ქ. ოზურგეთში, ოზურგეთის მერობის დამოუკიდებელი კანდიდატის, კონსტანტინე შარაშენიძის მხარდამჭერი წინასაარჩევნო აქცია-მსვლელობა გაიმართა.
დამოუკიდებელი მერობის კანდიდატოს მხარდამჭერებმა კონსტანტინე შარაშენიძის საცხოვრებელი სახლიდან, სადაც მისი საარჩევნო შტაბია განთავსებული, ქალაქის ცენტრალურ ქუჩებში მსვლელობა გამართეს და ოზურგეთის ცენტრალური უნივერმაღის გვერდით მდებარე სკვერში მიტინგი გამართეს.
„ოზურგეთი არ იყიდება“, „არა ძალადობას“, „არა მოსყიდვას“, „არა გაყალბებას“, _ეწერა ტრანსპარანტებზე.
_მეგობრებო, ყველამ კარგად იცით, ამომრჩეველზე როგორი ზეწოლა, მოსყიდვა და დაშინება ხდება. ჩვენ უარი ვუთხარით ძალადობას, მოსყიდვას და ეს ყველაფერი უკან მოვიტოვეთ. შექმნილია ზონდერების ჯგუფები და ვიცით, რა უქნეს ჭანიეთელ გოდერძი ქავთარაძეს. სცემეს, ყურებიდან სისხლი სდის, გააუბედურეს ადამიანი… არა ძალადობას, ოზურგეთი არ იყიდება! …უცნაური რამ მოვისმინეთ,_ ოზურგეთი და თიანეთი უნდა დავიბრუნოთო. კი, მაგრამ ვინ წაგართვა? რა ჭირთ დასაბრუნებელი? დასაბრუნებელი რომელიც არის_ კოდორი, სამაჩაბლო და აფხაზეთი დავიბრუნოთ, პრემიერო!“ – სკანდირებდა შოთა გოგიბერიძე.
ქალაქის ცენტრში გამართულ მიტინგზე კონსტანტინე შარაშენიძემ ოზურგეთელებს მიმართა:
_თავად ხედავთ როგორი ზეწოლისა და მოსყიდვის ქვეშ მიმდინარეობს მმართველი პარტიის მხრიდან საარჩევნო პროცესი… მიუხედავად პარტიული კუთვნილებისა, პოზიციური თუ ოპოზიციური განწყობისა, ყველა ადამიანი, ყველა ოზურგეთელი ჩემთვის ერთნაირად ძვირფასია, მე ყველას მერი ვარ…ვერ გავიგე, რომელია კანდიდატი! ბაღის ბაღანასავით დაათრევს აქით–იქით. დაშინება, მოსყიდვა, ძალადობა… პატიმრების ფაქტით სპეკულირებენ. ჭანიეთელი კაცი მოკლეს ცემით… დააკნინეს ხალხი. პირობითი სასჯელის მოხდაზე სპეკულირებენ…მე არცერთი თქვენგანისთვის არ დამივალებია, მიდით, ის, იმის ოჯახის წევრი, გადმომიყვანეთ ჩემს მხარეს–მეთქი! ან ტელეფონით გადაიღეთ, გადმოიბირეთ ვინმე–მეთქი… ამას არასდროს გაკადრებთ! ქართული ოცნების კანდიდატმა, არაფერი გაუკეთებიაო… 4 წელი, რაც შემეძლო, არ დამიზოგავს თავი. ერთხელ მოვიშორეთ მოძალადეები. მეორედაც უნდა მოვიშოროთ ის მოძალადეები! ზონდერები ჰყავთ მობილიზებული, გურულად რომ ვთქვათ, ცალტვინა ხალხი. ოღონდ კოტე არ იყოსო, ამიტომ. მე რომ დანაშაული მქონდეს სახელმწიფოს, თქვენ ან ვინმეს წინაშე, დღეს თქვენთან არ ვიქნებოდი. მე თქვენთან ერთად არასდროს გამიჭირდება! ჩემი გამარჯვება, ოზურგეთის გამარჯვებაა! მე ვარ დამოუკიდებელი კანდიდატი, სახალხო, საინიციატივო ჯგუფის წარდგენილი და გამარჯვება საქართველოს მასშტაბით უნდა ვიზეიმოთ! ყველა სოფლის, ყველა ქუჩის, სოფლის საზღვრებიანად ზეპირად ვიცი! ყველას გვერდში ვუდგავარ…1937 წელს ვადარებ! ეს არ მომხდარა ოზურგეთში! ხალხს დასდევენ… სად არიან ის ხალხი, ვისაც „ქართული ოცნების“ დამფუძნებელი ჰქვიოდა. ერთი აგერ ვარ, ახლა დამოუკიდებელი კანდიდატი. სად არიან დანარჩენები, დამფუძნებელს აღარ უნდა ეს პარტია. კლანად იქცა! არავისთან ჩხუბი არ მინდა და დაპირისპირება. თუმცა, ზოგმა ჭკუა ვერ ისწავლა_განაცხადა კონსტანტინე შარაშენიძემ.
აქციის მონაწილეებმა სვლა გააგრძელეს. მივიდნენ ოზურგეთის #60 საოლქო-საარჩევნო კომისიის ოფისთან და ქალაქის ცენტრალური ქუჩების გავლით საწყის ლოკაციას დაუბრუნდნენ.
მსგავსი სტატიები
- 67
დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის… - 63
დიეგო არმანდო მარადონა — არგენტინელი ფეხბურთელი და მწვრთნელი. ბევრი ფეხბურთის ექსპერტი, ფეხბურთელი და გულშემატკივარი მიიჩნევს მსოფლიოს ყველა დროის საუკეთესო ფეხბურთელად. პელესთან ერთად მოიგო ფიფა-ს „საუკუნის საუკეთესო ფეხბურთელის“ პრიზი. არგენტინის ეროვნულ ნაკრებში ჩაატარა 91 მატჩი და გაიტანა 34 გოლი. იგი შარშან, 25 ნოემბერს გარდაიცვალა 60 წლის ასაკში. ლეგენდარული დიეგო მარადონა მოედანზე… - 61
საქართველო, 30 ივლისი, საქინფორმი. მცხეთა-მთიანეთის ყოფილი გუბერნატორი ვასილ მაღლაფერიძე 2007 წლის 5 ნოემბერს გაკეთებულ ჩანაწერს აქვეყნებს. მაღლაფერიძე 4 ნოემბერს, მაშინდელი შინაგან საქმეთა მინისტრის ვანო მერაბიშვილის კაბინეტში გამართული თათბირის შესახებ წერს. ჩანაწერს „პირველი რადიო“ უცვლელად გთავაზობთ. „რაც ვნახე და მოვისმინე შინაგან საქმეთა სამინისტროში 2007 წლის 4 ნოემბერს დღეს 2007 წლის 5 ნოემბრის საღამოა,… - 61
რეკლამებიდან მიღებულ შემოსავლებს გაზეთისთვის საციცოცხლო მნიშვნელობა აქვს, თუმცა, ასე არ ფიქრობენ 2021 წლის ადგილობრივი თვითმმართველობის არჩევნებში მონაწილე პოლიტიკური პარტიები, ოზურგეთის მერობის კანდიდატები. მიუხედავად ამისა, გაზეთი „ალიონი“ მაქსიმალურად ცდილობს, მიაწოდოს მკითხველს (ამომრჩეველს) ინფორმაცია საარჩევნო გარემოს, საარჩევნო კომისიების მუშაობის, პოლიტიკური სუბიექტების შესახებ. რედაქციამ გაითვალისწინა ისიც, რომ ზოგიერთ პოლიტიკურ პარტიას, ადგილობრივი თვითმმართველობის მაჟორიტარი… - 60
"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…