დამთავრდა მოსწავლეთა შორის ღია მუნიციპალური ჩემპიონატი ჭადრაკში

საჭადრაკო კლუბში დამთავრდა მოსწავლეთა შორის ღია მუნიციპალური ჩემპიონატი ჭადრაკში, რომელსაც უნდა გამოევლინა გოგონათა და ჭაბუკთა შორის აბსოლუტური ჩემპიონები და ის ექვსი საუკეთესო მოჭადრაკე, რომლებიც მონაწილეობას მიიღებს, ოქტომბერ- ნოებერში დაგეგმილ, ოზურგეთის მუნიციპალიტეტის 2023 წლის ჩემპიონატში. ჩემპიონატში 12 დან 17 წლამდე ასაკის 17 მონაწილე იყო ჩართული, რომლებსაც საკმაოდ დიდი სათამაშო გამოცდილება აქვთ დაგროვილი და თამაშის დონით მნიშნელოვან ძალას წარმოადგენენ ადგილობრივ საჭადრაკო ცხოვრებაში. მათ წელს არაერთ რესპუბლიკურ, თუ საერთასორისო ტურნირებში მიიღეს მონაწილეობა და საარდადაგებო საჭადრაკო საზონში შთამბეჭდავ წარმატებებსაც მიაღწიეს. მართლაც ამ ჩემპიონატმა კიდევ ერთხელ დაადასტურა . რომ ჩვენ იმედის მომცემი და მაღალ სპორტულ შედეგებზე ორიენტული ახლგაზრდობა გვეზრდება. კარგი იქნებოდა ჩემპიონატში მონაწილეობა მიეღო ლაზარე ჩხარტიშვილს, ანა მეგრელაძეს და ლუკა მახარაძეს, რომლებმაც წელს განსაკუთრებით გამოიჩინეს თავი სხვადასხვა ტურნირებში, თუმცა სამივეს, თავიანთი რეიტინგული მონაცემებით მუნიციპალურ ჩემპიონატში მონაწილეობის უფლება უკვე დამსახურებული აქვთ. .(ინფორმაციისათვის: ლაზარე ამჟამად სპეციალური პროგრამით ემზადება მსოფლიო პირველობისათვის, რომელშიც 14-27 ოქტომბერს, არაბეთში მიიღებს მონაწილეობას.) მიუხედავად აღნიშნულისა,შეჯიბრება ძალზე საინტერესო გამოდგა. მას სიმწვავე და დაძაბულობა პირველივე ტურიდან დაეტყო. თითოეულ პარტიას გადამწყვეტი მნიშვნელობა ჰქონდა.ბოლო ტურის წინ კი ერთდროულად ოთხ მოჭადრაკეს ჰქონდა აბსოლუტური ჩემპიონობის შანსი. საბოლაოდ ფინითან 6-6 ქულით ნიკოლოზ ბარამიძე და ნათია ვასაძე მივიდა პირველები. უკეთესი კოეფიციენტით კი აბსოლუტური ჩემპიონობა ნიკოლოზს ერგო (მწვრთნელი ელ.ურუშაძე). სხვათაშორის ნიკოლოზი ერთპიროვნულადაც ხდებოდა ჩემპიონი, რომ არა ნათიასა და ალექსანდრე სირბილაშვილს შორის დრამატულად დამთავრებული პარტია,რომელშიც ალექსანდრეს აშკარა უპირატესობა (მატერიალურად და დროით) ფიდეს მკაცრ წესებს (შეეხე ითამაშე!) ემსხვერპლა. ყველასათვის მოსაწონად, მაღალი სათამაშო კლასი აჩვენა ლიზი ვასაძემ, რომელიც გამარჯვებულებს ნახევარი ქულით ჩამორჩა, მაგრამ მის ბრინჯაოს მეტი ფასი და ბრწყივალება შესძინა. მისასალმებელია, რომ ჭადრაკში აქტიურობა განაახლა დემეტრე გოგიტიძემ, რომელმაც დაგროვილი 5 ქულით მე-4 ადგილზე გავიდა, ნადვილად შექებას იმსახურებს ალექსანდრე სირბილაშვილი, რომელსაც ბოლო ტურში, ძალიან დასანანად „ჯიბეში ჩადებული“ მედალი უნებლიეთ ამოუვარდა.. მიღწეული შედეგებით ოზურგეთის 2023 წლის ჩემპიონატში თამაშის უფლება მოიპოვეს აკაკი სალუქვაძემ, გაბრილ მჟავიამ(!) და გიორგი სალუქვაძემ(!). გაბრიელმა და გიორგიმ 4-4 ქულა დააგროვეს(!-, რაც თავიანთი ასაკისათვის სერიოზული მიღწევა და წინ გადადმული ნაბიჯია..

გოგონათა შორის თავიანთ ასაკში საუკეთესო შედეგით, ქალთა ჩემპიონატის საგზური მოიპოვეს ანასტასია ხინთიბიძემ (3,5 ქულა 7-დან) და მარიამ მახარაძემ(3,0), რომლებმაც მასში მონაწილეობისათვის, დებულებით განსაზღვრული ბარიერები წარმატებით გადალახეს.

ჩემპიონატი, რომელიც ოზურგეთის მუნიციპალიტეტის მხარდაჭერით ჩატარდა, საზეიმო ვითარებაში დაიხურა. მასში მონაწილეობა მიიღეს ოზურგეთის მუნიციპალიტეტის საკრბულოს თავმჯდომარემ დავით დარჩიამ და საკრებულოს კომისიის თავმჯდომარე მარიკა ჩხიკვიშვილმა, ასევე ადგილობრივი საზოგადოების სხვადასხვა წარმომადგენლებმა.

წარმატებული მოჭადრაკეები, თავიანთი შედეგების შესაბამისად, დაჯილდოვდნენ თასებით, მედლებით, დიპლომებით და სასაჩუქრე ვაუჩერებით.

შესაბამისად დაჯილდოვდა ასევე ჩემპიონატის ფარგლებში ჩატარებული ბლიც-ტურნირის წარმატებული მოჭადრაკეები.

სენიორთა შორის ოზურგეთის 2023 წლის ჩემპიონმა ბეჟან ცეცხლაძემ, მის მიერ დაწესებული პრიზი გადასცა ჩემპიონატის ყველაზე ახალგაზრდა და წარმატებულ მოჭადრაკეს, ლიხაურელ გიორგი სალუქვაძეს.

დასასრულს გურიის ჭადრაკის ფედერაციის ხელმძღვანელმა ზურაბ ანდღულაძემ განსაკუთრებულად აღნიშნა მწვრთნელების – ნინო წიტაიშვილისა და ელგუჯა ურუშაძის ნაყოფიერი მოღვაწეობის შესახებ. მანვე გააკეთა ინფორმაცია, გეგმა კალენდრით გათვალისწინებული, იმ საჭადრაკო ღონისძიებების შესახებ, რომლებიც ოზურგეთის მუნიციპალიტეტის მხარდაჭერით წლის ბოლომდე გაიმართება.

გურიის ჭადრაკის ფედერაციის თავმჯდომარე.