კაჭრეთში კლიმატის ცვლილებებთან დაკავშირებით  ფორუმი გაიმართა

გაეროს განვითარების პროგრამა (UNDP) საქართველოს მთავრობასთან თანამშრომლობით,ახორციელებს ფართომასშტაბიან ინიციატივას, რომელიც მიზნად ისახავს კლიმატით ცვლილებით  გამოწვეული კატასტროფული რისკების შემცირებას.

7-9 დეკემბერს, კაჭრეთში, სასტუმრო „კაჭრეთი ამბასადორში“  გაიმართა ყოველწლიური შემაჯამებელი სათემო ფორუმი, სადაც  განიხილეს „კლიმატის ცვლილებებით გამოწვეული კატასტროფების რიცხვის შემცირება საქართველოში.“

ფორუმზე მოისმინეს  პროექტის ფარგლებში განხორციელებული ინფრასტრუქტურული სამუშაოების,  ჰიდრომეტეოროლოგიური და აგრემეტეოროლოგიური სადამკვირებლო ქსელის გაფართოების საჭიროების შესახებ, გაიმართა  საფრთხის რუკების პრეზენტაცია, დროული შეტყობინების სისტემის გაფართოების შედეგების განხილვა, მუნიციპალიტეტების საგანგებო სიტუაციების მართვის გეგმების, მდინარეთა აუზების მოწყვლადობის შედეგების პრეზენტაცია და ა. შ.

ფორუმზე აღინიშნა, რომ გარემოს ეროვნული სააგენტოს მონაცემებზე დაყრდნობით, ბოლო წლებში საქართველოში საგრძნობლად გაიზარდა სხვადასხვა ბუნებრივი კატასტროფების სიხშირე და გავრცელების გეოგრაფია. ბოლო 23 წლის მანძილზე კლიმატის ცვლილებებით გამოწვეული კატასტროფები საქართველოს 1,2 მილიარდი დოლარი დაუჯდა, რაც მომავალი 10 წლის განმავლობაში შესაძლოა ეს ხარჯი 10-ჯერ გაიზარდოს.

11 მდინარის აუზისათვის შეიქმნება მრავალი საფრთხის მომცველი რისკების მართვის გეგმები, რომელთა შორის გურიის რეგიონის მდინარეების _ სუფსისა და ნატანების აუზებიცაა გათვალისწინებული.

სათემო ფორუმზე მდინარე სუფსისა და ნატანებში არსებულ მძიმე მდგომარეობაზე, რაც წლების მანძილზე ათეულობით კაომპანიების მიერ ქვა-ღორღის უსისტემო და უკონტროლო ამოღებითაა განპირობებული და შესაბამისად ამ მდინარეების აუზში ვითარდება მეწყერული და სხვა პროცესები, ასევე სპეციალისტების აზრით მოსალოდნელია სავი ზღვის სანაპირო ზოლის რღვევის პროცესის დაწყება, პანელურის დისკუსიის დროს ისაუბრა გაზეთ „ალიონის“ რედაქტორმა ნუგზარ ასათიანმა.

ფორუმზე გამოვლინდა გარემოსდაცვითი ინფორმაციისა და განათლების ცენტრის და UNDP Georgia-ს პროექტის ფარგლებში, ჟურნალისტებისთვის გამოცხადებული კონკურსის გამარჯვებული.

საუკეთესო ჟურნალისტური მედიანაშრომისთვის: „კლიმატის ცვლილებით გამოწვეული კატასტროფების რისკის შემცირება საქართველოში“გაიმარჯვებული გახდა აჭარის საზოგადოებრივი მაუწყებლის ჟურნალისტი ლევან ურიდია.

წამახალისებელი საჩუქრები გადაეცათ გაზეთ „ალიონის“ რედაქტორს ნუგზარ ასათიანს, „გურია ნიუსის“ ჟურნალისტ მარინა ჩიხლაძეს,  ტელეკომპანიების „ეგრისის“ და „ბორჯომის“ ჟურნალისტებს _ ჯემალ ღამბაშიძეს და ნინო ვარტაპეტიანს.

(კლიმატის ცვლილებებისა და მისგან გამოწვეული საფრთხეების თაობაზე გაზეთი „ალიონის“ მომდევნო ნომერში ვრცელ ინტერვიუს შემოგთავაზებთ გაეროს გარემოს დაცვისა და ენერგეტიკის მიმართულების ხელმძღვანელ ნინო ანთაძესთან).

მსგავსი სტატიები