ოზურგეთის „არწივებმა“ თელავის „ჭადარი“ დაამარცხეს

დღეს, საქართველოს ეროვნული ჩემპიონატში რაგბიში პირველი ლიგის  გუნდებს შორის, ოზურგეთის „არწივებმა“ ზედა ექვსეულის აუტსაიდერს, თელავის „ჭადარს“ უმასპინძლა და  26:6 დაამარცხა.

ოზურგეთელთაგან თითო ლელო ლაშა პაპიძემ, მირზა შაინიძემ, გიორგი ბეჟანიძემ და გოჩა ჯიქიამ დადეს.

3 გარდასახვა ზურაბ ჟორჟოლაძემ შეასრულა, საიდანაც 2 წარმატებული აღმოჩნდა.

„არწივების“ შემადგენლობაში ბოლო 20 წუთი მთავარმა მწვრთნელმა კახა მაჩიტაძემ ითამაშა, რომელმაც ოზურგეთელთა ბოლო ლელოს შემდეგ ზუსტად შეასრულა გარდასახვა და ამით საბოლოოდ დააგვირგვინა „არწივების“ გამაჯვება და ახლა ისინი 18 ქულით მყარად არიან მე-4 ადგილზე.

წინა ტურში, თბილისში გათამაშების ფავორიტმა „არმიამ“ „არწივები“ 5:46 დაამარცხა. აქ ოზურგეთელები ცუდ მსაჯობასაც აღნიშნავდნენ. ამ ტურში კი „არმიამ“ გასვლით შეხვედრაში სამცხე-ჯავახეთში „ტაო“ 5:67 დაამარცხა.

ბოლო ტურში „არწივები“ თბილისის „ხვამლს“ უმასპინძლებს.

მსგავსი სტატიები