დმიტრო კულება _„ თუ რუსეთი ბირთვულ იარაღს გამოიყენებს, ეს მთელი მსოფლიოსთვის კატასტროფა იქნება“

_ „თუ რუსეთი უკრაინის წინააღმდეგ ბირთვულ იარაღს გამოიყენებს ეს მთელი მსოფლიოსთვის კატასტროფა იქნება. მაგრამ ეს ჩვენ არ გაგვტეხს“, – განაცხადა მან.

კულებას თქმით, პუტინმა ეს გადაწყვეტილება მაშინ მიიღო, როდესაც უკრაინასა და რუსეთს შორის მოლაპარაკებებზე საუბარი დაიწყო და მას სურს უკრაინაზე ზეწოლა გაზარდოს.

_„მაგრამ ჩვენ არ ავყვებით ამ ზეწოლას. ჩვენ მივუდგებით ამ მოლაპარაკებებს ძალიან მარტივად. ჩვენ მივდივართ იქ, რათა მოვუსმინოთ რას ამბობს რუსეთი და ვეტყვით რას ვფიქრობთ ამ ყველაფერზე. უკრაინა არ ეცემა. ჩვენ სისხლი გვდის, მაგრამ ჩვენ წარმატებით ვაგრძელებთ თავის დაცვას”, _  განაცხადა კულებამ.

დიმიტრი კულებას განცხადებით, უკრაინის დელეგაცია რუსეთთან დაგეგმილ მოლაპარაკებებზე დათმობაზე წასვლას არ აპირებს.

„თუ ამ მოლაპარაკებების შედეგი იქნება მშვიდობა და ომის დასრულება, ეს მისასალმებელია. მაგრამ, ნათლად ვაცხადებ, რომ არ დავნებდებით, კაპიტულაცია არ იქნება, არ დავთმობთ ჩვენი ტერიტორიის არცერთ ნაწილს. არ არის ჩვენი ბრძოლის მიზანი“, _ აღნიშნა კულებამ.