„არწივებმა“ „დინოზავრებს“ სძლიეს

დღეს, ქ. ქუთაისში, „აიას“ სტადიონზე ოზურგეთის „არწივები“ წყალტუბოს „დინოზავრებს“ შეხვდნენ. ოზურგეთელებმა  წყალტუბოლოებს 26:14 სძლიეს.

პირველი ლელო შეხვედრის მე-3 წუთზე გოჩა ჯიქიამ დადო. შემდეგ დათო დოლიძემ (2 ლელო) და დათო ჩაუჩიძემ გამოიჩინეს თავი, 3 გარდასახვა უნაკლოდ შეასრულა ზურაბ ჟორჯოლაძემ და მეტად საჭირო 4 ქულა მოიპოვეს „არწივებმა“.

როგორც ოზურგეთის რაგბის კავშირის დირექტორმა ბონდო ღლონტმა გვითხრა, თუ ვინ იქნება სტეფანწმინდის „ყაზბეგის“ შემდეგ მე-2 ადგილოსანი გათამაშებაში, ეს ხვალ გაირკვევა „ყაზბეგისა“ და „ტაოს“ შეხვედრის შემდეგ. თუკი „ტაო“ „ყაზბეგს“ ვერ მოუგებს, მე-2 ადგილზე „არწივები“ იქნება. ამის შემდეგ პლეი-ოფი დაიწყება და „არწივები“ პირველ ლიგაში ღირსეული ადგილის დაკავებისათვის იბრძოლებს.

მსგავსი სტატიები