საფინანსო დოკუმენტის განხილვის პროცესში მონაწილეობა არ მიიღეს და მხარი არ დაუჭირეს მის დამტკიცებას. ოზურგეთის მუნიციპალიტეტის 2025 წლის ბიუჯეტი 26 ხმით დამტკიცდა.
