დღეს, ოზურგეთის მუნიციპალიტეტში წმინდა გაბრიელ ეპისკოპოსის სახელობის სოფელ ბახვის საჯარო სკოლაში პროექტ „ჩემი ოჯახის გენიალოგიური ხე” ფარგლებში მონაწილეობა მივიღე, როგორც თანადამფინანსებელმა მოსწავლეების დაჯილდოების პროცესში.პროექტში მონაწილეობა მიიღო 107 ( ასშვიდმა მოსწავლემ ერთი სკოლიდან!!!).
თურქეთელი ქართველის, ბიზნესმენის, საზოგადო მოღვაწისა და ქველმოქმედის ისმედ აჯარი- ვაჭარიძის სტიპენდიები გადაეცათ მოსწავლეებს: ნუცა ანდღულაძეს – პირველი ადგილი, თეა თვალაბეიშვილს – მეორე ადგილი და ჯემიკო დიასამიძეს – მესამე ადგილი. მადლობის სიგელებით დაჯილდოვდნენ : სკოლის დირექტორი ქალბატონი მზია ვაშალომიძე, პედაგოგები ქალბატონი ლუდმილა შონია, ქალბატონი ფიქრია მაჭარაშვილი , ქალბატონო ნინო მგელაძე და რაც მთავარია პროექტში მონაწილე ასშვიდივე მოსწავლე. დაჯილდოებაში აქტიური მონაწილეობა მიიღო ბათუმი – ბეიკოზის დედაენის მასწავლებელმა, საპატიო ქედელმა,ბატონ ისმედ აჯარის მეგობარმა, ქალბატონმა მერი დიასამიძემ, საქართველოს მწერალთა კავშირის წევრმა, პედაგოგმა ქალბატონმა თამარ ხოზრევანიძემ და ამავე სოფლის მკვიდრმა ბატონმა ვანო როყვამ.
განსაკუთრებული მადლობა მინდა ვუთხრა ოზურგეთის მუნიციპალიტეტის რესურსცენტრის ხელმძღვანელს ქალბატონ ლალი სიჭინავას, ჟურნალისტებს, ყველა მონაწილეს , მშობლებს, სკოლის ყველა პედაგოგს და ყველა იმ ადამიანს ვინც მცირედი წვლილი შეიტანა ამ საშვილიშვილო საქმეში. შემდეგი, დაჯილდოვება გაიმართება ქუთაისში 12 ივნისს. _წერს მერაბ კვიცარიძე.
მსგავსი სტატიები
- 62
კომპანია „პარვუს ჯგუფის“ სოციალური და საგანმანათლებლო პროექტის ფარგლებში კვირიკეთის, გომისა და შემოქმედის სკოლების უფროსკლასელებს ჩაუტარდათ ტრენინგები თემაზე _ „ვიცავთ გარემოს და ვქმნით ენერგოუსაფრთხო მომავალს“. პროექტის მიზანი გარემოს დაცვასა და განახლებადი ენერგიების როლსა და მნიშვნელობაზე მოსწავლეებში ცნობიერების ამაღლება იყო. პირველი ეტაპი სასწავლო წლის ბოლოს ადგილობრივი „ენერგო ელჩების“ არჩევით დასრულდა, ისინი კვალიფიციურად… - 61
საქართველოს განათლების, მეცნიერებისა და ახალგაზრდობის მინისტრი ალექსანდრე წულაძე, გურიის მხარეში სახელმწიფო რწმუნებულთან გიორგი ურუშაძესთან, საქართველოს პარლამენტის ვიცე-სპიკერ არჩილ თალაკვაძესთან, გურიის მაჟორიტარ დეპუტატთან ვასილ ჩიგოგიძესთან, ოზურგეთის მერ ავთანდილ თალაკვაძესთან და საკრებულოს თავმჯდომარე დავით დარჩიასთან ერთად, ოზურგეთის მუნიციპალიტეტის სოფელ დვაბზუს საჯარო სკოლის სარეაბილიტაციო სამუშაოებს გაეცნო. შენობა, რომელიც 240 მოსწავლეზეა გათვლილი, სრულად განახლდება… - 57
2024 წლის 6 და 7 ივნისს, ბახვი ჰესის მოწვევით, მთისპირისა და ჩხაკაურას სკოლებს რეჟისორი ლევან კოღუაშვილი სტუმრობდა. სტუმარმა მოსწავლეებს საკუთარი გამოცდილება გაუზიარა და ისაუბრა ისეთ თემებზე, როგორიცაა განათლების მნიშვნელობა და პროფესიები კინო ინდუსტრიაში, პასუხისმგებლიანი მოქალაქეობა, წარმატების მიღწევის გზები და ფილმის „გურია“ მიმდინარეობა. შეხვედრაზე ერთ-ერთი მთავარი განსახილველი თემა ქვეყანაში სხვადასხვა მიმართულებით… - 57
ოზურგეთის წმინდა ნინოს სახელობის მართლმადიდებლური სკოლის კურსდამთავრებულმა სერგი ჭეიშვილმა ქართული ენისა და ლიტერატურის გამოცდაზე მაქსიმალური 60 ქულიდან 59 ქულა მიიღო. ვულოცავთ! - 57
კურსდამთავრებულებს მიმართავს სოფელ ზოტში 1926 წელს გაიხსნა პირველი დაწყებითი სკოლა, კერძო ოჯახში, სადაც 4 მოსწავლე ირიცხებოდა. ამჟამად ზოტის საჯარო სკოლაში 140 მოსწავლე სწავლობს. სკოლა დაკომპლექტებულია ადგილობრივი კადრებით. ყველა პედაგოგი სერთიფიცირებულია. გვყავს ორი წამყვანი და ერთი მენტორი მასწავლებელი. სკოლის დირექტორია ქალბატონი ნანა ირემაძე. ყოველივე ამაში დიდი წვლილი მიუძღვით მოწვეულ მასწავლებლებს, რომლებიც…