ანზორ მაჩიტაძის ხსოვნის ტურნირზე გურულების წარმატება

სამტრედიაში დასრულდა რესპულიკური საჭადრაკო,ტურნირი,რომელიც ტრადიციულად ყოველ წელს იმართება და ჭადრაკის ცნობილი მწვრთნელ-მასწავლებლის, ანზორ მაჩიტიძის ხსოვნას ეძღვნება. წელს მასში 190-მოჭადრაკე იყო ჩართული, რომლებიც ქვეყნის 15-მდე მუნიციპალიტეტს და ქალაქს წარმოადგენდა. ტურნირში გურიიდან 20 მოჭადრაკე მონაწილეობდა, რომელთა შორის უმეტესობა ლანჩხუთის საჭადრაკო სკოლის აღსაზრდელები ( მწვრთნელები ადამ და ტარიელ ხუხუნაიშვილები) იყვნენ, ხოლო ოზურგეთი სამი მოჭადრაკით იყო წარმოდგენილი. სამწუხაროდ ჩოხატაურლებმა , რომლებიც გასულ წლებში მსგავს ტურნირებში აქტიურობით გამოირჩეოდნენ, ამჯერადაც ვერ მოახერხეს ამ, საკმაოდ პრესტიჟულ ღონისძიებაში მონაწილეობა,

ტურნირი, რომელიც შვეიცარული სისტემით, 7 ტურად ჩატარდა, ექვს საკვალიფიკაციო ჯგუფში მიმდინარეობდა. OPEN მამაკაცები, OPEN ქალები, 10 წლამდე ასაკის გოგონები და ჭაბუკები(ცალცალკე) და 8 წლამდე ასაკის გოგონები და ჭაბუკები (ცალცალკე) .

თავშივე უნდა ავღნიშნოთ 8 წლამდე ასაკში მოასპარეზე, ოზურგეთელი ლაზარე ჩხარტიშვილის წარმატება(მწვრთნელი ელგუჯა ურუშაძე), რომელმაც თეორიული ცოდნით ,და გააზრებული თამაშით ბრწყინვალე შედეგი აჩვენა. მან 7 შესაძლებლობიდან 6,5ქულით, 50 მონაწილეს შორის ერთპიროვნულად მოიპოვა პირველი ადგილი . მასვე ერგო ,ჩემპიონის ოქროს მედალი , თასი და დაწესებული ფულადი პრიზი 250 ლარი.. ლანჩხუთელი მოჭადრაკეებიდან, განსაკუთრებით გოგონებმა იყოჩაღეს.. 10 წლამდე ასაკში, ფინიშთან 5,5,- 5,5 ქულით მივიდა ანასტასია კვირკველია (მწვრთნელი ადამ ხუხუნაიშვილი) და მისი ქუთაისელი “სეხნია“ ა.ჭიჭინაძე. მხოლოდ დამატებითი კრიტერიუმით მოუწია ანასტასიას ვერცხლის მედალზე და შესაბამის საპრიზო ფულად ჯილდოზე(150 ლ)დაყაბულება. შექებას იმსახურებს ასევე ვერცხლის მედალოსანი ანასტასია ებრალიძე. მან 24 მონაწილეს შორის, 5,5 ქულით, დამაჯერებლად და ერთპიროვნულად დაიკავა პირველი ადგილი და ფულადი ჯილდოც დაიმსახურა .

სამეულს მიღმა დარჩენილებიდან შექებას იმსახურებს ოზურგეთელი სანდრო გოგუაძე,რომელიც მხოლოდ ერთი ქულით ვერ მიწვდა მედალს, თუმცა კარგად ითამაშა და შინაარსიანი პარტიებიც ჰქონდა. OPEN ქალებში კარგი თამაში აჩვენა ლილე ფირცხალაიშვილმა, თუმცა ამ ნიჭიერ გოგონას ნადვილად შეეძლო უკეთესი შედეგის დადება. წელს მას კარგი სეზონი ჰქონდა და თავიც კარგად წარმოაჩინა. ვფიქრობთ გურიის ქალთა წლევადელ ჩემპიონატში ლანჩხუთელთა სახელით გამოვა და თავის სიტყვასაც იტყვის. წარმატებულად უნდა ჩაითვალოს 8 წლამდე ასაკში მოასპარეზე მარიამ გოგუაძის თამაშიც, მითუმეტეს როცა მას ოფიციალურ და მასშტაბურ ტურნირებში თამაშის გამოცდილება ნაკლები აქვს.

კარგ შედეგს ველოდით ლანჩხუთის მოქმედი ჩემპიონიდან, მიხეილ აფხაზავადან, რომელმაც სულ რაღაც ერთი თვით უკან , ბათუმის საერთაშორისო ტურნირი მოიგო.სამაგიეროდ ამ ჯგუფში საკმაოდ კარგად ითამაშა „ძველმა გვარდიამ“,რომელსაც გამოცდილი და ტიტულოვანი „დუეტი“- ნუგზარ გვარჯალაძე და ტარიელ ხუხუნაიშვილი წარმოადგენდა. მათ შესაბამისად 4,5 და 4,0 ქულა დააგროვეს. 75 წლის ნუგზარისათვის კი ეს 4.5 ქულა ვეტერანთა შორის ოქროს მედალის მომტანი აღმოჩნდა, რასაც გურიის მოჭადრაკეთა ოჯახი ერთთსულოვნად ვულოცავთ.