მდინარე ბჟუჟის ხეობაში აუცილებლად უნდა ჩატარდეს გეოლოგიური და ჰიდროლოგიური კვლევები

გარემოსდაცვითი არასამთავრობო ორგანიზაცია „ეკოს“ დამფუძნებელმა ირმა გორდელაძემ ოზურგეთის დემოკრატიული ჩართულობის ცენტრში რეგიონის მედიასაშუალებებთან და არასამთავრობო ორგანიზაციების წარმომადგენლებთან პრესკონფერენცია გამართა. მან ოზურგეთის მუნიციპალიტეტის სოფელ შემოქმედში (გომი), მდინარე  ბჟუჟის ხეობაში კომპანია „პარვუს ჯგუფის“ მიერ ოთხი ჰესის მშენებლობის შესახებ ისაუბრა.

როგორც ირმა გორდელაძემ აღნიშნა, ყველაფერი ერთი წლის წინ დაიწყო, როცა სოფელ გომში მოვხვდით ერთ-ერთ შეხვედრაზე (იხ.https://alion.ge/…/%e1%83%9e%e1%83%90%e1%83%a0%e1%83%95%e1…/ „პარვუს ჯგუფი“_პასუხგაუცემელი კითხვები), სადაც გაირკვა, რომ უცნობი კომპანია („პარვუს ჯგუფი“) მდინარე ბჟუჟის ხეობაში ჯერ 2, შემდეგ 3 მცირე ჰესის („ბასრა 1“, „ბასრა 2,“ „ბასრა 3“) აგებას აპირებდა და სამუშაოები უკვე ჰქონდა დაწყებული. შემდეგ გაირკვა, რომ „პარვუს ჯგუფს“ ოზურგეთის მერიასთან გაფორმებული ჰქონდა მემორანდუმი და ადგილობრივი ხელისუფლება ინფორმირებული იყო ხეობაში მიმდინარე მოსამზადებელი სამუშაოების შესახებ.

_ ჩვენ თვეების მანძილზე ვითხოვთ საჯარო ინფორმაციას ოზურგეთის მუნიციპალიტეტის მერიისაგან. ამ დრომდე მათგან პასუხი არ მიგვიღია. ასევე, მივწერე გარემოს დაცვის სააგენტოს.  მათგან ინფორმაცია, თუ რას აპირებდა „პარვუს ჯგუფი“ ბჟუჟის ხეობაში.

თავდაპირველად  „პარვუს ჯგუფი“ არანაირი სიმძლავრის გაზრდას არ გეგმავდა, რადგან მცირე ჰესების მშენებლობა მიმდინარეობდა და კანონმდებლობით არ საჭიროებდა გარემოს დაცვის პროცედურების, გზშ-ს და სკოპინგის გავლას.

მდინარე ბჟუჟს ახასსიათებს  ღვარცოფული  მოვარდნები. ეს ტერიტორია გეოლოგიურად, სეისმიურად საშიშია. ასეთ ადგილას აუცილებლად უნდა ჩატარდეს გეოლოგიური და ჰიდროლოგიური კვლევები.

ახლახან ცნობილი გახდა, რომ გარემოს ეროვნული სააგენტოს ვებგვერდზე გავრცელდა „პარვუს ჯგუფის“ განცხადება, სადაც წერია, რომ აღნიშნული კომპანია დამატებით კიდევ ერთი ჰესის _„ბასრა 4“-ის მშენებლობას და სიმძლევრეების 30 მეგავატამდე გაზრდას აპირებს.  მოხდა სკოპინგის ანგარიშის წარდგენა სოფელ გომში. ამ შეხვედრაზე ვესწრებოდი და პირდაპირ გეტყვით, რომ გავაპროტესტე. აქედან გამომდინარე, ეროვნული სააგენტოს სახელზე გავაგზავნე წერილი და მივუთითე, რა შენიშვნები და რეკომენდაციები მქონდა“, _ აღნიშნა პრესკონფერენციაზე ირმა გორდელაძემ.

მსგავსი სტატიები