გურული ღვინის ფესტივალი წელს მეხუთედ გაიმართა

გურული ღვინის ფესტივალი ჩოხატაურში, გორაბერეჟოულში, ერისთავების ისტორიულ მამულში წელს უკვე მეხუთედ გაიმართა. წარმოდგენილი იყო არაერთი მარანი და ვიზიტორი.
_მეხუთედ ვმონაწილეობ გურული ღვინის ფესტივალში, რომელიც ღვინის ეროვნული სააგენტოს ხელშეწყობით იმართება და მონაწილეთა არეალი ფართოვდება. წარმოდგენილი მაქვს „ჩხავერი“(ფეთქი), „საკმიელა-კამური,“„წინაპართა ღვინო _ჩხავერი,“ „ჩხავერი“(წითელი), „ჯანის“, „სხილათუბანის“ კუპაჟი.
წლიურად 6 ათასი ბოთლი ღვინოს ჩამოვასხამ და მისი 80 პროცენტი გამაქვს აშშ-ში და ევროპის 7 ქვეყანაში, მათ შორის საფრანგეთში, გერმანიაში, პორტუგალიაში.
დისტრიბუციას პირდაპირი კავშირებით ვახდენთ _გვითხრა ცნობილმა მეღვინემ დავით კობიძემ.
ღვინის ფესტივალზე ბაღდადის მუნიციპალიტეტის მეღვინეებიც მონაწილეობდნენ. რამდენიმე მეღვინეს გავესაუბრეთ:
_გურული ღვინის ფესტივალზე რამდემე მეღვინე ვართ იმერეთიდან. „ნინოს მარანი“ ბაღდადის მუნიციპალიტეტის სოფელ წითელხევში მდებარეობს. 2017 წლიდან დავიწყე ქართულ და უცხოურ ბაზარზე გასატანი ღვინის წარმოება. წარმოდგენილი მაქვს „ცოლიკაური“, „კრახუნა“, „ოჯალეში,“ „ოცხანური,“ „ალადასტური,“ „ძველშავი.“წლიურად 7.000 ბოთლ ღვინოს ვაწარმოებთ. გაგვაქვს ევროპის ქვეყნებში: გერმანიაში, იტალიაში, საფრანგეთში, ავსტრიაში, შვეიცარიაში, პოლონეთში _გვითხრა ბესიკ წიქორიძემ.
„ცოლიკაური,“„ალადასტური,“„ციცქა,“„კრახუნა,“„ოჯალეში“ ჰქონდა წარმოდგენილი მარან „ნაგუთნევს.“
_სოფელ დიმში მამისეული მარანი განვაახლე. ღვინის წარმოება დავიწყე და ახლა როგორც ადგილობრივ, ისე ევროპის ბაზარზე გამაქვს იმერული ღვინოები _გვითხრა მარანის ხელმძღვანელმა სევერიან ღამბაშიძემ.
ანალოგიური ღვინოები ჰქონდათ წარმოდგენილი მარან „დიმის ფერდობს“(თეიმურაზ ჭრელაშვილი) და „ბაგრატის ღვინოს“ (გიორგი დოღონაძე).
არ შეიძლება არ აღინიშნოს შპს „ავთანდილის“ (ქვენობანი, ავთანდილ ლომთათიძე) წარმოებული ჩაის მრავალფეროვანი სახეობა. როგორც მითხრეს, ჩეხი პარტნიორის პეტრე სოჩის მეშვეობით მათ ქართული ჩაის გააქვთ გერმანიაში, საფრანგეთსა და ჩეხეთში.
ერთ _ერთი ამ გამოფენზე შემოქმედელი ანდრო ვაშალომიძის მარნის ღვინოები გახლდათ.
ანდრო ვაშალომიძე გარდა კარგი მეღვინისა, არის გურული ვაზის მესაიდუმლე. როგორც გურიის ეპარქიის ეპისკოპოსმა, მეუფე იოსებმა აღნიშნა არაერთი უძველესი გურული ვაზის ჯიშის აღდგენა_ გადარჩენა უკავშირდება მის სახელს.
_ბატონი ანდროს დამსახურებაა, რომ დღეს გვაქვს აღდგენილი „საკმიელა,“„ბადაგი,“„მეკრენჩხი,“„წითლანა,“ „ორონა“ და სხვა იშვიათი ჯიშები _თქვა მეუფე იოსებმა.
ფესტივალზე ბუკისციხელი თეიმურაზ შარაშიძის ცნობილი მარანის „ჩხავერი“, „ჯანი“ და სხვა ცნობილი ღვინოები იყო წარმოდგენილი.
ღვინის ფესტივალის მონაწილეებს მიესალმა გურიის გუბერნატორი გიორგი ღურჯუმელიძე, სსიპ სოფლის მეურნეობის სამეცნიერო-კვლევითი ცენტრის ხელმძღვანელი, საქართველოს სოფლის მეურნეობის აკადემიის ნამდვილი წევრი ლევან უჯმაჯურიძე, გურიის ეპისკოპოსი მეუფე იოსები (კიკვაძე), ჩოხატაურის მუნიციპალიტეტის მერი მინდია ჟღერია.
ფესტივალის ორგანიზატორმა ირაკლი კუჭავამ აღნიშნა, რომ გურული ღვინის ფესტივალი ადგილობრივ ბაზარზე ქართული ღვინოპროდუქციის პოპულარიზაციას შეუწყობს ხელს და მადლობა გადაუხადა ფესტივალის „ოქროს სპონსორს“ კომპანია „ორბს,“კომპანია „წყალი მარგებელს,“და ფესტივალის ერთ-ერთ დამფუძნებელსა და სპონსორს „მევენეხეობა დოლიძეს,“ასევე წელს შემომატებულ ახალ სპონსორს ,,NEW ROAD.“
შემდეგ კი ირაკლი კუჭავამ ღონისძიების მონაწილეები ფონდი „ქართუს“ მიერ გარემონტებულ ერისთავების ციხე-დარბაზის ეზოში მიიწვია, სადაც საზეიმოდ მოხადეს გურულ ჭურს თავი და „ჩხავერის“ ღვინის მასიური დაგემოვნებით ფესტივალი ოფიციალურად გაიხსნა.
ფესტივალში მონაწილეობდა ღვინის ეოვნული სააგენტოს თავმჯდომარის მოადგილე ზურაბ ვაჭარაძე, მეღვინეობა – მევენახეობის მასტერკლასებს, მოწვეული ექსპერტები ანა გოდაბრელიძე, დავით ჩიჩუა, ირაკლი ჩოლობარგია უძღვებოდნენ.

მსგავსი სტატიები