„ადექით და პირდაპირ უთხარით ხალხს,რომ აჩეხონ თხილი!“

„თხილის მწარმოებელთა ასოციაციის“ აღმასრულებელი დირექტორის გიორგი თოდუას განცხადებით, საქართველოში, აგვისტოს ბოლოს, სექტემბრის დასაწყისში, 1 კგ. უმაღლესი ხარისხის თხილის ფასი სავარაუდოდ 6-7 ლარი იქნება.

გიორგი თოდუას განცხადებით, წელს ქვეყანაში მინიმუმ 50 000 ტონა თხილის აღებაა მოსალოდნელი და სექტორი ელის, რომ მოსავლის დაახლოებით 70% პრემიუმი, პირველი და მეორე ხარისხის თხილი იქნება.

წყარო „ბიზნეს ფორმულა“.

„როგორც ვაკვირდები გურიაში ამოქმედდა გეგმა N2: თხილის ბაღების აჩეხვა და განადგურება! რატომ? იმიტომ,რომ თხილის ბიზნესის მაფიოზებმა ლამის ნულამდე დასცეს თხილის ჩაბარების ფასი, იმ თხილის, რომელსაც შემდეგ თურქ მეთხილე-ბიზნესმენებზე სამმაგ ფასად ყიდიან! რა ქნას ამ დროს ჩვეულებრივმა გლეხმა კაცმა, რომელმაც ცალკე თხილის მკრეფავებს უნდა გადაუხადოს დღეში 50-60 ლარი, თან ეგენი ხომ 4-5-ზე ნაკლები ცალ-ცალკე არ დადიან? ერთ დღეში ეს მკრეფავები ერთ სათხილეს ვერ კრეფენ,ან რაში აწყობთ ერთ დღეში გამოკრეფვა-ახეკვა, გიჟები ხომ არ არიან ფული დაკარგონ მეორე,მესამე, მეოთხე დღეზე გათვლილი? არც არავინ ანგარიშობს რომ ამ თხილს მთელი წლის განმავლობაში შეწამვლაც უნდოდა, გამოკრეჭვაც და ამას წესით უფასოდ არავინ აკეთებს, ცალკე თანხაა კიდევ მოცელვა და მიიტანს ასე ნაწვალებ თხილს ჩამბარებელ პუნქტში გლეხი და 2,50 ლარიო რომ ეტყვიან თხილის პატრონს, ის როგორ იფიქრებს სამომავლოდ თხილის მოვლაზე? ჯანყი გურიაში სასტარტო ეტაპზეა და აჯანყება როგორი იციან გურულებმა თუ არ იცით,ისტორიის წიგნებში ჩაიხედეთ! ალბათ გაჩნდება კითხვა რატომ ,,სდუმან,, გურულებიო და რატომ არაფერს ამბობენო ხომ? მოგახსენებთ: გურიის მთავრობა აქტიურად ალამაზებს და ამშვენებს გურიის სამი ,,დედაქალაქის ,, ცენტრებს და იმ სოფლის გზებს სადაც აქტიურად გადაადგილდებიან თავად მთავრობა და მერია-საკრებულოს წევრები და მომავლის ,,გეგმაშია,, გაწერილი სხვა სოფლების გზების და შუკა-შარის მოწყობა-ასფალტირება. ეს ძალიან კარგი, მაგრამ როცა თხილის მოსავლის ფასთან დაკავშირებით მიდის გლეხი ,,მთავრობაში,, და დახმარებას ითხოვს, როცა პასუხობენ რომ ,, გაჩუმდეს თვარა გზას არ დუუგებენ სოფელში,, ,როცა ქალაქის ცენტრიდან სამ კილომეტრში სოფელში ყარს რევოლუციამდელი ეზოში აგებული ჩეჩმები და 21-ე საუკუნეში საკანალიზაციო ქსელი არც გაჰყავს ნაქებ მთავრობას და 290 ლარი რომ აქვს პენსიონერს იმას ეუბნება გააკეთე ,მაგრამ კაპიტალურადო,ის რაც 3000 ლარი ჯდება, აი ამ ყველაფრის გაკეთებისთვის ელოდება ის გლეხი მთელი წელი თხილის მოსავალს და თხილის მკრეფავი ქალებისთვის გადასახდელ თანხასაც რომ არ უხდიან ჩამბარებელ პუნქტში,რა შეწამვლა? რა გასხვლა? რა მოთიბვა? ადექით და პირდაპირ უთხარით ხალხს,რომ აჩეხონ თხილი! ასე ააჩეხინეთ თავის დროზე ჩაი გურულებს,ეხლა თხილის დრო მოვიდა ხომ? მე გეუბნებით ძალიან რბილ ფორმებში რასაც აპირებენ გურულები და ჯანყი მერე ნახეთ თქვენ ოზურგეთის მაზრაში! სასწრაფოდ დაარეგულირეთ ვისაც ეს გეხებათ თხილის ფასი და ნუ დასცინით ხალხს,მუხლები აქვთ დაგაღლეტილი თხილის მობოჭვით ქალსაც და კაცსაც!“_წერს ნინი ჭელიძე სოცაიალურ ქსელში.

ნინი ჭელიძის პოსტი აღებულია გვერდიდან მარად ოზურგეთი ! Ozurgeti Forever !

მსგავსი სტატიები