სოფელ ოზურგეთში ჩინურმა კომპანიამ მოსახლეობის მოთხოვნები ნაწილობრივ დააკმაყოფილა?

კონტრაქტორ კომპანიას დოკუმენტაციები და ნებართვები ჯერაც არ წარმოუდგენია

როგორც გაზეთ „ალიონის“25 ივლისის ნომერში გამოქვეყნებულ სტატიაში „ყველა დღე იმის შიშში ვართ, მძიმეწონიანმა მანქანებმა ბავშვები არ გაიტანოს“, რომელიც სოფლის ცენტრში მდებარე ყოფილი წისქვილკომბინატის ტერიტორიაზე  ასფალტის ნარჩენების გადამუშავებას  და მძიმე წონიანი ავტომანქანების ინტენსიური მოძრაობის გამო მოსახლეობის პრობლემებს ეხებოდა,  „ჩინეთის ხიდებისა და გზების მშენებლობის  კორპორაციის“ წარმომადგენლებმა ნაწილობრივ მოაგვარეს.

როგორც ოზურგეთის მუნიციპალიტეტის მერის წარმომადგენელმა სოფელ ოზურგეთში ბადრი თავდუმაძემ გვითხრა, გაიხსნა ალტერნატიული გზა და მძიმეწონიანი ტრანსპორტის მოძრაობა ცალმხრივი გახდა. მოიხრეშა ალტერნატიული გზა, გაწმენდილია სოფლის სასაფლაოსთან მისასვლელი. ამჟამად მოსახლეობა პრეტენტიებს არ გამოთქვამს.

როგორც გაზეთ „ალიონს“ აცნობეს,  ჯერ -ჯერობით კონტრაქტორი კომპანიის წარმომადგენელ  თენგიზ მჭედლიშვილს გარემოსდაცვითი ორგანიზაცია „ეკოს“_თვის მოთხოვნილი ნებართვები არ გადაუცია.

„ეკოს“ დამფუძნებელმა ირმა გორდელაძემ გაზეთ „ალიონთან“ განაცხადა: _„კონტრაქტორ კომპანიას მოვთხოვე დოკუმენტაციები, ნებართვები, როგორც გარემოსდაცვითმა არასამთავრობო ორგანიზაციამ. პასუხად მოვიღე რომ _მესამე პირს არ გადავცემ ინფორმაციასო. მაშინ გამოვიძახე ზედამხედველობის დეპარტამენტის ბრიგადა. მათთან სატელეფონო საუბარში აღნიშნა, რომ მოიტანდა ნებართვებს.რამდენიმე  დღის შემდეგ გადავამოწმე და ჯერაც არ ჰქონდათ წარმოდგენილი. როცა ასეთი დამოკიდებულებაა, ეს კიდევ ერთხელ მიანიშნებს რომ ყველაფერი რიგზე რომ არ არის.“.

P.S. როგორც აღმოჩნდა ჩინურმა კომპანიამ არ შეასრულა დანაპირები. ამის შესახებ ამ წერილის ვებ.გვერდზე დადების შემდეგ გახდა ცნობილი. როგორც სოფელ ოზურგეთელმა გიო მენაბდემ გვაცნობა, „ არაა ცალმხრივი მოძრაობა, პირიქით, იმდენი მანქანა დადის ორმხრივად ლოდინი უწევთ. არც არაფრი დაუკმაყოფილებიათ მხოლოდ და მხოლოდ ორ დღეში ერთხელ სარწყავი მანქანა დადის და რწყავს, მეტი არაფერი. ბევრად უფრო ცუდი მდგომარეობაა, ვეღარ ეტევიან ხიდის ქვეშ ახალი გზა გააკეთეს.“

მსგავსი სტატიები