თბილისის „დინამოს“ ისტორიული გამარჯვებიდან 45 წელი გავიდა

1981 წლის 13 მაისს, დიუსელდორფის „რაინშტადიონზე“ ქართული ფეხბურთის ისტორიაში პირველად, თბილისის „დინამო“ ევროპის თასის მფლობელთა თასის ფინალში გერმანულ „კარლ ცეისს“ დაუპირისპირდა და დაძაბულ ბრძოლაში დიდი გამარჯვება მოიპოვა.

შეხვედრის დაწყების წინ თბილისის „დინამოს“ მთავარმა მწვრთნელმა ნოდარ ახალკაცმა ფეხბურთელებს საქართველოს პატრიარქის, უწმინდესისა და უნეტარესის ილია II-ის წერილი წაუკითხა, სადაც იგი ლოცავდა ფეხბურთელებს და გამარჯვებისკენ მოუწოდება.

შეხვედრის პირველი ტაიმი მძიმე ბრძოლაში წარიმართა, მაგრამ რეალური საგოლე მომენტი არ შექმნილა.

მეორე ნახევრის 63-ე წუთზე გერმანელი ჰოპის გოლით „კარლ ცეისის“ ფეხბურთელები დაწინაურდნენ, თუმცა მალე რამაზ შენგელიას გარღვევისა და პასის შემდეგ ანგარიში ვლადიმერ გუცაევმა გაათანაბრა.

მატჩის 87-ე წუთზე ვიტალი დარასელიამ დავით ყიფიანისაგან პასი მიიღო, ორი მეტოქე ლამაზ სტილში ჩამოიშორა და ქართული ფეხბურთის ისტორიაში საუკუნის გოლი შეაგდო. „დინამო“ ევროპის თასის მფლობელთა თასის გამარჯვებული გახდა.

ალბათ ყველას გახსოვს შესანიშნავი მსახიობის და სპორტული კომენტატორის გულიდან ამოხეთქილი ეს ფრაზა: „Представляю, что сейчас творится в Тбилиси! Ликует столица Грузии “…თბილისსა და საქართველოს სხვა ქალაქებში ხალხი ქუჩაში გამოვიდა ამ გამარჯვების აღსანიშნავად…

დღეს, თბილისის „დინამოს“ სტადიონის საკონფერენციო დარბაზში დიუსელდორფში  გამარჯვებიდან 45 წლისთავის აღსანიშნავად შეხვედრა გაიმართა, სადაც ამ გამარჯვების შემომქმედნი თბილისის „დინამოს“ ვეტერანი ფეხბურთელები და სპორტული ჟურნალისტები, სხვა მოწვეული სტუმრები შეიკრიბნენ.

შეხვედრის ორგანიზატორებმა თავდაპირველად დიუსელდორფში გამარჯვებისადმი მიძღვნილი დოკუმენტური ფილმი უჩვენეს, ხოლო შემდეგ მწერლის, 60-მდე წიგნის ავტორის დემიკო ლომაძის წიგნის „დიუსელდორფის „რაინსტადიონზე“ პრეზენტაცია გაიმართა.

სიტყებით გამოიდნენ საქართველოს ფეხბურთის ფედერაციის გენერალური მდივანი დავით მუჯირი (უმცროსი), მწერალი დემიკო ლოლაძე და სხვები.

აღნიშნული წიგნი და სხვა გამოცემები შეხვედრის მონაწილეებს საჩუქრად გადასცეს.

გაზეთ „ალიონის“ საჩუქარს ალექსანდრე ჩივაძის, ვლადიმერ გუცაევის, თენგიზ სულაქველიძის, რევაზ ჩელებაძის და ოთარ გაბელიას ავტოგრაფებიც ამშვენებს.

მსგავსი სტატიები