გამარჯვებული და პრიზიორები გიორგი,აკაკი, გაბრიელ სალუქვაძეები

23-24 მაისს ოზურგეთის საჭადრაკო კლუბში ჩატარდა მოსწავლეთა შორის ღია მუნიციპალური ჩემპიონატი სწრაფ ჭადრაკში(15 წუთი, + 10 წამი თითოეულ სვლაზე), რომელშიც 16 წლამდე ასაკის საკმაოდ გამოცდილი მოჭადრაკეები იყვნენ ჩართული.

მართალია, მონაწილეთა შორის ასაკობრივი სხვაობა საკმაოდ შესამჩნევი იყო, მაგრამ ამას პარტიების ხარისხზე და ტურნირის საინტერესოდ წარმართვაზე ხელი არ შეუშლია. პირიქით, იყო პარტიები, რომელშიც ტიტულოვანმა მოჭადრაკეებმა შედარებით პატარებთან ქულები დაკარგეს. როგორც მოსალოდნელი იყო, პირველი ადგილისათვის ბრძოლაში თავიდანვე დაწინაურდნენ ცხემლისხიდელი აკაკი სალუქვაძე და ლიხაურელი გიორგი სალუქვაძე, რომლებიც ფინიშთან 6-6 ქულით მივიდნენ, თუმცა ურთიერთშეხვედრაში უკეთესი მაჩვენებლით, ჩემპიონობა გიორგის ერგო. საქართველოს R1600 რეიტინგული პირველობის ბრინჯაოს პრიზიორი აკაკი, რომელიც ზედმეტი თვითდაჯერებულობის თამაშობდა , ამჯერად მეორე ადგილზე გავიდა.

მისასალმებელია, რომ მესამე საპრიზო ადგილის პრეტედენტები, შეჯიბრების ყველაზე უმცროსი მონაწილეები, გაბრიელ სალუქვაძე და ანდრია ადეიშვილი გახდნენ. მათ თანაბარი ქულებით დაამთავრეს ტურნირი, ასეთ შემთვევაში უპირატესობას ურთიერთშეხვედრის შედეგი განსაზღვრავს, რაც გაბრიელს უკეთესი ჰქონდა და პრიზიორიც იგი გახდა. მოსაწონი იყო ბაქარ მახარაძის თამაში, თუმცა ეტყობოდა ნაკლები სათამაშო პრაქტიკის გამო, ჩვეულ ფორმაში ვერ იყო.

წარმატებული მოჭადრაკეების საზეიმო ვითარებაში დაჯილდოვება შედგება 1ივნისს -ბავშთა დაცვის საერთაშორისო დღესთან დაკავშირებით ამავე დღეს დაჯილდოვდება 8 და 10 წლამდე ასაკის გოგონათა და ჭაბუკთა შორის ჩემპიონატის პრიზიორები, რომელთა ვინაობა გამოვლინდება 29-31 მაისს ჩატარებულ ამავე ასაკის მოსწავლეთა ჩემპიონატში.

გურიის ჭადრაკის ფედერაციის თავმჯდომარე