დღეს, „ერთიანი ნაციონალური მოძრაობის“ ოზურგეთის ორგანიზაციის ოფისში ჟურნალისტებთან ბრიფინგი გაიმართა. წინასაარჩევნო დარღვევებზე ისაუბრეს „ერთიანი ნაციონალური მოძრაობის“ ადგილობრივმა ლიდერებმა, ოზურგეთის მუნიციპალიტეტის საკრებულოს წევრებმა დავით მჟავანაძემ და თათია ნიკოლაიშვილმა.
ისინი აცხადებენ, რომ წინასაარჩევნო კამპანიაში ჩართული არიან კრიმინალური ავტორიტეტები და სპორტსმენები (მოჭიდავეები).
მათი განმარტებით, ამ ადამიანების მობილიზება „ქართული ოცნების“ დელეგატის მიერ მოხდა, რათა მათ ამორჩეველი დააშინონ და არჩევანი ხელისუფლების სასარგებლოდ გააკეთონ.
მათ განაცხადეს, რომ საარჩევნო კამპანიაში ჩართული არიან წარსულში ნასამართლევი, ე.წ. „გლდანის ციხის მაყურებელი“ ზურაბ ნონიაშვილი, ე.წ „კრიმინალური ავტორიტეტი“ ირაკლი (დოლა) დოლიძე, სასამართლოს მიერ ზონდერობისთვის გამტყუნებული, ლაშა გიორგაძე, ძმები გეგეშიძეები და კორცხელის ინციდენტში მონაწილე ზონდერები,რომლებიც ამჟამად გურიაში ხალხის დაშინებით არიან დაკავებულები.
თათია ნიკოლაშვილმა და დავით მჟავანაძემ ბრიფინგზე მყოფ ცენტრალური და რეგიონული მედიის წარმომადგენლებს ფოტოები და ვიდეოკადრებიც უჩვენეს, სადაც მათი მტკიცებით ჩანან კრიმინალური ავტორიტეტები და მოჭიდავეები.
მსგავსი სტატიები
- 84
26 ოქტომბრის საპარლამენტო არჩევნებთან დაკავშირებით ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჯოზეფ ბორელი და ევროკომისია ერთობლივ განცხადებას ავრცელებენ. განცხადებაში ნათქვამია, რომ ევროკავშირი ახლოდან აკვირდებოდა საპარლამენტო არჩევნებამდე მოვლენებს და ბოლო თვეების განმავლობაში საქართველოს ხალხმა აჩვენა დემოკრატიული ღირებულებებისა და თავიანთი ქვეყნის ევროკავშირის გზისადმი ერთგულება. განცხადების თანახმად, ეუთო/ოდირის სადამკვირვებლო მისიის წინასწარი… - 81
დავასრულეთ საარჩევნო კამპანია გურიაში. შევხვდით ყველა თაობის ადამიანს და გვქონდა პოზიტიური შეხვედრები, სადაც მოსახლეობას გავაცანით „ქართული ოცნების“ პროგრამის პრიორიტეტები და სამომავლო გეგმები. გამოწვევები კვლავ რჩება, რომლებსაც არჩევნებში გამარჯვების შემდეგ ეტაპობრივად მოვაგვარებთ და ჩვენი მოქალაქეების სოციალურ-ეკონომიკური მდგომარეობის გაუმჯობესებისთვის ბევრ კარგ საქმეს გავაკეთებთ. მეამაყება, რომ საქართველოს პარლამენტში წარმოვადგენდი გურიას, როგორც მაჟორიტარი დეპუტატი.… - 80
პარლამენტის თავმჯდომარის მოადგილე არჩილ თალაკვაძე, „ქართული ოცნების“ გურიის დელეგატი ვასილ ჩიგოგიძე და სახელმწიფო რწმუნებული გურიაში გიორგი ურუშაძე, დაბა ნარუჯისა და ლაითურის მოსახლეობას შეხვდნენ. ამის შესახებ ინფორმაციას „ქართული ოცნების“ პრესსამსახური ავრცელებს. პრესსამსახურის ცნობით, მოსახლეობასთან შეხვედრისას „ქართული ოცნების" ხელისუფლების მხარდაჭერით გაწეულ სამუშაოებზე და სამომავლო გეგმებზე ისაუბრეს. „მოხარული ვარ, რომ ჩვენს პოლიტიკურ გუნდს… - 79
საქართველოში მძლავრი დემოკრატია 2004 წლიდან იყო და არის ქვეყნის სიძლიერის წყარო, ხოლო გუშინდელი აქტივობა კიდევ ერთხელ ადასტურებს ქართველი ხალხის ერთგულებას დემოკრატიისადმი. თუმცა, 2024 წელს საერთაშორისო და ადგილობრივი დამკვირვებლები აღნიშნავენ, რომ წინასაარჩევნო გარემო ხასიათდებოდა მმართველი პარტიის მიერ ადმინისტრაციული რესურსების ბოროტად გამოყენებით, ხმების მოსყიდვითა და ამომრჩევლის დაშინებით, რამაც ხელი შეუშალა თანასწორი პირობების… - 77
არასამთავრობო ორგანიზაცია „საერთაშორისო გამჭვირვალობა - საქართველოს“ განცხადებით, 26 ოქტომბრის საპარლამენტო არჩევნებისთვის, მნიშვნელოვან პრობლემას წარმოადგენს „ადმინისტრაციული რესურსების გამოყენება იმ პირობებში, როცა ზღვარი მმართველ პარტიასა და სახელმწიფოს შორის ფაქტობრივად წაშლილია“. ამის შესახებ ორგანიზაციის მიერ გავრცელებულ განცხადებაშია ნათქვამი. ამასთან, მათივე თქმით, ორგანიზაციის მიერ ჩატარებული დაკვირვებისას წინასაარჩევნო პერიოდის რამდენიმე გამოწვევა გამოიკვეთა. „მთავარ გამოწვევებს შორისაა:…