ინტეგრირებული სასწავლო პროექტი „მე მკითხველი“.

სსიპ ქალაქ ოზურგეთის N 3 საჯარო სკოლის IV კლასში პედაგოგმა ნინო ვაშალომიძემ დაგეგმა და განახორციელა  ინტეგრირებული სასწავლო პროექტი „მე მკითხველი“.

პროექტის მიზანი :

• მოსწავლემ გაიაზროს კითხვის მიზანი, თუ რატომ არის არის საჭირო წიგნების კითხვა;
• მოსწავლისათვის შემოქმედებითი და კრიტიკული აზროვნების განვითარება;
• წიგნისადმი სიყვარულის გაღვივება;
• ბიბლიოთეკის, როგორც განათლების მიცემაზე პასუხისმგებელი   ინსტიტუციის მნიშვნელობის გაანალიზება.

ეროვნული სასწავლო გეგმის მეთოდოლოგიური ნაწილის  ერთ-ერთი მოთხოვნაა, ყურადღების გამახვილება  საგანთა შორის ინტეგრაციაზე.  ინტეგრირება  ეხმარება მოსწავლეს საკითხის ღრმად და მრავალმხრივად გააზრებაში. სწორედ ამ მიზნით დაიგეგმა პროექტი „მე მკითხველი“.  პროექტის ფარგლებში სასწავლო მასალის თემის ერთიან კონტექსტთან დაკავშირებამ ხელი შეუწყო  ორი საგნის„მე და საზოგადოებისა“  და ქართული ენის ინტეგრირებას.

პროექტი ორი თვის განმავლობაში მიმდინარეობდა (პროექტი გაიხსნა და დაიხურა ოზურგეთის ცენტრალურ ბიბლიოთეკაში.) , რომლის ფარგლებში მოსწავლეებმა იმუშავეს კომპლექსურ დავალებებზე, განახორციელეს საინტერესო აქტივობები. პროექტში ჩართული იყო მშობლები, მასწავლებლები.

მსგავსი სტატიები