თბილისში მომხდარი ტრაგედიის გამო, ირაკლი ღარიბაშვილის გადაწყვეტილებით, „ღვინის დღეები საქართველოში“ ფარგლებში დაგეგმილი ყველა ღონისძიება გადაიდო

„ვიზიარებთ გარდაცვლილი მოზარდის ოჯახის წევრების, ახლობლებისა და მეგობრების მწუხარებას“, – აღნიშნავენ ფესტივალის ორგანიზატორები.

„უმძიმესი ფაქტია, თავზარდაცემულნი ვართ ყველა. გამოძიება დაწყებულია, ჩართულია ყველა შესაბამისი უწყება და ცხადია, ყველა დაისჯება შესაბამისად კანონის ფარგლებში. ცენტრალური კონტრაქტორი იყო „გრინსერვისი“. ცხადია ნორმები შემოწმებული იყო, პროექტი დიდი ხანია დასრულებული იყო.

უმძიმესი თემაა. ეს არის ძალიან დიდი პასუხისმგებლობა ყველასი და, რა თქმა უნდა, ყველას გაეცემა შესაბამისი პასუხი“, _ აცხადებს თბილისის მერი.

ცნობისთვის, 13 ოქტომბერს ვაკის პარკში უბედური შემთხვევა მოხდა. მოზარდებს, რომლებიც პარკში თამაშობდნენ, ბურთი შადრევანში ჩაუვარდათ. შადრევანში ბურთის ამოსაღებად ჩასულ მოზარდებს დენმა დაარტყა.

დაშავებული მოზარდები შადრევნიდან მეეზოვემ გამოიყვანა. სამივე მათგანი სასწრაფო სამედიცინო ჯგუფმა კლინიკაში გადაიყვანა. ერთ-ერთი, 13 წლის გოგონა, მარიტა მეფარიშვილი სააავადმყოფოში მიყვანის შემდეგ გარდაიცვალა. იგი საქართველოს ჩემპიონი იყო ჩოგბურთში.

ორი მოზარდიდან ერთ-ერთის ჯანმრთელობის მდგომარეობა სტაბილურია, ხოლო მეორე მოზარდი ექიმების დაკვირვების ქვეშ, ფილტვის ხელოვნურ ვენტილიციაზე იმყოფება.