ჩეხეთში ქართველმა ახალგაზრდებმა კარგად წარმოაჩინეს თავი

ჩეხეთის დედაქალაქ ქ. პრაღაში დამთავრა ევროპის საჭადრაკო ჩემპიონატი ახალგაზრდებს შორის, რომელშიც 8,10,12,14,16 და 18 წლამდე ასაკის, კონტინენტის უძლიერესი გოგონები და ჭაბუკები მონაწილეობდა. ჩემპიონატში სხვადასხვა ქვეყნის 1300-ზე მეტ მონაწილეს შორის, საქართველოს 25 წარნომადგენელი ასპარეზობდა. თავიდანვე უნდა ითქვას,რომ ქართველმა ახალგაზრდებმა კარგად წარმოაჩინეს თავი. მათგან 8 წლამდე ასაკში ლილე სვანაძემ და 14 წლამდე ასაკში მარიამ კალანდაძემ ვიცე-ჩემპიონის ტიტული მოიპოვეს, ხოლო კესარია მგელაძე(14წ) ბრინჯაოს მედალოსანი გახდა. 16 წლამდე ასაკში დიდებულად ითამაშა მარიამ ცეცხლაძემ.მან 7-7 ქულით I-IV ადგილები გაიყო,რეიტინგიც კარგად მოიმატა, თუმცა შვეიცარიული სისტემის დამახასიათებელმა უიღბლობამ მედალი არ შეახვედრა. ზოგადად ქართველმა მოჭადრაკეებმა კარგი შედეგებით დაამთავრეს ჩემპიონატი. 25-დან ოცმა მოჭადრაკემ მნიშვნელოვანად გაიუმჯობესა რეიტინგი, ანუ შესაძლო ქულების 60% და მეტის აღება.( მხოლოდ ორ მოჭადრაკეს დაუფიქსირდა რეიტინგის კლება).

ჩემპიონატში კარგად ითამაშა 10 წლამდე ასაკში მოასპარეზე ოზურგეთელმა ლაზარე ჩხარტიშვილმა.მან ქულების 60% აიღო და რეიტინგული მაჩვენებლის მომატებით, ერთერთი საუკეთესო შედეგი(105,2)აჩვენა, პრაქტიკულად მან შარშან მსოფლიო პირველობაზე ნაჩვები შედეგი გააუჯობესა და იმედია უკეთესი მიღწევა ექნება წელსვე, ნოემბერში მსოფლიო პირველობაზე,სადაც მონაწილეობის უფლება უკვე მოპოვებული აქვს.

ზოგადად უნდა აღინიშნოს, რომ მსოფლიოში მაღალ რეიტიმგულ მოჭადრაკეთა რიცხვი დღითიდღე იზრდება. ამ მხრივ, წინა პლანზე წამოიწია ისეთი ქვეყნები, რომლებიც ადრე არასაჭადრაკო ქვეყნებად მიიჩნეოდა, მაგრამ დღეს სერიოზულ კონკურენციას ქმნიან ყველა დონის საჭადრაკო შეჯიბრებებში. ჩემპიონატში მონაწილეთა დონით თუ ვიმსჯელებთ, იგი ყველა ასაკობრივ კატეგორიაში ძალიან მაღალი იყო, ამიტომ ჩვენი მოჭადრაკების შედეგები უდავოდ წარმატებულად უნდა შეფასდეს.

გურიის ჭადრაკის ფედერაციის თავმჯდომარე