დღეს, პარტიამ „ჩვენი საქართველო-სოლიდარობის ალიანსი“ გურიის მაჟორიტარობის კანდიდატად წარადგინა აგრარულ მეცნიერებათა დოქტორი, ნინო შეწირული-გობრონიძე, რომელსაც 12 წლიანი გამოცდილება აქვს სოფლის მეურნეობისა და კვების უსაფრთხოების საკითხებში.იგი 4 წლის განმავლობაში იყო სოფლის მეურნეობის სააგენტოს უფროსი გურიის რეგიონში.
გურიის მაჟორიტარობის კანდიდატის წარდგენას ესწრებოდნენ პარტიის თავმჯდოარე ბექა ნაცვლიშვილი;
გენერალური მდივანი მარიამ ჯაში; პარტიის პოლიტსაბჭოს თავმჯდომარე ზვიად კვაჭანტირაძე.
_ნინოს ხედვა არის გურიაში და ქვეყნის მასშტაბით სიღარიბის დაძლევა სწორედ სოფლის მეურნეობის გაძლიერებით.ნინოსთან ერთად ჩვენ არამხოლოდ გავაძლიერებთ აგრარულ სფეროს გურიაში, არამედ შევქმნით უფრო მაღალი ხარისხის სამედიცინო მომსახურებას მაღალკვალიფიციური კადრების მოზიდვით რეგიონში _განაცხადა პარტიის თავმჯდომარე ბექა ნაცვლიშვილმა.
მარიამ ჯაში: დღეს ოზურგეთში წარვადგინეთ უძლიერესი კანდიდატი.
პირველი ქალი კანდიდატი, რომელიც „ჩვენი საქართველო- სოლიდარობის ალიანსისი“სახელით მაჟორიტარის მანდატისათვის იბრძოლებს. ნინი შეწირული გახლავთ აგრარულ მეცნიერებათა დოქტორი. უდიდესი პრაქტიკული გამოცდილებით სოფლის მეურნეობისა და სურსათის უვნებლობის საკითხებში. ნინო თავად ოთხი წლის განმავლობაში ხელმძღვანელობდა სოფლის მეურნეობის სააგენტოს გურიის მასშტაბით არაერთი ფართომასშტაბიანი ინიციატივისა და პროგრამის ავტორი და კოორდინატორი გახლდათ. ნინო არის ერთ-ერთი ყველაზე ღირსეული კანდიდატი, რომელიც ურთულეს კონკურენციას გაუწევს ყველა სხვა პარტიის მხრიდან უკვე ნომინირებულ კანდიდატებს.. ჩვენ გურიაში ვიბრძვით გამარჯვებისთვის რომელიც იქნება არა მხოლოდ ნინოს გამარჯვება, არამედ ხალხის გამარჯვება, რადგან „ჩვენი საქართველო-სოლიდარობის ალიანსის“ უმთავრესი პრინციპი არის ხალხის სამსახურში და სახელმწიფო ინტერესების დასაცავად პოლიტიკური მანდატების მობილიზაცია.
მიუხედავად იმისა, რომ ჩვენ მივიღეთ გადაწყვეტილება „ქართული ოცნების“ დატოვების შესახებ, პასუხისმგებლობას ვიღებთ ყველა იმ წარმატებაზე და ასევე შეცდომებზე, რომლებიც იყო წლების მანძილზე, მაგრამ არცერთმა ჩვენგანმა ვინც ვართ გაერთიანებული „ჩვენი საქართველო-სოლიდარობის ალიანსის“ გუნდში, არ გადავკვეთეთ წითელი ხაზები. არ წავსულვართ არასდროს ჩვენი მორალის და პროფესიული სტანდარტის წინააღმდეგ. მხოლოდ და მხოლოდ ქვეყნის, სახელმწიფოს სამსახურში ვიყავით წლების მანძილზე, როგორც მთავრობაში ასევე პარლამენტსა და სხვა საერთაშორისო ორგანიზაციებში და გვჯერა რომ დღეს აუცილებელია საქართველოს სახელმწიფო ინტერესებისთვის და თითოეულ ოჯახში კეთილდღეობის შესაქმნელად საზოგადოების ნდობით, ცოდნით და პროფესიონალიზმით გამორჩეული ადამიანებით გუნდის ფორმირება. სწორედ ასეთ გუნდს ვქმნის „ჩვენი საქართველო-სოლიდარობის ალიანსი“ ჩვენ ძალიან ვამაყობთ რომ ნინო შეწირული-გობრონიძე არის ჩვენი გუნდის წევრი_განაცხადა გაზეთ „ალიონთან“დასახელებული პარტიის გენერალურმა მდივანმა, საპარლამენტო ფრაქცია „დამოუკიდებელი დეპუტატების“ თავმჯდომარე მარიამ ჯაშმა.
მსგავსი სტატიები
- 64
დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის… - 62
ეს ამბავი თუ ჰიპოტეზა გაჟღერდა 2019 წელს,როცა ბახმაროში ჩამოვიდა ვინმე იური გუდი,რომელის ირწმუნებოდა,რომ ებრაელთა ,,აღქმის კიდობანი“ დამარხული იყო ბახმაროში.ქვემოთ ერთ სურათზე ნაჩვენებია ეს მთა ფაფარა.ამას მაშინ აზრთა დიდი სხვადასხვაობა მოჰყვა.გუდი ითხოვდა გათხრების წარმოების ნებართვას მაგრამ ამას ვერ მიაღწია. შემდეგ მან დაამზადა ტურისტული რეკლამა და ბათუმიდან ცდილობდა მოეზიდა ტურისტები და ენახვებინა… - 54
"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე… - 53
საქართველოს პრემიერმინისტრმა, ირაკლი ღარიბაშვილმა მოსახლეობას ახალი – 2023 წელი მიულოცა. „სამოქალაქო საქართველო“ პრემიერის საახალწლო მილოცვის სრულ ტექსტს გთავაზობთ: „ჩემო ძვირფასო თანამემამულენო, კიდევ ერთ წელს ვაცილებთ ერთად, რომელიც მარტივი არ ყოფილა და ბევრი ტკივილით, სირთულითა და რისკებით დაგვამახსოვრა თავი, მაგრამ ასევე გვქონდა ბევრი წარმატება და პროგრესი ყველა მიმართულებით. ჩვენ ერთად, ზომიერებითა… - 53
გუშინ, „ქართული ოცნება - დემოკრატიული საქართველომ“ ოზურგეთის, ლანჩხუთისა და ჩოხატაურის მაჟორიტარი დეპუტატობის კანდიდატი ვასილ ჩიგოგიძე წარადგინა გუშინ, „ქართული ოცნება - დემოკრატიული საქართველომ“ ოზურგეთის, ლანჩხუთისა და ჩოხატაურის მაჟორიტარი დეპუტატობის კანდიდატი ვასილ ჩიგოგიძე წარადგენა. წარდგენას „ქართული ოცნების“ გენერალური მდივანი კახა კალაძე, პრემიერ-მინისტრი გიორგი გახარია, პარლამენტის თავმჯდომარე არჩილ თალაკვაძე და პარტიის სხვა…