ღია რეგიონალური ტურნირი ჭადრაკში-„რომან კუტუბიძე-95“.

ტურნირი საზეიმო ვითარებაში გაიხსნა, რომელსაც ესწრებოდა ღონისძიების „მთავარი მიზეზი“, 95 წლის იუბილარი რომან კუტუბიძე.,მრავლად შეკრებილი საზოგადოების წინაშე, გურიის ჭადრაკის ფედერაციის ხელმძღვანელმა, რომელსაც იუბილართან თითქმის ნახევარსაუკუნოვანი ურთიერთობა აკავშირებს, ისაუბრა ბატონი რომანის ძირითად, ბიოგრაფიულ შტრიხებზე,მის პიროვნულ ღირსებებზე და ქვეყნის წინაშე გაწეულ ღვაწლზე.მიუხედავად იმისა, ბატონი რომანი რაიონის საინჟინრო-ტექნიკურ სფეროში ათეული წლები წამყვან ,საპასუხიმგებლო თანამდებობეზე მუშაობდა, ჭადრაკის დიდი სიყვარულით, ნახულობდა დროს მონაწილება მიეღო რაიონის მნიშვნელოვან საჭადრაკო ღონისძიებებში.იგი სამჯერ იყო რაიონის ჩემპიონი და მრავალგზის პრიზიორი, გამოირჩევა თამაშის შემტევი, კომბინაციური სტილით, რითაც დღემდე ხიბლავს ჭადრაკში ჩახედულ მოყვარულებს. ბატონ რომანს მიულოცეს და გულთბილი სიტყვებით მიმართეს მისმა ლანჩხუთელმა ვეტერანმა მოჭადრაკეებმა ადამ და ტარიელ ხუხუნაიშვილებმა,ბეჟან ცეცხლაძემ, ელგუჯა ურუშაძემ, იური დიდმანიძემ, სამსახურეობრივმა ყოფილმა კოლეგამ ზაური დოლიძემ. ასევე ახალგაზრდებმა თორნიკე მახარაძემ და გიორგი მეგრელიშვილმა. თავის სიტყვაში იუბილარმა, გულწრფელი ემოციების ფონზე , ურღმესი მადლობა გამოხატა ტურნირში მონაწილეების და დამსწრე საზოგადოების მიმართ, მისი ესოდენ დაფასებისათვის.

რაც შეეხება საკუთრივ ტურნირს, იგი მონაწილეთა სათამაშო დონით და წარმომადგენლობით, მ/ წელს ერთერთი საუკეთესო გამოდგა. მართლაც, 14 მონაწილედან, სულ ცოტა, 10 მოჭადრაკე, საპრიზო სამეულში მოხვედრის რეალურ შანსებს ორი ტურით ადრე ინარჩუნებდა.

საბოლაოდ, დაძაბულ ბრძოლაში 5,5 ქულით ოზურგეთელმა აკაკი გოგუამ გაიმარჯვა, ხოლო მეორე ადგილზე, ასევე 5,5 ქულით, გიორგი გოგოლაური გავიდა , რომელსაც ბუჰგოლცის კოეფიციენტი ნაკლები აღმოაჩნდა. მესამე ადგილი კი, 5 ქულით ლანჩხუთელმა ტარიელ ხუხუნაიშვილმა დაიკავა.

აღინიშნა ახალგაზრდების დაჩი კიღურაძის, გიორგი და გაბრიელ სალუქვაძეების კარგი თამაშიც,რომლებმაც ტოლი არ დაუდეს გამოცდილი და ტიტულოვან უფროსი თაობის მოჭადრაკეებს.

წარმატებულ მოჭადრაკეებს, შესაბამის დიპლომებთან ერთად, ფასიანი საჩუქრებიც გადაეცა.

ტურნირის ბოლოს , ბატონი რომან კუტუბიძის საიუბილეო დაბადების დღეს, მეგობრებმა სახელდახელო სუფრაც მიუძღვნეს.