/23 ივლისს ოზურგეთის მუნიციპალიტეტის კულტურისა და მოსწავლე ახალგაზრდობის ცენტრის დარბაზში (სოფ. ოზურგეთი) კომპანია „ნიუ სითი დეველოფშენთის“ მიერ მოსახლეობასთან საინფორმაციო შეხვედრა გაიმართა.
თავდაპირველად აანონსებდნენ, რომ დაბა გომისმთის განაშენიანების გეგმის გარემოსდაცვითი შეფასების ანგარიშის ( შემდგომ _სგშ) და სტრატეგიული დოკუმენტის პროექტის საჯარო განხილვა მოხდებოდა, თუმცა შემდგომ ეს განხილვა გადაიდო.
შეხვედრას ოზურგეთის მუნიციოალიტეტის მერიის ინფრასტრუქტურის,სივრცითი მოწყობისა და ტრანსპორტის სამსახურის უფროსი თამაზ ჩავლეიშვილი უძღვებოდა, ხოლო ორგანიზატორი კომპანია „ნიუ სითი დეველოფმენთი“ იყო.
როგორც ითქვა, ადგილობრივი ბიუჯეტის დაფინანსებით შემუშავდა გომისმთის განაშენიანების გენერალური კონცეფცია, რომელიც მიზნად ისახავს უსისტემო და უკონტროლო მშენებლობების მოწესრიგებას, მართვადი სამშენებლო პროცესების წარმართვასა და რეკრეაციული ზონის სწორ განვითარებას. ითქვა, რომ გომისმთის განაშენიანების გენ გეგმის მიღებამდე, სამშენებლო სამუშაოები არ უნდა აწარმოონ. გომისმთა ტურისტებისთვის მიმზიდველ ადგილად უნდა იქცეს.
შეხვედრაზე ბათუმის სახელმწიფო უნივერსიტეტის პროფესორმა, ჭარბტენიანობის საერთაშორისო ექსპერტმა იზოლდა მაჭუტაძემ ისაუბრა თუ რა გავლენას მოახდენს გომისმთის სუბალპურ და ალპურ ეკოსისტემაზე, ძირითად ჰაბიტატებზე, აქ მობინადრე ფრინველებზე გომისმთის რესურსების ჭარბი გამოყენება.
_აქ ძირითადი ჰაბიტატები წიწვოვანი ტყეებია, ალპური მდელოები და მაღალმთიანი ფრინველთა საბინადრო არეალი _შურთხის და როჭოს საბუდარი. _თქვა მან.
თუმცა დარბაზში მყოფი კურორტ გომისმთის სააგარაკო სახლების, გაუფორმებელი მიწების მფლობელები ღონისძიების ორგანიზატორებიდან ითხოვდნენ მათი პრობლემების გარშემო ესაუბრათ.
_ გომისმთის ჰავა რომ იდეალურია, ეს 150 წელია ვიცით. მინიმუმ 5 წლის წინ უნდა შემდგარიყო ეს შეხვედრა, როგორ აპირებთ ჩვენს გარეშე კურორტის განაშენიანების საკითხის განხილვას ვხედავთ, როგორ ინგრევა აშენებული. ამ დროს გურიის გარედან შემოყვანილია ხალხი. სამსართულიანი სააგარაკო კოტეჯებიც კარგად შენდება_განაცხადა შემოქმედელმა ზურაბ გიორგაძემ.
_ გომისმთის განაშენიანების თემა 10 წელის მიმდინარეობს. მიდის წლები და ფაქტიურად გარდა შეზღუდვებისა არაფერი არ კეთდება _თქვა ოზურგეთელმა გურამ ასათიანმა.
_ თქვენ ამბობთ, რომ გომისმთის განაშენიანების გეგმის განხილვის მე-4 ეტაპზე ხართ. წინა სამი ეტაპზე ჩვენს გარეშე განიხილეთ? როდის გეგმავთ პროექტის საჯარო განხილვას? _შეკითხვა დასვა წითელმთიელმა კოტე თოდრაძემ.
_არიქა, უფასოდ ვაძლევთ მიწებს, დანომრეთ, დაანაწილეთ. საქართველოს სხვადასხვა კუთხეებიდან დაიძრა ადამიანები , გაჩაღდა მშენებლობები. ამბობდნენ, განაშენიანების გეგმა გვაქვს, სხვა თემებს ყველაფერი ეშველებაო…უნდა შეიქმნას ლეგალიზაციის კომისია. ხალხი მოტყუებას არავის არ აპატიებს. ბახმაროზე 4 ათასი სახლია უკანონოდ აშენებული, რას იზამენ?_დაანგრევენ ?_ემოციურად გამოვიდა ოზურგეთელი შაქრო ჩანქსელიანი.
_მომდევნო განხილვა ერთი თვის ფარგლებში იქნება, თქვენ შეგიძლიათ ყველა იფორმაციას გაეცნოთ მუნიციპალიტეტის მერიის ვებ.გვერდზე _უთხრა დარბაზში მყოფთ კომპანია „ნიუ სითი დეველოფმენთის“ ურბანისტმა თეკლა მენაბდემ.
ამ ეტაპზე მოსახლეობასთან შეხვედრა ამით დასრულდა.
_
მსგავსი სტატიები
- 73
ჩოხატაურის მუნიციპალიტეტის მე-6 მოწვევის საკრებულოს პირველი სხდომა გაიმართა.საკრებულოს სხდომა N62 ჩოხატაურის საოლქო საარჩევნო კომისიის თავმჯდომარემ, თეიმურაზ კუტუბიძემ გახსნა, რომელმაც წარადგინა მოხსენება საკრებულოს წევრების უფლებამოსილების ცნობის შესახებ.საკრებულოს თავმჯდომარედ დავით შარაშიძე აირჩიეს.საკრებულოს თავმჯდომარემ გუნდს და ამომრჩეველს გამოცხადებული ნდობისთვის მადლობა გადაუხადა.„4 ოქტომბრის ადგილობრივი თვითმმართველობის არჩევნებმა კიდევ ერთხელ დაადასტურა, რომ „ქართულ ოცნებას“ უპრეცედენტოდ მაღალი… - 72
საქართველოს დამოუკიდებლობის დღესთან დაკავშირებით, ოზურგეთის მუნიციპალური ტრანსპორტი უფასო იქნება. ავტობუსები 26 მაისს დილიდან 20:00 საათამდე იმოძრავებს და მოქალაქეებს უფასოდ მოემსახურება. აღნიშნულ ინფორმაციას ოზურგეთის მუნიციპალიტეტის მერია აცხადებს. - 71
სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ხსოვნის პატივსაცემად, გურიის მხარეში სახელმწიფო რწმუნებულის ადმინისტრაციისა და ოზურგეთის მუნიციპალიტეტის ადგილობრივი თვითმმართველობის ადმინისტრაციული შენობის ფასადზე ბანერი განთავსდა. - 71
ადგილობრივი ხელისუფლების წარმომადგენლებმა ყვავილებით შეამკეს საქართველოს დემოკრატიული რესპუბლიკის მთავრობის პირველი თავმჯდომარის, ნოე რამიშვილის, ბიუსტი. შესრულდა სახელმწიფო ჰიმნი; ხელოვნების სასახლის მიმდებარე ტერიტორიაზე ადგილობრივი შემსრულებლების კონცერტი და სხვადასხვა სახის გასართობი ღონისძიება გაიმართა; ცენტრალური სტადიონზე ჩატარდა სპორტული აქტივობები: დოღი, მკლავჭიდი, მხატვრული ტანვარჯიში, ბაგირის გადაძალვა და რაგბის საჩვენებელი თამაში. გამარჯვებულებს სპეციალური პრიზები და სიგელები…
