თბილისში, რესპუბლიკის მოედანზე „ნამახვანჰესის“ საწინააღმდეგო აქცია მიმდინარეობს.

რიონის ხეობაში, კარვებში 208-დღიანი პროტესტისა და ქუთაისში გამართული აქციების შემდეგ, ნამახვანჰესის მოწინააღმდეგე აქტივისტებმა თბილისში გადაინაცვლეს.აქციაში გურიის სამივე მუნიციპალიტეტიდან რიონის ხეობის მცველთა მხარდამჭერები მონაწილეობენ. როგორც გარემოსდაცვითი სათემო ორგანიზაციის „ეკოს“ თავმჯდომარე ირმა გორდელაძემ გვითხრა,  ბევრი ადამიანი ჩამოვიდა რეგიონიდან და რესპუბლიკის მოედანზე რიონის ხეობის მცველთა მხარადამჭერი ათასობით ადამიანია შეკრებული.

ვარლამ  გოლეთიანმა თავის გამოსვლაში აქციის მონაწილეთა მოთხოვნებთან ერთად, სამოქალაქო საზოგადოების ჩამოყალიბების აუცილებლობაზე ისაუბრა.

„ნამახვანჰესის“  მშენებლობის მოწინააღმდეგეებს რამდენიმე მოთხოვნა აქვთ. კერძოდ, გაწყდეს 2019 წლის 25 აპრილს ხელმოწერილი ხელშეკრულება საქართველოს მთავრობასა და კომპანია „ენკა რინიუებლზს“ შორის მდინარე რიონზე დაგეგმილი „ნამახვანის ჰესების“ კასკადის მშენებლობის შესახებ და კომპანიამ დატოვოს რიონის ხეობა. გაუქმდეს საქართველოს მთავრობის 2019 წლის 21 ნოემბრის #2405 განკარგულება „სახელმწიფო საკუთრებაში არსებული უძრავი ქონების შპს „ენკა რინიუებლზისათვის“ აღნაგობის უფლებით გადაცემაზე თანხმობის მიცემისა და პირდაპირი მიყიდვის ფორმით პრივატიზების შესახებ, გაუქმდეს „ნამახვანის ჰესების“ კასკადზე 2015 წელს გაცემული სამშენებლო ნებართვა და ყველა სხვა მასზე დაფუძნებული დოკუმენტი. ასევე თანამდებობიდან გადადგეს  ეკონომიკისა და მდგრადი განვითარების მინისტრი ნათია თურნავა  და აღიძრას სისხლის სამართლის საქმე ყველა იმ თანამდებობის პირის მიმართ, ვინც ხელი აქვს მოწერილი  რიონის ხეობის გასხვისებაში.

მსგავსი სტატიები