„ჯვარიმინდორობის“ დღესასწაულიდან „შუახევობამდე“

28 ნოემბერს, შუახევის მუნიცილატიტეტში, დაბა შუახევის ცენტრში სახალხო დღესასწაული „შუახევობა“ გაიმართა,რომელსაც 4 ათეული წლის წინ დაწესდა,  ტრადიციად იქცა და წელსაც  საინტერესოდ აღნიშნეს.

შუახევის მუნიციპალიტეტი ოზურგეთის მუნიციპალიტეტის უშუალო მეზობელია, ე.წ. ადმინისტრაციული საზღვარი აჭარა-გურიის მთებში გადის.  დაბა გომისმთის განვითარების პროექტში შუახეველებსაც შეიტანეს  თავიანთი წვლილი და რამდენიმე წლის წინ  შუახევიდან მოხდა ელექტროხაზების გაყვანა და გომისმთისათვის ელექტროენერგიის მიწოდება.

ზღვის დონიდან 2 000 მეტრზე, თაგინაურის მთის მიდამოებში, აგვისტოს ბოლოს სახალხო დღესასწაული „ჯვარიმინდორობა“იმართება, რომელშიც შუახეველების გარდა ოზურგეთელებიც იღებენ მონაწილეობას. ამ ფესტივალის უცვლელი მონაწილეა ოზურგეთის კულტურის ცენტრის ფოლკლორული ანსამბლი „იადონი“ და ოზურგეთელთა მცირე დელეგაცია წელსაც ესწრებოდა  ამ ფესტივალს. რაც მისასალმებელია,„ჯვარიმინდორობას“ სხვა სტუმრებთან ერთად  აჭარის ხელისუფლების პირველი პირები ესწრებიან. წელს მათ ტურისტული თავშესაფრები და საპიკნიკე ზონა მოაწყვეს. მოსასვენებელი სივრცეები, თანამედროვე კემპინგები აჭარაში ყველაზე გრძელ ქობულეთი-გომისმთა- შუახევის დამაკავშირებელ, სალაშქრო-სათავგადასავლო ტურისტულ მარშრუტზე მდებარეობს.

ორიოდე სიტყვით „ჯვარიმინდორობის“ისტორიის შესახებ:

1740 წლამდე  ჭვანას ხეობაში 15-მდე მართლმადიდებლური ტაძარი იყო. 20 წლის მანძილზე დამპყრობლებმა ყველა ტაძარი დაშალეს და დაწვეს, არც ვერჯანაულზე არსებული ქათამიძეების ტაძარი დაინდეს, მიუხედავად იმისა, რომ მისი წინამძღვარი ზაქარია ქათამაძე დახმარებისთვის ახალციხის ფაშას ეახლა, თანადგომა ვერ მიიღო,  ჭვანაში დაბრუნებულ ღვთისმსახურს სამლოცველო განადგურებული დახვდა. გაუტეხელ ჭვანელებს ეკლესიის ჯვარი, ხატები, ზარი და სხვა სიწმინდეები გადაემალათ.

ნაწამებ მღვდელს და მრევლს აქ  დაბრძანებული ჯვარისა და სხვა სიწმინდეებისათვის მაშინ მიუმართავათ: „ჯვარო მიდიხარ, ჯვარო დაგვიბრუნდები!“სიწმინდეები შემოქმედის ეპარქიის ტაძრებში დააბრძანეს. თითქმის ორ საუკუნოვანი შენახვის შემდეგ, 2013 წლის მარიამობაზე ჯვარი სოფელ ჭალაში მშენებარე ტაძარში გადმოაბრძანეს.

წელს „შუახევობა“დაბა შუახევის ცენტრში ხარაჩოებ ახლადჩამოხსნილი ტაძრისა და მუნიციპალიტეტის წინა ტერიტორიაზე გამართეს.

„შუახევობის“ დღესასწაულის წინ, აჭარის მთვრობის მიერ მობილიზებული ორი მილიონი ლარით შუახევში ფიფას სტანდარტების შესაბამისი არენა გახსნეს.

სტადიონი 500 მაყურებელს იტევს, დაგებულია ფიფას მიერ სერთიფიცირებული ხელოვნური საფარი. სტადიონს აქვს თანამედროვე სტანდარტების შესაფერისი განათება, გასახდელები და შხაპები. აქ შესაძლებელია ქვეყნის წამყვანმა კლუბებმა ფეხბურთში მოსამზადებელი ვარჯიშები გაიაროს.

სტადიონი საზეიმოდ გახსნეს აჭარის მთავრობის თავმჯდომარე თორნიკე რიჟვაძემ, საქართველოს ფეხბურთის ფედერაციის გენერალურმა მდივანმა დავით მუჯირმა და შუახევის მუნიციპალიტეტის მერმა ომარ ტაკიძემ.

პირველი მატჩი ბათუმის „დინამოს“ 16 წლამდე აღსაზრდელებსა და შეუახეველ თანატოლებს შორის, მასპინძლების გამარჯვებით დასრულდა.

„საპატიო შუახეველის“ წოდება 8 პიროვნებას შეხვდა.

მაღალმთიანი აჭარის ფოლკლორის საუკეთესო ნიმუშები წარმოადგინეს უხუცესთა ქორეოგრაფიულმა ანსამბლმა „ფესვები,“სიმღერისა და ცეკვის ანსამბლებმა „ჭვანა,“ „ზე კართან,“„მარეთი,“„შუახევი,“ „ოთოლთა.“

ზეიმზე თორნიკე რიჟვაძემ  განაცხადა: _ „ ერთი წლის წინ ყველამ მოვინდომეთ , რომ შუახევს ჰქონოდა თანამედროვე სტანდატების შესაფერისი სპორტული არენა. ეს უკვე რეალობად იქცა. დარწმუნებული ვარ, რომ ფეხბურთის მოედანი ხელს შეუწყობს სპორტსმენების მომზადებას. ჩვენი მთავარი ამოცანაა ჯანსაღი ცხოვრების წესით ვიცხოვროთ. ასე შთამბეჭდავი გამოდგა „შუახევობის“ დღესასწაული, რომელიც კულტურის და ხელოვნების, ადამიანების ერთმანეთის დემონსტრირება იყო.

მსგავსი სტატიები