მდინარე სუფსას ნაპირები აღარ აქვს

27 იანვარს, მიუხედავად ცუდი ამინდისა,  მძიმეწონიანი ავტომანქანები მდინარე სუფსის ხეობიდან ქვა-ღორღს ეზიდებოდნენ.

გასული შემოდგომის შემდეგ სუფსის ხეობაში არ ვყოფილვართ. მიზეზი ის გახლდათ, რომ გარემოსდამცველების და ჟურნალისტების ბრძოლას, როგორმე შეეჩერებინათ სილაური-ბაილეთი-ჯუმათის მონაკვეთზე  ხეობის აოხრების სამუშაოები უშედეგო აღმოჩნდა. პირიქით, კომპანია „ქიუ ემ სის“ ხელმძღვანელებისაგან დაცინვა მივიღეთ: _„ხომ ხედავთ, მდინარე სუფსის აუზის „გასწორხაზოვნებას“ ვახდენთ, თქვენ ჟურნალისტები კი ამას ვერ ხედავთო“. ჩვენ კი ვხედავდით, მაგრამ ვისაც ზემოქმედება უნდა მოეხდინა და შეეჩერებინა უნებართვო და ბარბაროსული მოპოვება , ისინი ვერ “ხედავდნენ.

ამ თემაზე გაზეთი „ალიონი“ წერდა 2021 წლის  9 აგვისტოს ნომერში: „გასწორხაზოვნება თუ ქვიშა-ხრეშის უპრობლემოდ მოპოვების ახალი გეგმა.“

„ქიუ ემ სიმ“ მიაღწია არა მარტო მაკონტროლებელი ორგანოების  უმოქმედობას, არამედ ადგილობრივი მოსახლეობის საპროტესტო მუხტის ჩაკვლას კი. ისინი დაარწმუნეს, რომ სოფელ სილაურსა და ბაილეთში 2-2 კილომეტრ ასფალტირებულ გზას გააკეთებდნენ.

რაც მათ ამ სოფლებთან გაფორმებული მემორანდუმით შეასრულეს, საგაზაფხულო ხვნა-თესვის კამპანიაში მონაწილეობა იყო(1 ჰექტარ მიწის დამუშავებზე 500 ლარიდან 170 ლარი მათი წილი იყო).. გლეხებმა გასულ გაზაფხულზე კი ისარგებლეს დაახლოებით 50-60 ლარი, მაგრამ სამთო მომპოვებლებს  არც გზები დაუგიათ და უმშვენიერესი სუფსის ხეობა აოხრებული დატოვეს.

უპასუხოდ დატოვა წიაღის ეროვნულმა სააგენტომ  გაზეთ „ალიონის“ მიერ გამოთხოვილი საჯარო ინფორმაცია. ვითხოვდით, რომ მოეცათ წერილობით ან ელექტრონულად საჯარო ინფორმაცია იმის შესახებ, ჰქონდა თუ არა   კომპანია „ქიუ ემ სის“  სუფსის ხიდის მონაკვეთზე წიაღის ეროვნული სააგენტოს ნებართვები გასწორხაზოვნების და იქ ქვიშა-ხრეშის მოპოვების შესახებ“.

წიაღის ეროვნული სააგენტომ ჩვენს წერილს არ უპასუხა, „ქიუ ემ სის“ არანაირი ნებართვა არ ჰქონდა და რას გვიპასუხებდნენ?

ამ დროს კი, უხეში დათვლით, დღის განმავლობაში სუფსის აუზში მომუშავე მძიმე წონიანი მანქანები 500-დან 600 რეისს  ასრულებდნენ.

ამჟამად „ქიუ ემ სი“-მ  აღნიშნულ ტერიტორიაზე მუშაობა დაასრულა, მაგრამ „გასწორხაზოვნების“ იქაურობას არაფერი არ ეტყობა: უზარმაზარი მორევი და ხიდის ზემოთ ნაპირჩამოცლილი ჭალები.   გზას, იქ არსებულ ელექტროგადამცემ ბოძებს და ოზურგეთი-ბაილეთი-ჯუმათის 5-მალიან ხიდს საშიშროება ელოდება.

27 იანვარს, მდინარე სუფსაზე კომპანია „ნატა 2000“ ლიცენზიით შპს „სამი ძმა“ლიცენზიით გათვალისწინებული კონტურების მიღმა მდინარია აუზიდან წიაღს იღებდა.

აღნიშნულ ტერიტორიაზე  ჯერ „ბორან ქონთრაშენი,“ ხოლო შემდეგ „ქიუ ემ სი“ იღებდა ქვა-ღორღს და აქაურობა ეკოლოგიურად მძიმე  მდგომარეობაში იმყოფება. მდინარის გაღმა მხარეს ნაპირები ჩამოშლილი აქვს და ახალსოფლელები თანდათან კარგავენ საყანე ფართობებს.

შპს „სამი ძმის“ ექსკავატორმა გარემოსდამცველების დანახვაზე მუშაობა შეწყვიტა და მათთვის ლიცენზიით გათვალისწინებულ ტერიტორიაზე დაბრუნდა.

გარემოსდაცვითი ორგანიზაცია „ეკოს“ დამფუძნებელმაირმა გორდელაძემ გარემოს დაცვის ბრიგადა გამოიძახა. შეჩერდა სამუშაო  და აღნიშნულ ფაქტზე აღიძრა ადმინისტრაციული საქმის წარმოება.

_მდინარე სუფსას ნაპირები აღარ აქვს, ელექტროგადამცემ ბოძებამდეა მდინარის სანაპირო ზოლი მოპარული.

ამ ადგილზე 7 კარიერული წარმოების ლიცენზია ჰქონდა წიაღის ეროვნულ სააგენტოს გაცემული. შედეგად: მდინარე–მდინარეს აღარ ჰგავს, დაჭაობებულია ჰექტრობით ტერიტორია, საყანე ფართობები დაკარგული, იავარქმნილი მდინარე, გზები…

თუ რას მოიმოქმედებს გარემოსდაცვის ზედამხედველობის დეპარტამენტი , ვნახავთ. მგონი ეს  ინსტანცია ბრმაა და ყრუ?

ჩვენ კვლავ შევამოწმებთ აღნიშნულ  და ყველა მოქმედ კარიერს გურიაში_ გვითხრა „ეკოს“ დამფუძნებელმა ირმა გორდელაძემ.

გაზეთი „ალიონი“ შპს „სამი ძმა“ მენეჯერს ესაუბრა:

_ხუთშაბათს დილიდან მონასტერში იყავი და არ იცოდი, თუ იქ ტრაქტორი მუშაობდა. „სამი ძმის“არც ოპერატორი იმყოფებოდა ადგილზე, რომ დაეზუსტებინა ლიცენზიით გათვალისწინებული კონტურები. სამწუხარო ფაქტია _ ჩვენთან შეუთანხმებლად მოხდა გადაცდენა. ჩვენ ამ ადგილს მხოლოდ ავტომანაქანების ხეობაში ჩამოსაყვანად ვიყენებდით. არც გვაწყობდა ამ ტერიტორიაზე  ქვა-ღორღის აღება, რადგან ეს ადგილი ერთგარი ხელოვნური ჯებირია და ჩვენს კარიერს იცავდა მდინარი ადიდებისას _გვითხრა შპს „სამი ძმა“ მენეჯერმა კახა ჩხარტიშვილმა.

მსგავსი სტატიები