გარემოსდაცვითი ორგანიზაცია „ეკო“„პარვუს ჯგუფის“ მიერ ჰესების მშენებლობის შეჩერებას სასამართლოს ძალით მოითხოვს

ოზურგეთის მუნიციპალიტეტის სოფელ შემოქმედში (გომი), მდინარე ბჟუჟის ხეობაში, კომპანია „პარვუს ჯგუფის“მიერ , სამი ჰიდროელექტროსადგურის მშენებლობა მიმდინარეობს.

გარემოსდამცველები მიიჩნევენ რომ კომპანიამ ადგილზე გზის გაყვანის სამუშაოები ისე დაასრულა და ადგილზე სადერევაციო მილები ისე დაასაწყობა – ანუ მშენებლობის პირველი ეტაპი ისე დაიწყო, რომ არანაირი კვლევები არ ჩაუტარებია, ადგილზე არ ყოფილა არც ბუნების დამცველები, ეკოლოგები, გეოლოგები და სხვა სპეციალისტები,  ასევე ყურადღებას ამახვილებენ იმ ფაქტზე, რომ მიუხედავად არაერთგზის მოთხოვნისა, ოზურგეთის მერიიდან რამდენიმე თვეა ვერ მიიღეს ვერანაირი ინფორმაცია, თუ ვინ არიან და რას აშენებენ ბჟუჟის ხეობაში, თუმცა „პარვუს ჯგუფს“ხეობაში დერივაციული მილები უკვე შეაქვთ.

აღსანიშნავია რომ აგვისტოს თვის საკრებულოს სხდომაზე ოპოზიციონერ დეპუტატ  გოჩა შილაკაძის მიერ დასმული საკითხი, რომ საკრებულოს ან კომისიის სხდომაზე მოესმინათ „პარვუს ჯგუფის“ ხელმძღვანელისთვის, თუ რა ხდებოდა მდინარე ბჟუჟის ხეობაში, რაზედაც საკრებულომ დადებითი აზრი გამოთქვა, ჯერ არ შესრულებულა. შემოქმედელები ამბობენ, რომ მათთან კომპანიას შეხვედრა არ ჰქონია.

მიუხედავად იმისა, რომ კომპანიის წარმომადგენლები საუბრობდნენ  გარემოსთან ზემოქმედების საკითხში კვლევის გაკეთების შესახებ,  – დღემდე არცერთი კვლევა არ გასაჯაროებულა.

როგორც გარემოსდაცვითი ორგანიზაცია „ეკოს“ დამფუძნებელი  ირმა გორდელაძე, აცხადებს, მისი ორგანიზაცია, კომპანიის წინააღმდეგ სარჩელს ჰესების უკანონო მშენებლობის გამო შეიტანს და მის შეჩერებას სასამართლოს ძალით მოითხოვს.

მსგავსი სტატიები