შემოქმედებითი კონკურსი „ღმერთო სამშობლო მიცოცხლე“

26 მაისის საქართველოს დამოუკიდებლობის დღესთან დაკავშირებით, ლანჩხუთის მუნიციპალიტეტის მერია აცხადებს შემოქმედებით კონკურსს ,,მთიები,“ რომელიც ჩატარდება:
მხატვრულ ლიტერატურაში – პროზა, პოეზია;
სახვით ხელოვნებაში – ფერწერა, გრაფიკა, გობელენი და სხვა;
მხატვრულ კითხვაში .
კონკურსის თემაა – ,,ღმერთო, სამშობლო მიცოცხლე!“

კონკურსში მონაწილეობა შეეძლებათ 14-29 წლამდე, ლანჩხუთის მუნიციპალიტეტში მცხოვრებ ახალგაზრდებს.
კონკურსის მიზანია, ხელი შეეწყოს შემოქმედებითი ნიჭით დაჯილდოებული, ნიჭიერი ახალგაზრდების გამოვლენასა და მათ პოპულარიზაციას;

კონკურსანტებმა მასალები უნდა გამოგზავნონ ელექტრონულად,
შემდეგ ელ მისამართზე : mtiebi2021@gmail.com
განაცხადები მიიღება – 22 აპრილიდან 5 მაისის ჩათვლით.

პროზასა და პოეზიაში – ნამუშევრები წარმოდგენილი უნდა იყოს: Word- ის დოკუმენტით, ქართულ ენაზე, შრიფტის ზომა 12, Sylfaen.

სახვით ხელოვნებაში – ნამუშევარი წარმოდგენილი უნდა იქნას მატერიალურად, განათლების, კულტურის, ძეგლთა დაცვის, ტურიზმის, სპორტისა და ახალგაზრდულ საქმეთა სამსახურში, ნებისმიერ მასალაზე (ტილო, მუყაო და ა.შ.) მოცულობა არაუმეტეს 80-60სმ. ასევე კონკურსანტის განაცხადი შესაბამისი დოკუმენტაციითა და ნამუშევრის ფოტოთი, წარმოდგენილი უნდა იყოს ელექტრონულად.

კონკურსანტების ნამუშევარს თან უნდა ერთვოდეს განცხადება, პირადობის მოწმობის ასლი (არასრულწლოვანის შემთხვევაში დაბადების მოწმობის ასლი) კონკურსანტის საკონტაქტო ინფორმაცია, ტელ. ნომერი და ელ.ფოსტა;

საკონკურსო განაცხადი მიღებულად ჩაითვლება, ორგანიზატორის დადასტურების მიღების შემთხვევაში, მითითებულ ელ.ფოსტაზე.

გამარჯვებულების გამოვლენა მოხდება, საკონკურსო ნამუშევრების მიღების დასრულებიდან, 5 დღის ვადაში.
გამარჯვებულები დაჯილდოვდებიან ფულადი ჯილდოთი, პრიზებითა და ფასიანი საჩუქრებით, 26 მაისის საზეიმო ღონისძიებაზე.

კონკურსის მხარდამჭერი შეიძლება იყოს ნებისმიერი ფიზიკური და იურიდიული პირი, რისთვისაც იგი მუნიციპალიტეტის მერიას აწვდის ინფორმაციას, მხარდაჭერის შესახებ.

კონკურსის ორგანიზატორია, ლანჩხუთის მუნიციპალიტეტის მერიის განათლების, კულტურის, ძეგლთა დაცვის, ტურიზმის, სპორტისა და ახალგაზრდულ საქმეთა სამსახური.

მსგავსი სტატიები