მოსწავლეთა შორის ღია საჭადრაკო ჩემპიონატი დასრულდა

საჭადრაკო კლუბში დამთავრდა მოსწავლეთა შორის ღია საჭადრაკო ჩემპიონატი, რომელიც იმავდროულად წარმოადგენდა ქალთა და ვაჟთა შორის ოზურგეთის 2024 წლის ჩემპიონატის შესარჩევ ტურნირს.

ჩემპიონატში ძირითადად სასკოლო ასაკის ის 16 მოჭადრაკე მონაწილეობდა, რომლებიც წლის განმავლობაში წარმატებით გამოდიოდნენ სხვადასვა დონის რეგიონალურ, თუ რესპუბლიკურ შეჯიბრებებში. დებულებით, ჩემპიონატს უნდა გამოევლინა ის რვა(I-VIII ადგილები) მოჭადრაკე ,რომლებიც მონაწილეობას მიიღებდა ოზურგეთის მუნიციპალიტეტის მთავარ ჩემპიონატში. უნდა აღინიშნოს, ზოგადად ბავშვებმა კარგი სათამაშო დონე და საინტერესო პარტიები აჩვენეს. იყო დასანანი შეცდომებიც(განსაკუთრებით ცაიტნოტებში),რომლებმაც გათამაშების საბოლაო ცხრილზეც იქონია გავლენა, თუმცა საბოლაოდვ ადგილები მაინც ლოგიკურად გადანაწილდა და წინასწარ გაკეთებულ მოსალოდნელ შედეგებს დიდად არ დასცილებია. მაგალითად თავიდანვე ეჭვს არ იწვევდა ნიკოლოზ ბარამიძის წარმატება, რომელიც გურიის წლევავანდელ ჩემპიონატში ბრინჯაოს პრიზიორი გახდა. მან 7 შესაძლებლობიდან 6,5 ქულა დააგროვა და მოსწავლეთა შორის მუნიციპალიტეტის აბსოლუტური ჩემპიონი გახდა. ჭაბუკთა შორის ვიცე-ჩემპიონობა და გოგონათა შორის ჩემპიონობა ლიზი ვასაძემ მოიპოვა, რომელმაც წელს, დინჯი და გააზრებული თამაშით არაერთხელ გამოიჩინა თავი. მესამე ადგილზე 5 ქულით აკაკი სალუქვაძე გავიდა, IV საპრიზო ადგილი 4,5 ქულიან ბაქარ მახარაძეს ერგო. ეს უდავოდ ნიჭიერი ახალგაზრდები ჭადრაკს მეტ დროს რომ უთმობდეს, შეუძლიათ სერიოზული სიტყვა თქვან დიდ ჭადრაკში. მომდევნო გამსვლელ სამ ადგილზე თანაბარი ქულებით(4-4) გიორგი სალუქვაძე,მარიამ მახარაძე და ლიკა ღლონტი გავიდა. მიუხედევად, იმისა მათ რამდენიმე მოსაგები, თუ საყაიმო პარტია ხელიდან გაუშვეს, თუმცა მათ მომზადების დონით ნადვილად შეუძლიათ ღირსეულად წარმოაჩინონ თავი უფროსებთან ასპარეზობაშიც. კარგად ითამაშეს 3,5-3,5 ქულიანმა ანდრია ადეიშვილმა  და ანდრია ლომაძემ, მართალია მათ ქულათა 50% ვერ გადალახეს, მაგრამ გამსვლელ რვაეულში ინარჩუნებენ მოხვედრის შანს. სხვათაშორის მხოლოდ ანდრია ადეიშვილმა შეძლო ჩემპიონთან ყაიმის გაკეთება. საბოლაო შედეგები ასე გამოიყურება: